完整藏文原文 · 德格版页 当前仅加载第 7 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
སྡོམ་ལ། དུད་འགྲོ་འགྱོད་པ་སོར་མོ་དང་། །རྩེ་དང་ལྷན་ཅིག་སྔངས་བྱེད་དང་། །སྦེད་དང་རྡེང་མེད་གཞི་མེད་དང་། །སྐྱེས་པ་མེད་པར་ལམ་འགྲོ་བའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་
D3.007.0247a01.01ན་བཞུགས་སོ། །ཚེ་དང་ལྡན་པ་འཆར་ཀ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་ཐོགས་ཏེ་མཉན་ཡོད་དུ་བསོད་སྙོམས་ལ་ཞུགས་ནས་དེར་བསོད་སྙོམས་བརྒྱུས་ཏེ་འཕོང་གི་དཔོང་ས་མཐོང་ནས་དེས་དེར་ཞུགས་པ་དང་། འཕོང་གི་སློབ་དཔོན་ནི་མེད་ཁྱེའུ་དག་འཁོད་ནས་
D3.007.0247a02.01དེས་ཁྱེའུ་དག་ལ་དྲིས་པ། ཁྱེའུ་དག་ཅི་བྱེད་དེ་དག་གིས་སྨྲས་པ། འཕགས་པ་འཕོང་སློབ་པོ་འཆར་ཀས་སྨྲས་པ། བུ་དག་ལེགས་ཏེ་ཁྱོད་ཀྱིས་སྒྱུ་རྩལ་མཆོག་ལ་རྒལ་ཏོ་བལྟས་གཡོན་འཕོངས་དང་། གཡས་འཕོངས་དང་མདའ་ལྔ་འཕང་བ་བྱོས་ཤིག །དེ་དག་གིས་གཡོན་
D3.007.0247a03.01འཕོངས་དང་། གཡས་འཕོངས་དང་། མདའ་ལྔ་འཕང་བར་བྱ་བར་བརྩམས་པ་དང་། དེ་ལག་པ་གཉིས་འདྲིལ་བར་བྱེད། བཞིན་སྒྱུར་བར་བྱེད་དོ། །དེ་དག་གིས་སྨྲས་པ། འཕགས་པ་ཅིའི་སླད་དུ་ཕྱག་གཉིས་འདྲིལ་བར་མཛད། ཞལ་སྒྱུར་བར་མཛད། འཆར་ཀས་སྨྲས་
D3.007.0247a04.01པ། ད་དུང་ཁྱེད་ཅག་གི་སློབ་དཔོན་གྱིས་ཀྱང་མི་ཤེས་ན་ཁྱེད་ཅག་གིས་ལྟ་ཤེས་པར་འགྱུར་རེ་སྐན། དེ་དག་གིས་སྨྲས་པ། འཕགས་པ་འདི་ལ་མཁྱེན་པ་ཅུང་ཟད་མངའ་འམ། འཆར་ཀས་སྨྲས་པ། སའི་སྟེང་ན་ཁོ་བོས་མི་ཤེས་པའི་བཟོའི་གནས་དང་ལས་ཀྱི་གནས་གང་ཡོད།
D3.007.0247a05.01དེ་དག་གིས་སྨྲས་པ། འཕགས་པ་གཡར་སྔ་བྲིམ་གྱིས་གཡོན་འཕོངས་དང་གཡས་འཕོངས་དང་། མདའ་ལྔ་འཕང་བ་མཛད་དུ་གསོལ། འཆར་ཀས་སྨྲས་པ་གཞུ་འོན་ཅིག་དེ་དག་གིས་གཞུ་ཕུལ་བ་དང་། འཆར་ཀས་སྨྲས་པ། གཞུ་འདི་ནི་རས་བལ་གྱི་གཞུ་འདྲ་ལ་གཞུ་
D3.007.0247a06.01གཞན་འོན་ཅིག །དེ་དག་གིས་གཞུ་གཉིས་པ་དང་། གསུམ་པ་ཕུལ་བ་དང་འཆར་ཀས་སྨྲས་པ། གཞུ་འདི་དག་ཀྱང་རས་བལ་གྱི་གཞུ་འདྲས་ཁྱེད་ཀྱིས་སློབ་དཔོན་གྱི་གཞུ་འོན་ཅིག་དེ་དག་གིས་སློབ་དཔོན་གྱི་གཞུ་ཕུལ་བ་དང་འཆར་ཀས་སྨྲས་པ། འདི་ཡང་ཚོད་ཡོད་པ་ཞིག་
D3.007.0247a07.01