完整藏文原文 · 德格版页 当前仅加载第 7 函德格 238a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ་སོང་བ་དང་། རྒྱན་གྱི་ཐུམ་པོ་དེ་དེ་ཉིད་དུ་བརྗེད་དེ་ལུས་སོ། །ཚེ་དང་ལྡན་པ་ཀུན་དགའ་བོས་དེས་རྒྱན་དེ་བོར་ཏེ་སོང་བ་མཐོང་ནས་དེས་བསམས་པ། འདི་ལྟར་བཅོམ་ལྡན་འདས་ཀྱིས་མ་གནང་མོད་ཀྱིས་འདི་ཉིད་རྐྱེན་དུ་
D3.007.0238a01.01མཛད་དེ་གནང་བར་འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ་སྙམ་ནས། དེ་ནས་ཚེ་དང་ལྡན་པ་ཀུན་དགའ་བོས་རྒྱན་དེ་སྦེད་དུ་བཅུག་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་
D3.007.0238a02.01གཅིག་ཏུ་འདུག་གོ། །མཐའ་གཅིག་ཏུ་འདུག་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཙུན་པ་{རི་དགས་,རི་དྭགས་}འཛིན་གྱི་མ་ས་གས་རྒྱན་བསྐྱུད་དེ་དེ་མཆིས་ནས་བདག་ལ་བློ་སྐྱེས་པ། འདི་ལྟར་བཅོམ་ལྡན་འདས་ཀྱིས་མ་གནང་མོད་ཀྱི་
D3.007.0238a03.01འདི་ཉིད་རྐྱེན་དུ་མཛད་དེ་གནང་བར་འགྱུར་བ་གང་ལགས་པ་དེ་ལྟ་བུའི་གནས་མཆིས་པར་འགྱུར་རོ་སྙམ་ནས་བདག་གིས་རྒྱན་དེ་སྦེད་དུ་སྩལ་ཏོ། །ཀུན་དགའ་བོ་འདི་ལྟར་ངས་གནང་བར་འགྱུར་བ་གང་ཡིན་པ་དེ་ཁྱོད་ཀྱིས་ཤེས་པ་ལེགས་སོ། །ལེགས་སོ། །ཀུན་དགའ་བོ་དེ་ལྟ་
D3.007.0238a04.01བས་ན་ཀུན་དགའི་ར་བར་གཏོགས་པ་ན་འདུག་པའམ། གནས་ཁང་དུ་གཏོགས་པ་ན་འདུག་པ་མ་གཏོགས་སོ། །བུད་མེད་ཀྱི་ཡུལ་ནི་རྒྱན་ལ་ཉེ་བར་སྤྱོད་པ་ཡིན་པས་ས་གས་ཕྱི་དེ་ཉིན་པར་རྒྱན་དེ་དྲན་ནས། དེས་བུ་མོ་དེ་ལ་སྨྲས་པ། བུ་མོ་རྒྱན་ག་རེ། བུ་མོས་སྨྲས་པ།
D3.007.0238a05.01ཇོ་མོ་དེ་ཉིད་དུ་བསྐྱུད་དོ། །དེས་སྨྲས་པ། སོང་ལ་ལོང་ཤིག །དེའི་བུ་དག་གིས་དེ་ཐོས་ནས། དེ་དག་གིས་སྨྲས་པ། ཡུམ་མཛོད་ཁང་དུ་བཞག་པར་མཁྱེན་ནམ། ཅི་ག་ལས་བླངས་ཏེ་མཆི་བར་འགྱུར། ས་གས་བུ་རྣམས་ལ་སྨྲས་པ། བུ་དག་ཁོ་མོ་ནི་ནོར་ཆུད་
D3.007.0238a06.01མི་ཟ་བ་ཡིན་ནོ། །དེ་ནས་བུ་མོ་དེ་ཚེ་དང་ལྡན་པ་ཀུན་དགའ་བོའི་གན་དུ་སོང་བ་དང་། ཚེ་དང་ལྡན་པ་ཀུན་དགའ་བོས་སྨྲས་པ། བུ་མོ་ཅི་ལ་འོངས། བུ་མོས་སྨྲས་པ། འཕགས་པ་ཇོ་མོའི་རྒྱན་བསྐྱུད་དོ། །ཚེ་དང་ལྡན་པ་ཀུན་དགའ་བོས་སྨྲས་པ། འདི་ན་འདུག་གིས་
D3.007.0238a07.01