完整藏文原文 · 德格版页 当前仅加载第 7 函德格 31b 版页；藏文 NFD、目录标记与异常页序保留在来源切片中，重复版页行以稳定序号区分。
གཏམ་གྱི་ཟླ་མེད་པ་དེའི་ཚེ་ན་མིག་ལམ་ཆད་པའི་དུས་ཀྱི་ཚེ་གཙུག་ལག་ཁང་དུ་འོངས་ཏེ། ཚེ་དང་ལྡན་པ་དག་ཚེ་དང་ལྡན་པ་དག་ཅེས་བོད་པར་བརྩམས་པ་དང་། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་འཆར་ཀ་འདམ་བུ་ཐིབས་པོའི་གསེབ་ཏུ་ཞུགས་པ་བཞིན་དུ་ཅི་འབོད། འཆར་
D3.007.0031b01.01ཀས་སྨྲས་པ། འདི་ན་ཁོ་བོའི་གཞོན་ནུ་དག་ཅིག་འཁོད་ན་དེ་དག་ལས་འགའ་ཞིག་ན་བར་མ་གྱུར་ཏམ། དེ་དག་གིས་དེ་ཐོས་ནས་སྨྲས་པ། སློབ་དཔོན་མ་འབོད་ཅིག །གནས་ཁང་འོ་ནིར་གཟིམས་མལ་བཤམས་ཏེ། ཞབས་ཀྱི་ཆབ་དང་། ཞབས་བསྐུ་བ་ཡང་བཞག་གིས་དེར་གཟིམས་
D3.007.0031b02.01ཤིག །བདག་ཅག་དེང་ཁ་ཟས་ངན་པ་དག་འཚལ་བས་ཁ་ཏོན་རྔོ་མི་ཐོག་ནས་རེ་ཞིག་དཔོང་སའི་ཁང་པ་འདིར་བསམ་གཏན་བགྱིད་དོ། །འཆར་ཀས་སྨྲས་པ། ཚེ་དང་ལྡན་པ་དག་བཅོམ་ལྡན་འདས་ཀྱིས་མི་ཀློག་པ་ལ་ཤེས་རབ་མེད་དོ་ཞེས་མ་གསུངས་སམ། ཚུར་ཤེག་ཁ་ཏོན་གྱིས་ཤིག་
D3.007.0031b03.01ཅེས་དེས་དེ་དག་ཟུང་དུ་ལྷན་ཅིག་བཞག་སྟེ། མཚན་ཐོག་ཐག་ཁ་ཏོན་བྱེད་དུ་བཅུག་གོ། །དེ་དག་ནང་པར་སྔར་ལངས་ཏེ་སྨྲས་པ། སློབ་དཔོན་ཕྱག་འཚལ་ལོ། །བདག་ཅག་མཆིའོ། །གར་འདོང་། མཉན་ཡོད་དུའོ། །སྡོད་ཅིག་དང་ཁོ་བོས་ཁྱེད་ཅག་ན་བ་རྣམས་ཀྱི་ནད་གཡོག་
D3.007.0031b04.01བྱའོ། །སློབ་དཔོན་ཁྱོད་ཀྱིས་བདག་ཅག་མི་ན་བ་ཡང་ན་བར་བྱས་པས་ན་བ་རྣམས་ཀྱི་ནད་གཡོག་བྱས་རེ་སྐན་ཞེས་དེ་དག་མཉན་ཡོད་དུ་དོང་བ་དང་། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་འོངས་པ་ལེགས་སོ། །འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ།
D3.007.0031b05.01ཇི་ལྟར་བདེ་བར་བརྒྱུས། བདག་ཅག་སློབ་དཔོན་འཆར་ཀས་མཚན་ཐོག་ཐག་ཐོ་བཙམས་སོ། །ཇི་ལྟར་ཐོ་བཙམས། དེ་དག་གིས་སྐབས་དེ་དགེ་སློང་རྣམས་ལ་རྒྱས་པར་བརྗོད་དོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་ཆེད་དུ་བསམས་ཏེ་དགེ་སློང་རྣམས་ལ་མཐོ་འཚམ་པར་བྱེད་
D3.007.0031b06.01ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་གིས་ཇི་ཙམ་ཅུང་ཟད་དགེ་སློང་ལ་མཐོ་འཚམ་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ།། །།
D3.007.0031b07.01