完整藏文原文 · 德格版页 当前仅加载第 7 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
གཞུག །ས་ལས་སྐྱེས་ཀྱིས་སྨྲས་པ། རྫིང་བུ་རྡོ་རྩིགས་ཅན་ནི་རྒྱུན་ལུགས་ཉུང་ཞིང་ཉེན་ཀོར་གཙང་བ་ཡིན་པས་དེར་འདོང་ངོ་། །དེ་གཉིས་ཕྱག་དར་ཁྲོད་ཁྱེར་ཏེ་རྫིང་བུ་རྡོ་རྩིགས་ཅན་དུ་དོང་ནས་དེ་གཉིས་ཀྱིས་ཕྱག་དར་ཁྲོད་དེར་འཁྲུར་བཅུག་ནས་ཉི་མ་ལ་བཏིང་སྟེ་འཁོད་
D3.007.0277a01.01དོ། །དེའི་ཚེ་ན་ཚེ་དང་ལྡན་པ་གྱད་བུ་ནོར་གྱི་ཆོས་གོས་ཀྱི་གྲྭ་རླུང་གིས་བསྐྱོད་ནས་དགེ་སློང་མ་ཨུཏྤ་ལའི་མདོག་གི་མགོ་ལ་རེག་གོ། །དེ་མཛའ་བོས་མཐོང་ནས་དེས་སྨྲས་པ། ས་ལས་སྐྱེས་གྱད་བུ་ནོར་འདི་ལ་དགེ་སློང་མ་ཨུཏྤ་ལའི་མདོག་དང་ལྷན་ཅིག་ལུས་ཀྱིས་རེག་པའི་དགེ་འདུན་ལྷག་མ་བྱུང་གིས་
D3.007.0277a02.01འདོང་ལ་དགེ་སློང་རྣམས་ལ་བརྗོད་པར་བྱའོ། །ས་ལས་སྐྱེས་ཀྱིས་སྨྲས་པ། ཚེ་དང་ལྡན་པ་མཛའ་བོ་དེའི་ཚེ་ཡང་རེ་ཞིག་བདག་ཅག་གཉིས་གནས་ནས་དབྱུང་བའི་ལས་བྱས་ན་ཅི་ད་ཡང་གནས་ནས་དབྱུང་བའི་ལས་བྱེད་དུ་འཇུད་པར་འདོད་དམ། མཛའ་བོས་སྨྲས་པ། ཚེ་དང་ལྡན་པ་ས་ལས་
D3.007.0277a03.01སྐྱེས་དེའི་ཚེ་ན་ནི་ཡང་དག་པ་མ་ཡིན་པས་ཡིན་གྱི། ང་ནི་ཡང་དག་པས་ཡིན་ཏེ། བཅོམ་ལྡན་འདས་ཀྱིས་ལན་བུ་ཞེས་བྱ་བ་ནི་སྐྲ་དག་དང་དེ་དང་འབྲེལ་བའི་གོས་ཡིན་ནོ་ཞེས་མ་གསུངས་སམ། ཚེ་དང་ལྡན་པ་འདི་ལ་{བརྫུན་,རྫུན་}དུ་སྨྲ་བ་ག་ལ་ཡོད་ཀྱིས་ཚུར་ཤོག་འདོང་ལ་དགེ་སློང་རྣམས་ལ་
D3.007.0277a04.01བརྗོད་པར་བྱའོ། །ས་ལས་སྐྱེས་དེ་མཛའ་བོས་བསླུས་པ་ན་བཏུབ་པར་གྱུར་ནས། དེ་གཉིས་གཙུག་ལག་ཁང་དུ་དོང་སྟེ་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་འདི་ལྟར་བདག་ཅག་གཉིས་ཀྱིས་ཚེ་དང་ལྡན་པ་གྱད་བུ་ནོར་ལ་དགེ་སློང་མ་ཨུཏྤ་ལའི་མདོག་དང་ལྷན་ཅིག་ལུས་ཀྱིས་
D3.007.0277a05.01རེག་པའི་དགེ་འདུན་ལྷག་མ་བྱུང་བ་མཐོང་སྟེ། འདི་ལ་བདག་ཅག་གཉིས་གང་གི་དད་པའམ། ཡིད་ཆེས་པས་འགྲོ་བར་བྱ། དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་གཉིས་ཅི་ཁྱེད་གཉིས་ལྷ་དང་མི་རྣམས་གཅིག་ཏུ་ཡོངས་སུ་བཏང་ཞིང་སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་།
D3.007.0277a06.01དུད་འགྲོ་རྣམས་སུ་གཅིག་ཏུ་གནས་སམ། ཅི་ན་དགེ་སློང་དགྲ་བཅོམ་པ་རྣམ་པར་ཐར་པ་བརྒྱད་ལ་བསམ་གཏན་པ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་རྣམ་པར་སྟོན་པ་དེ་ལ་ཁྱེད་གཉིས་གཞི་མེད་པའི་དགེ་འདུན་ལྷག་མའི་ཆོས་ཀྱིས་སྐུར་པ་འདེབས་པར་བྱེད། དེ་གཉིས་ཀྱིས་སྨྲས་
D3.007.0277a07.01