完整藏文原文 · 德格版页 当前仅加载第 7 函德格 168b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་ཚེ་དང་ལྡན་པ་ཀུན་དགའ་བོ་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་
D3.007.0168b01.01འཛིན་དུ་འཇུད་པར་བྱེད། ཡང་དག་པར་གཟེངས་སྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དོ། །རྣམ་གྲངས་དུ་མས་ཆོས་དང་ལྡན་པའི་གཏམ་གྱིས་ཡང་དག་པར་བསྟན། ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་
D3.007.0168b02.01བྱས་ནས་ཅང་མི་སྨྲའོ། །དེ་ནས་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་བྱས་ནས་ཚེ་དང་ལྡན་པ་ཀུན་དགའ་བོ་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་
D3.007.0168b03.01བོ་བཅོམ་ལྡན་འདས་དབྱར་གནས་པར་ཞལ་གྱིས་བཞེས་ནས་གང་དུ་གཤེགས་པར་འགྱུར། ཤེས་ལྡན་དག་སངས་རྒྱས་བཅོམ་ལྡན་འདས་ལ་ཞུས་ཤིག །བཙུན་པ་ཀུན་དགའ་བོ། སངས་རྒྱས་བཅོམ་ལྡན་འདས་ནི་བསྙེན་པར་དཀའ་བ་དང་། བཟོད་པར་དཀའ་བ་ལགས་པས་བདག་ཅག་
D3.007.0168b04.01གིས་སངས་རྒྱས་བཅོམ་ལྡན་འདས་ལ་ཞུ་བའི་རྔོ་མི་ཐོག་གོ། །ཤེས་ལྡན་དག་ཁོ་བོ་ལ་ཡང་སངས་རྒྱས་བཅོམ་ལྡན་འདས་ལ་བསྙེན་པར་དཀའ་བ་དང་། བཟོད་པར་དཀའ་བ་ཉིད་ཡིན་པས་ཁོ་བོས་ཀྱང་སངས་རྒྱས་བཅོམ་ལྡན་འདས་ལ་ཞུ་བར་མི་ནུས་སོ། །བཙུན་པ་ཀུན་དགའ་བོ་གལ་ཏེ་
D3.007.0168b05.01བཙུན་པ་ཀུན་དགའ་བོ་ལ་ཡང་སངས་རྒྱས་བཅོམ་ལྡན་འདས་བསྙེན་པར་དཀའ་བ་དང་། བཟོད་པར་དཀའ་བ་ལགས་པས་བཙུན་པ་ཀུན་དགའ་བོས་ཀྱང་སངས་རྒྱས་བཅོམ་ལྡན་འདས་ལ་ཞུ་བར་མི་སྤྲོ་ན། བཙུན་པ་ཀུན་དགའ་བོས་མཚན་མའམ། བཀའ་མཆིད་ཀྱིས་བཅོམ་ལྡན་འདས་
D3.007.0168b06.01དབྱར་གནས་པར་ཞལ་གྱིས་བཞེས་ནས་ཕྱོགས་ག་གེ་མོར་གཤེགས་པར་འགྱུར་བར་ཇི་ལྟར་མཁྱེན། མཚན་མས་ནི་ཇི་ལྟར་མཁྱེན། བཀའ་མཆིད་ཀྱིས་ནི་ཇི་ལྟར་མཁྱེན། ཤེས་ལྡན་དག་བཅོམ་ལྡན་འདས་དབྱར་གནས་པར་ཞལ་གྱིས་བཞེས་ནས་ཕྱོགས་གང་དུ་གཤེགས་པར་བཞེད་
D3.007.0168b07.01