完整藏文原文 · 德格版页 当前仅加载第 7 函德格 17a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་ལ་བྱ་བ་བསྐྱེད་པར་བྱའོ། །ལྷན་ཅིག་གནས་པ་དང་། ཉེ་གནས་དེ་དག་ལས་སུ་བསྐོས་པར་འགྲོ་བ་ན་དེ་དག་སློབ་དཔོན་དང་། མཁན་པོ་དག་ལ་ཞུས་ཏེ་སོང་བ་ན། དེར་སོང་བ་དེ་དག་ལ་ལས་གཞན་བྱུང་ནས་དེ་དག་ཡང་ཕྱིར་འོང་ཞིང་ཞུ་བར་བྱེད་ནས་
D3.007.0017a01.01བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་དེར་དོང་བ་རྣམས་ལ་ལས་གཞན་བྱུང་ན་དེ་དག་གིས་ཡང་དང་ཡང་དུ་ཕྱིར་འོངས་ཏེ་ཞུ་བར་མི་བྱ་བར་དེ་ཉིད་དུ་ལས་བྱ་སྟེ། དེ་དག་གིས་སྔར་ཞུས་པ་དེ་ཉིད་ཀྱིས་ཐམས་ཅད་ཞུས་པ་ཡིན་ནོ། །དེ་དག་གིས་དེར་སྟན་དག་ཁྱེར་བ་ཕྱིར་ཁྱེར་
D3.007.0017a02.01ཏེ་མི་འོང་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་སྟན་ཁྱེར་ཏེ་འོང་བར་བྱའོ། །དེ་དག་གིས་ཆེས་སྔར་སྟན་དག་ཁྱེར་ཏེ་དོང་བ་དང་། སློབ་དཔོན་དང་། མཁན་པོ་དག་ལ་གང་གིས་དེ་དག་མི་འགྲོ་བ་དེ་འདྲ་བའི་རྐྱེན་བྱུང་ནས། བཅོམ་ལྡན་འདས་ཀྱིས་བཀའ་
D3.007.0017a03.01སྩལ་པ། དེ་དག་གིས་སློབ་དཔོན་དང་མཁན་པོ་དག་ལ་འཆག་ཏུ་འགྲོ་འམ་མི་འགྲོ་ཞེས་ཞུ་བར་བྱ་ཞིང་གལ་ཏེ་འགྲོའོ་ཞེས་ཟེར་ན་སྟན་དག་བསྐུར་བར་བྱའོ། །གལ་ཏེ་མི་འགྲོ་ཞེས་ཟེར་ན་སྟན་དག་བསྐུར་བར་མི་བྱའོ། །ཁྱིམ་བདག་གཅིག་གིས་སངས་རྒྱས་ལ་སོགས་པ་དགེ་སློང་
D3.007.0017a04.01གི་དགེ་འདུན་ཁྱིམ་གཞན་དུ་བཤོས་ལ་སྤྱན་དྲངས་པ་ན། གཞོན་ནུ་ཞིག་དགེ་བའི་ཕྱོགས་ལ་ཤིན་ཏུ་བརྩོན་ནས་དེས་བསམས་པ། དེང་བདག་བསོད་སྙོམས་ལ་འཇུག་མི་དགོས་པས་ཇི་སྲིད་དུ་གདུགས་ཚོད་ལ་བབ་པར་མ་གྱུར་པ་དེ་སྲིད་ཀྱི་བར་དུ་དགེ་བའི་ཕྱོགས་ལ་ཏྲོན་བྱའོ་
D3.007.0017a05.01སྙམ་ནས། དེ་སྟན་ཁྱེར་ཏེ་ཕྱི་རོལ་དུ་སོང་བ་དང་། དགེ་སློང་རྣམས་དུས་སྔ་མ་ཚོགས་སུ་གཙུག་ལག་ཁང་གི་སྒོ་བཅད་དེ་དོང་ངོ་། །དེས་ཀྱང་དུས་ཤེས་པར་བྱས་ཏེ་འོངས་པ་དང་། ཇི་ཙམ་ན་གཙུག་ལག་ཁང་གི་སྒོ་བཅད་པ་མཐོང་ནས་དེས་བསམས་པ། བདག་ཟན་བཅད་པ་
D3.007.0017a06.01ནི་བླའི་བདག་ལྟུང་བ་དང་བཅས་ན་མི་རུང་ངོ་སྙམ་ནས་དེ་ཟན་བཅད་པ་བྱས་པ་དང་། དེའི་ལུས་ལ་ཇི་སྲིད་དུ་མདངས་ཡོད་པ་དེ་སྲིད་དུ་དེས་དགེ་བའི་ཕྱོགས་ལ་ཏྲོན་བྱས་སོ། །གང་གི་ཚེ་ལུས་ལས་མདངས་ཡལ་བ་དེའི་ཚེ་ན་གློས་ཕབ་སྟེ་ཉལ་བ་དང་། དགེ་སློང་རྣམས་ཀྱིས་དེ་ལ་
D3.007.0017a07.01