完整藏文原文 · 德格版页 当前仅加载第 7 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་འདིར་ཉོལ་ཅིག །དེ་དག་དེར་ཉལ་ནས་ནང་པར་སྔར་ལངས་ཏེ་གདིང་བ་དེ་བོར་བར་བརྩམས་པ་དང་། དགེ་སློང་རྣམས་ཀྱིས་དེ་དག་ལ་སྨྲས་པ། ཚེ་དང་ལྡན་པ་དག་གདིང་བ་འདི་མ་དོར་ཅིག །ཁོ་བོ་ཅག་གིས་ཚངས་པ་མཚུངས་པར་སྤྱོད་པ་བློ་བུར་དུ་ལྷགས་པ་རྣམས་ཀྱི་དོན་དུ་ཐག་
D3.007.0022b01.01རིང་པོ་ནས་རྩྭ་མང་པོ་བླངས་ཏེ་བཏིང་བ་ཡིན་ནོ། །དེ་དག་གིས་སྨྲས་པ། ཚེ་དང་ལྡན་པ་དག་ཁྱེད་ཅག་གིས་རེ་ཞིག་བདག་ཉིད་ལྟུང་བ་དང་བཅས་པར་བྱས་སོ། །ཁོ་བོ་ཅག་གིས་ཇི་ལྟར་བདག་ཉིད་ལྟུང་བ་དང་བཅས་པར་བྱས། དེ་དག་གིས་དེ་དག་སྤྱོས་ཏེ་གདིང་བ་དེ་དག་མཐུས་བོར་
D3.007.0022b02.01ནས་དོང་ངོ་། །དགེ་སློང་རབ་ཏུ་མང་པོ་གཞན་དག་དོན་མཐུན་དང་ལྷན་ཅིག་ལྗོངས་རྒྱུར་འདོང་བ་ན་གཙུག་ལག་ཁང་དེ་ཉིད་དུ་ཕྱིན་ནས་དེ་དག་གིས་དགེ་སློང་དེ་དག་ལ་གནས་མལ་བརྙས་པ་དང་། དགེ་སློང་རྣམས་ཀྱིས་དགེ་སློང་དེ་དག་ལ་སྨྲས་པ། ཚེ་དང་ལྡན་པ་དག་གཙུག་ལག་ཁང་
D3.007.0022b03.01འདི་གནས་མལ་མེད་པ་ཡིན་ནམ། ཁོ་བོ་ཅག་གིས་ཚངས་པ་མཚུངས་པར་སྤྱོད་པ་བློ་བུར་དུ་ལྷགས་པ་རྣམས་ཀྱི་དོན་དུ་ཐག་རིང་པོ་ནས་རྩྭ་མང་པོ་དག་བླངས་ཏེ་གདིང་བ་བཤམས་པར་གྱུར་པ་ལས་ཚངས་པ་མཚུངས་པར་སྤྱོད་པ་གཞན་དག་ཅིག་དོན་མཐུན་དང་ལྷན་ཅིག་ལྗོངས་རྒྱུར་འདོང་བ་
D3.007.0022b04.01ན་གཙུག་ལག་ཁང་འདིར་ལྷགས་ཏེ་དེ་དག་དེ་ལ་ཉལ་ནས་ནང་པར་སྔར་ལངས་ཏེ་གདིང་བ་དེ་བོར་བར་བརྩམས་པ་དང་། ཁོ་བོ་ཅག་གིས་མ་དོར་ཅིག་ཅེས་བྱས་ན། དེ་དག་གིས་ཁོ་བོ་ཅག་སྤྱོས་ཏེ་མཐུས་བོར་ནས་དོང་ངོ་། །དེ་དག་ཀྱང་དེར་ས་སྒྲེ་བོ་ལ་ཉལ་ནས་ནང་པར་སྔར་ལངས་ཏེ་
D3.007.0022b05.01དོང་ངོ་། །དེ་དག་མཐར་གྱིས་ལྗོངས་རྒྱུ་ཞིང་འདོང་བ་ན་མཉན་ཡོད་དུ་ཕྱིན་ནས་དགེ་སློང་རྣམས་ཀྱིས་དེ་དག་མཐོང་ནས་སྨྲས་པ། ཚེ་དང་ལྡན་པ་དག་འོངས་པ་ལེགས་སོ་འོངས་པ་ལེགས་སོ། །ཇི་ལྟ་བདེ་བར་བརྒྱུས་སམ། དེ་དག་གིས་སྨྲས་པ། ཇི་ལྟར་བདེ་བར་བརྒྱུས། མཚན་
D3.007.0022b06.01མོ་ཐོག་ཐག་ས་སྒྲེ་བོ་ལ་འགྲེས་ལྡོག་སྟེ། ནམ་ནངས་སོ། །ཚེ་དང་ལྡན་པ་དག་རི་བྲགས་གང་དུ་ཞག །གཙུག་ལག་ཁང་ག་གེ་མོ་ཞིག་ཏུའོ། །དེ་ན་དགེ་སློང་ཁ་ཅིག་གིས་སྨྲས་པ། ཁོ་བོ་ཅག་ནི་གཙུག་ལག་ཁང་དེར་གདིང་བ་ལ་ཉལ་ཏེ་འོངས་སོ། །ཁྱེད་ཅག་གིས་གདིང་བ་དེ་
D3.007.0022b07.01