完整藏文原文 · 德格版页 当前仅加载第 7 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
གན་དུ་སོང་སྟེ་དྲིས་པ། འཕགས་པས་ཡོན་ཏན་གྱི་ཚོགས་འགའ་ཞིག་ཐོབ་པ་མཆིས་སམ། འགའ་ཡང་མེད་དོ། །འཕགས་པས་སྨོན་ལམ་ཇི་ལྟར་བཏབ། ཁོ་བོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་
D3.007.0267b01.01གིས་བྲམ་ཟེའི་ཁྱེའུ་བླ་མ་ལ་བྲམ་ཟེའི་ཁྱེའུ་ཁྱོད་མ་འོངས་པའི་དུས་ན་སྐྱེ་དགུའི་ཚེ་ལོ་བརྒྱ་ཐུབ་པ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་
D3.007.0267b02.01བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས་ངེས་པར་སྐལ་བ་དང་ལྡན་པ་ཉིད་དུ་ལུང་བསྟན་པ་དེའི་གསུང་རབ་ལ་བདག་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་
D3.007.0267b03.01དུ་བྱེད་པར་གྱུར་ཅིག་ཅེས་སྨོན་ལམ་བཏབ་བོ། །དེ་དག་གིས་སྨྲས་པ། བདག་ཅག་ཀྱང་འཕགས་པ་ལ་བརྟེན་ཏེ་བཅོམ་ལྡན་འདས་དེའི་གསུང་རབ་ལ་བདེན་པ་དག་མཐོང་བར་གྱུར་ཅིག །དགེ་སློང་དག་དེའི་ཚེ་དེའི་དུས་ན་དགེ་སློང་ཞལ་ཏ་བྱེད་པར་གྱུར་པ་གང་ཡིན་པ་
D3.007.0267b04.01དེ་ནི་མ་འགགས་པ་འདི་ཡིན་ཏེ། འདིས་དེར་ཆོས་དང་ལྡན་པས་ཞལ་ཏ་བྱས་པའི་ལས་དེའི་རྣམ་པར་སྨིན་པས་ནི་ཕྱུག་པ། ནོར་མང་བ། ལོངས་སྤྱོད་ཆེ་བའི་ཁྱིམ་དུ་སྐྱེས་ཤིང་ངའི་བསྟན་པ་ལ་རབ་ཏུ་བྱུང་ནས་ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་
D3.007.0267b05.01དུ་བྱས་སོ། །དེའི་ཚེ་དེའི་དུས་ན་དེའི་ལྷན་ཅིག་གནས་པ་དང་། ཉེ་གནས་ལྔ་བརྒྱ་པོ་གང་དག་ཡིན་པ་དེ་དག་ནི་དགེ་སློང་ལྔ་བརྒྱ་པོ་འདི་དག་ཡིན་ཏེ། འདི་དག་གིས་དེར་སྨོན་ལམ་དེ་སྐད་བཏབ་པའི་དབང་གིས་ད་ལྟར་མ་འགགས་པ་ལ་བརྟེན་ཏེ་ངའི་བསྟན་པ་ལ་རབ་ཏུ་བྱུང་ནས་
D3.007.0267b06.01ཉོན་མོངས་པ་ཐམས་ཅད་སྤངས་པས་དགྲ་བཅོམ་པ་ཉིད་མངོན་སུམ་དུ་བྱས་སོ། །དེའི་ཚེ་དེའི་དུས་ན་རི་བྲགས་དེ་ན་གནས་པའི་སྐྱེ་བོའི་ཚོགས་གང་དག་ཡིན་པ་དེ་དག་ནི་ད་ལྟར་རི་བྲགས་ན་གནས་པའི་སྐྱེ་བོའི་ཚོགས་འདི་དག་ཡིན་ཏེ། འདི་དག་གིས་དེར་སྨོན་ལམ་དེ་སྐད་
D3.007.0267b07.01