完整藏文原文 · 德格版页 当前仅加载第 7 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་རྩེ་བར་འགྱུར་བ་དེ་ནི་གནས་མ་ཡིན་སྐབས་མ་ཡིན་ཏེ། དེ་ནི་གནས་མེད་དོ། །ཕྲེང་ལྡན་མས་སྨྲས་པ། ལྷས་དེ་ནི་གསན་ན་བཅོམ་ལྡན་འདས་ཀྱིས་འདི་ན་ངས་དགེ་སློང་འདུག་པ་ན་འདོད་ཆགས་དང་བཅས། ཞེ་སྡང་དང་བཅས། གཏི་མུག་དང་བཅས་པར་མཐོང་ལ།
D3.007.0256b01.01དེ་ཉིད་ལངས་པ་ན་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ་བར་ཡང་མཐོང་ངོ་། །དགེ་སློང་དག་དེ་ལྟ་བས་ན་སེམས་ནི་གློག་དང་འདྲ་ལ། ཏིང་ངེ་འཛིན་ནི་རྡོ་རྗེ་དང་འདྲ་བས་ཉོན་མོངས་པ་རྣམས་ནི་ཡེ་ཤེས་ཀྱིས་འཇོམས་སོ་ཞེས་གསུངས་པ་དེ་མ་
D3.007.0256b02.01གསན་ཏམ། རྒྱལ་པོ་ཐོས་པ་ཉུང་བས་དེ་ཅང་མི་སྨྲ་བར་འདུག་གོ། །ཕྲེང་ལྡན་མས་ཀྱང་བསམས་པ། དགྲ་བཅོམ་པ་ཟག་པ་ཟད་པ་དག་ཆུ་ལ་ཕྱར་གཡེང་གིས་རྩེ་བ་དེ་ནི་གནས་མ་ཡིན་སྐབས་མ་ཡིན་ཏེ། དེ་ནི་གནས་མེད་དོ་སྙམ་ནས། དེ་ནས་བཙུན་མོ་ཕྲེང་ལྡན་
D3.007.0256b03.01མས་མི་ཞིག་ལ་སྨྲས་པ། ཀྱེ་ནང་རྗེ་ཁྱོད་ཚུར་ཤོག །བཅོམ་ལྡན་འདས་ག་ལ་བ་དེར་སོང་ལ་ཕྱིན་པ་དང་། ཁོ་མོའི་ཚིག་གིས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚོལ་ལ། འདི་སྐད་ཅེས་བཙུན་མོ་ཕྲེང་ལྡན་མའི་མཆིད་ནས། བཙུན་པ་
D3.007.0256b04.01འཕགས་པ་འདི་དག་ཆབ་ལ་ཕྱར་གཡེང་གིས་རྩེ་བར་བགྱིད་པས་རྒྱལ་པོ་གློ་བ་མི་དགའ་བར་སེམས་ན། ཀྱེ་མ་བཅོམ་ལྡན་འདས་ཀྱིས་གང་གིས་འཕགས་པ་དག་ཆབ་ལ་ཕྱར་གཡེང་གིས་རྩེ་བར་མི་འགྱུར་བ་དྲན་པར་བགྱི་བ་ཅུང་ཞིག་བཅའ་བ་མཛད་ན་ལེགས་སོ་
D3.007.0256b05.01ཞེས་མཆིའོ་ཞེས་གསོལ་ཅིག །མི་དེས་ཇོ་མོ་བཀའ་བཞིན་འཚལ་ཞེས་བཙུན་མོ་ཕྲེང་ལྡན་མ་ལས་མཉན་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ། །མཐའ་
D3.007.0256b06.01གཅིག་ཏུ་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཙུན་མོ་ཕྲེང་ལྡན་མ་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ལོ། །བཙུན་མོ་ཕྲེང་ལྡན་མ་དང་། ཁྱོད་བདེ་བར་གྱུར་ཅིག །བཙུན་པ་བཙུན་མོ་ཕྲེང་ལྡན་མའི་
D3.007.0256b07.01