完整藏文原文 · 德格版页 当前仅加载第 7 函德格 132a 版页；藏文 NFD、目录标记与异常页序保留在来源切片中，重复版页行以稳定序号区分。
ཤཱ་རིའི་བུས་སྨྲས་པ། བྲམ་ཟེ་ཚུར་ཤོག་དེ་ལྟར་བྱའོ་ཞེས་དེ་ཉི་མ་དང་པོ་ལ་འགྱེད་པ་ལྷག་མ་དང་བཅས་པར་བཏང་ངོ་། །ཕྱི་དེ་ཉིན་པར་ཡང་འགྱེད་པ་ལྷག་མ་དང་བཅས་པར་བཏང་ངོ་། །དེ་བཞིན་དུ་ཉི་མ་བདུན་པའི་བར་དུ་ཡང་འགྱེད་པ་ལྷག་མ་དང་བཅས་པར་བཏང་ངོ་། །
D3.007.0132a01.01ཐམས་ཅད་དུ་ལྷོ་ལམ་ནས་འཇིག་རྟེན་རྒྱང་འཕེན་པའི་རྒོལ་བ་འཆར་ཀ་ཞེས་བྱ་བ་འོངས་ནས། དེ་དང་འཕགས་པ་ཤཱ་རིའི་བུ་གཉིས་ཉི་མ་བདུན་པ་དེང་གི་བར་དུ་བཀྱེ་ན། གཅིག་གིས་ཀྱང་ཚར་མ་ཆོད་ལ་གཉིས་པས་ཀྱང་ཚར་མ་ཆོད་དོ་ཞེས་སྒྲ་གྲགས་ནས་སྲོག་ཆགས་འབུམ་ཕྲག་དུ་མ་དག་
D3.007.0132a02.01ཁ་ཅིག་ནི་ལྟད་མོ་སྐྱེས་པ་དང་། ཁ་ཅིག་ནི་སྔོན་གྱི་དགེ་བའི་རྩ་བ་དག་གིས་བསྐུལ་བ་ན་དེར་འདུས་པར་གྱུར་ནས། ཚེ་དང་ལྡན་པ་ཤཱ་རིའི་བུས་བསམས་པ། བདག་གིས་འགྱེད་པས་འདུལ་བ་དག་འདུས་སམ་སྙམ་ན། འདུས་པར་མཐོང་ནས་ཚེ་དང་ལྡན་པ་ཤཱ་རིའི་བུས་འཇིག་རྟེན་
D3.007.0132a03.01རྒྱང་འཕེན་པ་དེ་ཕམ་པར་བྱས་ཤིང་། རྡུགས་པར་བྱས་ཏེ་འགྱེད་པ་ལྷག་མ་མ་ལུས་པར་བཏང་ནས་འཇིག་རྟེན་རྒྱང་འཕེན་པ་ཀུན་དུ་རྒྱུ་འཆར་ཀ་ཚར་བཅད་པ་དང་། དེ་ཡང་དད་པར་གྱུར་ནས་སྨྲས་པ། བཙུན་པ་ཤཱ་རིའི་བུ་བདག་གིས་བཅོམ་ལྡན་འདས་ཀྱིས་ལེགས་པར་གསུངས་པའི་
D3.007.0132a04.01ཆོས་འདུལ་བ་ལ་རབ་ཏུ་འབྱུང་བ་དང་རྫོགས་པར་བསྙེན་པ་དགེ་སློང་གི་དངོས་པོ་འཐོབ་ན་བདག་བཅོམ་ལྡན་འདས་ཀྱི་སྤྱན་སྔར་ཚངས་པར་སྤྱད་པ་སྤྱོད་དོ། །ཚེ་དང་ལྡན་པ་ཤཱ་རིའི་བུས་དེ་རབ་ཏུ་ཕྱུང་ཞིང་རྫོགས་པར་བསྙེན་པར་བྱས་སོ། །དེ་དེ་ལྟར་རབ་ཏུ་ཕྱུང་ནས་གཅིག་པུ་དབེན་པ་བག་ཡོད་
D3.007.0132a05.01པ་རྟུན་པ་དང་ལྡན་པ། བདག་ཉིད་བཏང་བར་གནས་པ་ན་རིགས་ཀྱི་བུ་གང་གི་ཕྱིར་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ་ཚེ་དེ་ཉིད་ལ་རང་གི་མངོན་
D3.007.0132a06.01པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང་དགྲ་བཅོམ་པ། ཁམས་གསུམ་པ་ལས་འདོད་ཆགས་དང་བྲལ་བ། བོང་བ་དང་གསེར་དུ་མཉམ་
D3.007.0132a07.01