完整藏文原文 · 德格版页 当前仅加载第 7 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་ནད་པ་བལྟ་བར་བྱའོ་ཞེས་བཀའ་སྩལ་ནས། དགེ་སློང་གནས་བརྟན་གནས་བརྟན་དག་ནད་པ་ལྟ་བར་བྱེད་པ་ན། དེ་དག་འགྲེང་བཞིན་དུ་ནད་པ་ལྟ་བར་བྱེད་པས་ནད་པ་དག་ཉམ་ང་བར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། འདུག་
D3.007.0016a01.01སྟེ་ནད་པ་བལྟ་བར་བྱའོ། །བཅོམ་ལྡན་འདས་ཀྱིས་འདུག་སྟེ་ནད་པ་བལྟ་བར་བྱའོ། །ཞེས་བཀའ་སྩལ་ནས། དགེ་སློང་དག་རང་རང་གི་སྟན་དག་ཁྱེར་ཏེ་འདོང་བ་ན་མ་དད་པ་དག་འཕགས་པ་དག་རོལ་མོ་ལྟར་འདོང་ངམ་ཅི་ཞེས་མཐོ་འཚམ་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་
D3.007.0016a02.01འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྟན་དག་ཁྱེར་ཏེ་འདོང་བར་མི་བྱ་བར་འདི་ལྟར་ནད་གཡོག་གིས་སྟན་དག་བཤམ་པར་བྱའོ། །དྲུག་སྡེ་དག་ནད་པ་ལྟར་དོང་བ་ན་དེ་དག་དེ་ཉིད་ན་འདུ་འཛིའི་གཏམ་གྱིས་ཡུན་རིང་དུ་འཁོད་ནས་ནད་གཡོག་རྣམས་
D3.007.0016a03.01ཀྱིས་སྨྲས་པ། ཚེ་དང་ལྡན་པ་དག་ནད་པའི་བྱ་བ་ཡོངས་སུ་ཉམས་པར་གྱུར་གྱིས་དེང་ཤིག །དེ་དག་གིས་སྨྲས་པ། དེ་ཡང་གྱིས་ལ་གནས་མལ་ཡང་ལྟོས་ཤིག་དང་དེ་ལྟར་ན་ནད་པ་ཤི་བའི་ཡོ་བྱད་དྲུག་འཐོབ་པར་འགྱུར་རོ། །གཞན་ཡང་ཁྱེད་ནད་པའི་བྱ་བ་ཡོངས་སུ་
D3.007.0016a04.01ཉམས་པར་མ་བྱེད་པར་དེང་ཤིག་དང་ཁོ་བོ་ཅག་གིས་བལྟ་བར་བྱའོ། །ནད་གཡོག་དེ་དག་གིས་ནད་པ་ལ་མ་བཅོལ་བར་དོང་བ་དང་། དྲུག་སྡེ་དག་ཀྱང་དོང་ནས་རླུང་དང་ཆར་པ་དག་བྱུང་བ་ན་ནད་པས་གནས་མལ་རྟུལ་མ་ནུས་ནས་དེ་དག་མ་རུང་བར་གྱུར་པའི་སྐབས་དེ་དགེ་
D3.007.0016a05.01སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ལྔ་པོ་འདི་དག་ལ་བཅོལ་བར་མི་བྱ་སྟེ། ངོ་ཚ་མེད་པ་དང་། ནད་དང་བཅས་པ་དང་། རྒས་པ་འཁོགས་ཤིང་ཉམ་ཆུང་བ་དང་། ན་བ་སྦྱོར་མི་བཟོད་པ་དང་།
D3.007.0016a06.01རྫོགས་པར་མ་བསྙེན་པ་ཐམས་ཅད་ལའོ།། །།འདུལ་བ་རྣམ་པར་འབྱེད་པ། བམ་པོ་བཞི་བཅུ་རྩ་བཞི་པ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་ཁྲི་གཅིག་ལ་དགེ་སློང་གཉིས་མཆིས་ན་དེ་གང་དག་གིས་
D3.007.0016a07.01