完整藏文原文 · 德格版页 当前仅加载第 7 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
གཏུབས་པའི་རྩ་དག་ཟ་བ་སོམས། །དེ་ཚེ་མང་པོས་ཁྱོད་ལ་བསམས་མ་གྱུར། །འདི་ན་མགྱོགས་འགྲོ་སྟོང་གི་ཐོག་འདྲེན་ཅིང་། །རྒྱལ་པོས་ཆིབས་རན་མཆོག་དག་ཉེར་བསྟབས་པ། །ཅིའི་ཕྱིར་མི་ཟ་དྲིས་པ་བདག་ལ་སྨྲོས། །དེ་ནས་རབ་མགྱོགས་དྲང་པོ་བརྟན་
D3.007.0085a01.01ལྡན་པ། །མི་བཟོད་འཁྲུགས་བཅས་མགྱོགས་འགྲོ་མཆོག་གིས་ནི། །དེ་ལས་ཉེར་ཞི་ལེགས་པར་བསམས་བྱས་ནས། །འདུལ་སྦྱོང་བློ་ལྡན་མི་མཆོག་དེ་ལ་སྨྲས། །འདིར་ཁྱོད་ཁོ་བོའི་ཡོན་ཏན་དེ་ཉིད་ཤེས། །ཁོ་བོ་ཇི་བཞིན་ཁྱོད་ཀྱིས་མ་རིག་མིན། །མཁས་པས་བརྙས་ན་ས་སྟེང་མི་རྒྱུ་ཞིང་། །
D3.007.0085a02.01ཁོ་བོ་འདིར་ནི་མྱུར་དུ་ཤི་ཡང་བླ། །སྐྱེ་བོ་ངན་པས་ཡུན་རིང་བརྙས་གྱུར་ཀྱང་། །གལ་ཏེ་ཡོན་ཏན་ཁྱོད་ལྡན་དེ་བརྙས་མིན། །སྐྱེ་བོ་མཛངས་པས་སྐད་ཅིག་བརྙས་གྱུར་ན། །ཞི་བ་གལ་ཏེ་ཡོན་ཏན་དེ་བརྙས་ཡིན། །འདུལ་སྦྱོང་བས་རྒྱལ་པོ་ལ་སྨྲས་པ། ལྷ་འདི་ནི་བྲོ་འཚལ་བ་མ་ལགས་ཀྱི་འདི་ལྟར་
D3.007.0085a03.01རིམ་པ་མ་བགྱིས་པས་དེའི་སླད་དུ་འདི་རན་དང་ཆས་མི་འཚལ་ལོ། །འདིའི་རིམ་པ་ཇི་ལྟར་བྱ། ལྷ་ཤུལ་དཔག་ཚད་ཕྱེད་དང་གསུམ་ཚུན་ཆད་མཛེས་པར་བགྱི་ཞིང་གྲོང་ཁྱེར་ཡང་མཛེས་པར་བགྱི། རྒྱལ་པོ་རྒྱལ་རིགས་སྤྱི་བོར་དབང་བསྐུར་བ་དཔུང་གི་ཚོགས་ཡན་ལག་བཞི་དང་བཅས་པས་
D3.007.0085a04.01བསུ་བར་བགྱི། ཕྱོགས་གང་དུ་བཞག་པའི་ཕྱོགས་དེ་ཟངས་མའི་གླེགས་བུ་དག་གིས་གཡོག་པར་བགྱི། རྒྱལ་པོའི་སྲས་བུ་ཐུ་བོས་མགོའི་སྟེང་དུ་གདུགས་སྲོག་ཤིང་བརྒྱ་པ་གཟུང་བར་བགྱི། རྒྱལ་པོའི་སྲས་མོ་ཐུ་མོས་རྔ་ཡབ་གསེར་ཅན་ནོར་བུས་སྤྲས་པས་སྦྲང་མ་དག་བསྐྱབ་པར་བགྱི། རྒྱལ་
D3.007.0085a05.01པོའི་བཙུན་མོ་དམ་པས་གསེར་གྱི་སྣོད་ནས་ཟིལ་དངར་གྱིས་བཅིན་པའི་བཟང་ཆས་ཀྱི་ཟས་བསྟབས་པར་བགྱི། རྒྱལ་པོའི་བློན་པོ་དམ་པས་གསེར་གྱི་ཆོལ་ཟངས་ཀྱིས་རྟུག་པ་དོར་བར་བགྱིའོ། །རྒྱལ་པོས་སྨྲས་པ། དེ་ལྟ་ན་འདི་རྒྱལ་པོ་ཡིན་གྱི་ང་རྒྱལ་པོ་མ་ཡིན་ནོ། །འདུལ་སྦྱོང་བས་སྨྲས་པ།
D3.007.0085a06.01ལྷ་འདི་ལ་དུས་ཐམས་ཅད་དུ་བསྙེན་བཀུར་དེ་ལྟར་བགྱི་མི་འཚལ་ཏེ། འདི་ལྟར་དགུང་བདུན་གྱི་བར་དུ་བགྱིའོ། །དགུང་བདུན་འདས་ནས་བཀའ་ཉན་པར་འགྱུར་རོ། །འདས་པ་གང་ལགས་པ་དེ་ད་བགྱི་བར་མི་སྤྱོད་ཀྱང་ལྷག་མ་གང་ལགས་པ་དེ་མཛད་དུ་གསོལ། རྒྱལ་པོས་ཕྱོགས་གང་
D3.007.0085a07.01