完整藏文原文 · 德格版页 当前仅加载第 7 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
འདོང་བར་བྱའོ། །གང་མི་འགྲོ་བ་དེས་ཆད་པར་ཀཱར་ཥཱ་པ་ཎ་ལྔ་བརྒྱ་དབུལ་བར་བྱའོ་ཞེས་དྲིལ་བསྒྲགས་པ་བྱེད་དུ་བཅུག་སྟེ། རྒྱལ་པོའི་དཔུང་གི་ཚོགས་ཡན་ལག་བཞི་པ་འཕགས་པ་དང་། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་གསུས་པོ་ཆེའི་དཔུང་གི་
D3.007.0175a01.01ཚོགས་ཡན་ལག་བཞི་པ་ཅི་འདྲ་བལྟས་འདོང་ངོ་ཞེས་དེ་དག་ལམ་ཀར་དོང་སྟེ་འཁོད་པ་དང་། ཇི་ཙམ་གླང་པོ་ཆེ་པའི་ཚོགས་འོངས་ནས་དྲུག་སྡེ་དག་གིས་དེ་དག་ལ་རྨས་པ། ཤེས་ལྡན་དག་གར་འདོང་། འཕགས་པ་དག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་རི་བྲགས་པ་ཞིག་
D3.007.0175a02.01ལོག་པ་དེ་འབེབས་སུ་མཆིའོ། །བཀྲེན་པ་དག་གླང་པོ་ཆེ་འདི་ལྟ་བུ་དག་གིས་རི་བྲགས་པ་ཕེབས་པར་འགྱུར་རམ། ཁྱོད་ཀྱི་གླང་པོ་ཆེ་འདི་དག་ནི་ཕག་འདྲ་ལ། རི་བྲགས་པའི་གླང་པོ་ཆེ་དག་ནི་རི་བོ་བརྩེགས་པ་འདྲ་བས། ཁྱེད་ཅག་ཕར་འགྲོ་བ་ཡོད་ཀྱང་ཕྱིར་ལྡོག་པ་མེད་ཀྱིས་ཕྱིར་དེང་ལ་
D3.007.0175a03.01ཕ་མ་དག་ལ་ཏིལ་གྱི་ཆུ་བྱིན་ལ་གཟོད་དེང་ཤིག །དེ་དག་མཐའ་གཅིག་ཏུ་དོང་སྟེ་སེམས་ཁོང་དུ་ཆུད་ཅིང་འཁོད་དོ། །དེ་ནས་རྟ་པའི་ཚོགས་འོངས་ནས་དྲུག་སྡེ་དག་གིས་དེ་དག་ལ་རྨས་པ། ཤེས་ལྡན་དག་གར་འདོང་། འཕགས་པ་དག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་
D3.007.0175a04.01རི་བྲགས་པ་ཞིག་ལོག་པ་དེ་འབེབས་སུ་མཆིའོ། །བཀྲེན་པ་དག་རྟ་འདི་ལྟ་བུ་དག་གིས་རི་བྲགས་པ་ཕེབས་པར་འགྱུར་རམ། ཁྱེད་ཀྱི་རྟ་འདི་དག་ནི་བོང་བུ་འདྲ་ལ། རི་བྲགས་པའི་རྟ་དག་ནི་གླང་པོ་ཆེའི་ཕྲུ་གུ་འདྲ་བས་ཁྱེད་ཅག་ཕར་འགྲོ་བ་ཡོད་ཀྱང་ཕྱིར་ལྡོག་པ་མེད་ཀྱིས་ཕྱིར་དེང་ལ་ཕ་མ་
D3.007.0175a05.01དག་ལ་ཏིལ་གྱི་ཆུ་བྱིན་ལ་གཟོད་དེང་ཤིག །དེ་དག་མཐའ་གཅིག་ཏུ་དོང་སྟེ་སེམས་ཁོང་དུ་ཆུད་ཅིང་འཁོད་དོ། །དེ་ནས་ཤིང་རྟ་པའི་ཚོགས་འོངས་ནས་དྲུག་སྡེ་དག་གིས་དེ་དག་ལ་རྨས་པ། ཤེས་ལྡན་དག་གར་འདོང་། འཕགས་པ་དག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་
D3.007.0175a06.01རི་བྲགས་པ་ཞིག་ལོག་པ་དེ་འབེབས་སུ་མཆིའོ། །བཀྲེན་པ་དག་ཤིང་རྟ་འདི་ལྟ་བུ་དག་གིས་རི་བྲགས་པ་ཕེབས་པར་འགྱུར་རམ། ཁྱོད་ཀྱི་ཤིང་རྟ་འདི་དག་ནི་ཤིང་རྟ་ཞིག་པ་འདྲ་ལ། རི་བྲགས་པའི་ཤིང་རྟ་དག་ནི་གཞལ་མེད་ཁང་འདྲ་བས་ཁྱེད་ཅག་ཕར་འགྲོ་བ་ཡོད་ཀྱང་ཕྱིར་ལྡོག་པ་
D3.007.0175a07.01