完整藏文原文 · 德格版页 当前仅加载第 7 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
ཉེན་པ་ལ་ལྟུང་བ་མེད་དོ། །ཁ་མ་བསྒྱུར་བའི་གོས་གྱོན་པའི་ལྟུང་བྱེད་དེ་ལྔ་བཅུ་རྩ་བརྒྱད་པ་རྫོགས་སོ།། །།བར་སྡོམ་ལ། བྱ་རྒོད་ཕུང་པོ་འཕོང་དང་ནི། །རོལ་མོ་ལིཙྪ་ཆེན་པོ་དང་། །སིལ་སྙན་{རི་དགས་,རི་དྭགས་}འཛིན་མ་ཡི། །སྡེ་ཚན་ཡང་དག་བསྡུས་པ་ཡིན། །སངས་
D3.007.0230b01.01རྒྱས་བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཕུང་པོའི་རི་ལ་བཞུགས་སོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ། ལྷུང་བཟེད་དང་། ཆོས་གོས་བསྣམས་ཏེ། བྱ་རྒོད་ཀྱི་ཕུང་པོའི་རི་ལས་བབས་ནས་སླད་བཞིན་འབྲང་བའི་དགེ་སྦྱོང་ཚེ་དང་ལྡན་པ་ཀུན་དགའ་བོ་དང་།
D3.007.0230b02.01རྒྱལ་པོའི་ཁབ་ཏུ་བསོད་སྙོམས་ལ་གཤེགས་པ་དང་། བཅོམ་ལྡན་འདས་ཀྱིས་བསྐལ་པ་དང་པོའི་མི་རྣམས་ཀྱིས་གཏེར་སྦས་པ་ལྷས་ཆར་ཕབ་པས་ཕྱོགས་དེར་ཆུའི་འོད་པ་བབ་ཅིང་དེ་ཡང་ལམ་ལམ་ལམ་འབར་ཞིང་འདུག་པ་གཟིགས་སོ། །གཟིགས་ནས་ཀྱང་ཚེ་དང་ལྡན་པ་ཀུན་དགའ་
D3.007.0230b03.01བོ་ལ་བཀའ་སྩལ་པ། ཀུན་དགའ་བོ་སྦྲུལ་དུག་མྱུར་དུ་ཁྱབ་པར་བྱེད་པ་ཡིན་ནོ། །བཅོམ་ལྡན་འདས་སྦྲུལ་དུག་དྲག་པོ་ལགས་སོ། །ཀུན་དགའ་བོ་སྦྲུལ་དུག་མྱུར་དུ་ཁྱབ་པར་བྱ་བ་ཡིན་ནོ། །བདེ་བར་གཤེགས་པ་སྦྲུལ་དུག་དྲག་པོ་ལགས་སོ། །དེ་ན་ཧ་ཅང་ཐག་མི་རིང་བ་ན་མི་འབྲས་
D3.007.0230b04.01བུ་དང་རྩ་བ་ཐུ་བ་ཞིག་འདུག་པ་དེས་དེ་ཐོས་ནས་དེས་བསམས་པ། བདག་གིས་སྦྲུལ་དུག་མྱུར་དུ་ཁྱབ་པར་བྱེད་པ་ནི་མཐོང་ན་སྦྲུལ་དུག་དྲག་པོ་ནི་མ་མཐོང་བས། ཤཱཀྱའི་བུའི་དགེ་སྦྱོང་རྣམས་ཀྱི་སྦྲུལ་དུག་དྲག་པོ་ཅི་འདྲ། བདག་ཀྱང་ཕྱོགས་འདིར་ཉིན་མཚན་དུ་རྒྱུ་བས་བདག་སྦྲུལ་དུག་
D3.007.0230b05.01དྲག་པོས་ཟིན་པར་གྱུར་ན་མི་རུང་གིས་ཇི་ལྟར་འགྲོའོ་སྙམ་ནས་དེ་དེར་སོང་བ་དང་། ཇི་ཙམ་ན་གཏེར་ཞིག་ལམ་ལམ་ལམ་འབར་ཞིང་འདུག་པ་མཐོང་ནས་དེས་བསམས་པ། ཤཱཀྱའི་བུའི་དགེ་སྦྱོང་རྣམས་ཀྱི་སྦྲུལ་དུག་དྲག་པོ་ནི་མཛེས་པ་ཡིན་ནོ། །ཤཱཀྱའི་བུའི་དགེ་སྦྱོང་རྣམས་ཀྱི་སྦྲུལ་
D3.007.0230b06.01དུག་དྲག་པོ་ནི་ཤིན་ཏུ་བཟང་བ་ཡིན་ཏེ། འདི་ལྟར་སྦྲུལ་དུག་དྲག་པོ་འདི་ལྟ་བུས་ནི་ཕ་དང་མ་སྡུག་པ་ཡང་ཟིན་ཀྱང་སླའོ། །བུ་དང་། ཆུང་མ་དང་། བྲན་མོ་དང་། ལས་མི་དང་། ཞོ་ཤས་འཚོ་བ་དང་། མཛའ་བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་
D3.007.0230b07.01