完整藏文原文 · 德格版页 当前仅加载第 7 函德格 59a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་དག་རིགས་ཀྱི་བུ་དགའ་བྱེད་ཀྱིས་དགེ་སློང་མ་ལྔ་བརྒྱ་པོ་དག་ལ་ལེགས་པར་གདམས་ཤིང་ལེགས་པར་རྗེས་སུ་བསྟན་ནས་རྣམ་པར་གྲོལ་ཞིང་མཐར་ཐུག་པ་ཉིད་ཐོབ་སྟེ། འདིའི་ཚེ་དུས་བྱེད་པར་གྱུར་ན་དེ་དག་གིས་ལམ་གདགས་སུ་མེད་དེ་འདི་སྡུག་
D3.007.0059a01.01བསྔལ་གྱི་མཐར་གྱུར་པ་ལ་ལྟོས། དགེ་སློང་དག་འདི་ལྟ་སྟེ་དཔེར་ན་ཟླ་བ་ཡར་གྱི་ངོ་དེ་ཉིད་ཀྱི་ཚེས་{བཅྭ་,བཅོ་}ལྔ་ལ་བབ་པ་ན་མི་དག་ཟླ་བ་ཉའམ། ཉ་མ་ཡིན་ཞེས་གཉིས་སུ་འབྱེད་པར་མི་བྱེད་དེ། འདི་ལྟར་ཉ་ཡིན་པའི་ཕྱིར་མཐར་ཐུག་པ་ཉིད་དུ་གྱུར་པ་དེ་བཞིན་དུ་རིགས་ཀྱི་བུ་དགའ་
D3.007.0059a02.01བྱེད་ཀྱིས་དགེ་སློང་མ་ལྔ་བརྒྱ་པོ་དག་ལ་ལེགས་པར་གདམས་ཤིང་ལེགས་པར་རྗེས་སུ་བསྟན་ནས་རྣམ་པར་གྲོལ་ཞིང་མཐར་ཐུག་པ་ཉིད་ཐོབ་སྟེ་འདིའི་ཚེ་དུས་བྱེད་པར་གྱུར་ན་དེ་དག་གིས་ལམ་གདགས་སུ་མེད་དེ། འདི་ཉིད་སྡུག་བསྔལ་གྱི་མཐར་གྱུར་པ་ཡིན་ནོ། །དེ་ལྟར་དེ་
D3.007.0059a03.01ན་བཅོམ་ལྡན་འདས་ཀྱིས་དགེ་སློང་མ་ལྔ་བརྒྱ་པོ་དག་མཆོག་ཉིད་དུ་ལུང་བསྟན་ཏོ། །འདི་ནི་རེ་ཞིག་བྱུང་བ་ཡིན་ཏེ། སངས་རྒྱས་བཅོམ་ལྡན་འདས་རེ་ཞིག་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་འཆའ་བར་མི་མཛད་དོ། །སངས་རྒྱས་བཅོམ་ལྡན་འདས་
D3.007.0059a04.01མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །བཅོམ་ལྡན་འདས་ཀྱིས་དགེ་སློང་གནས་བརྟན་གནས་བརྟན་དག་གི་རེས་ཀྱིས་དགེ་སློང་མ་ལ་བསྟན་པར་བྱའོ། །ཞེས་བཀའ་སྩལ་ནས། དགེ་སློང་དྲུག་སྡེ་དག་ལ་དགེ་སློང་མ་
D3.007.0059a05.01སྟོན་པའི་རེས་བབ་པ་ན་དེ་དག་ཇི་ཙམ་པ་དེ་ཙམ་བསྟན་ནས། དེ་དག་དང་ལྷན་ཅིག་མཐོ་འཚམ་པར་བྱེད། ཀུན་དུ་རྩེ་བར་བྱེད། ཀུན་དུ་ཅ་ཅོ་འདོན་པར་བྱེད། གཞོགས་སྟེགས་དང་། ཕྱར་གཡེང་དང་། ལུས་སྒྱུར་བར་བྱེད་དེ། དེ་ན་གང་དག་བདག་གིར་བྱེད་པ་དེ་
D3.007.0059a06.01དག་ནི་དེ་དག་དང་ལྷན་ཅིག་མཐོ་འཚམ་པར་བྱེད། ཀུན་དུ་རྩེ་བར་བྱེད། ཀུན་དུ་ཅ་ཅོ་འདོན་པར་བྱེད། གཞོགས་སྟེགས་དང་། ཕྱར་གཡེང་དང་། ལུས་སྒྱུར་བར་བྱེད་དོ། །གང་དག་བདག་གིར་མི་བྱེད་པ་དེ་དག་ནི་འཆག་ས་དག་དང་། དག་ར་དག་དང་སྒོ་ཁང་
D3.007.0059a07.01