完整藏文原文 · 德格版页 当前仅加载第 7 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
བསོད་སྙོམས་བྱིན་ཅིག །ཁྱིམ་བདག་དེས་སྨྲས་པ། འཕགས་མ་དེང་འཕགས་པ་འོད་སྲུང་ཆེན་པོ་ལྷ་དང་མིས་མཆོད་པ་བདག་གི་སྡུམ་པར་སྤྱན་དྲངས་ཏེ་ཞལ་ཟས་སྟ་གོན་བགྱིས་པས་རེ་ཞིག་ཅུང་བྲེལ་གྱིས་བཞུད་ཅིག་སྦོམ་དགའ་མོས་སྨྲས་པ། དེ་ནི་གཞན་མུ་སྟེགས་
D3.007.0106b01.01ཅན་ལས་རབ་ཏུ་བྱུང་བ། བུལ་བ་མཆོག་ཏུ་བུལ་བ། ཆུང་བ་མཆོག་ཏུ་ཆུང་བ་ཡིན་ལ། ཁོ་མོ་ནི་ཤཱཀྱ་མོ་ལས་རབ་ཏུ་བྱུང་བ་སྡེ་སྣོད་གསུམ་དང་ལྡན་པ། ཆོས་སྒྲོག་པ་རིགས་པ་དང་གྲོལ་བའི་སྤོབས་པ་ཅན་ཡིན་ན་དེའི་ཟན་སྦྱོར་ཞིང་ཁོ་མོ་ལ་བསོད་སྙོམས་མི་
D3.007.0106b02.01སྟེར་མོད་ཚེ་དང་ལྡན་པ་འོད་སྲུང་ཆེན་པོས་དེ་ཐོས་ཏེ། ཐོས་ནས་ཀྱང་བསམས་པ་དེ་ལ་བསོད་ནམས་མ་ཡིན་པ་མང་པོ་སྐྱེ་བར་གྱུར་ན་མི་རུང་ངོ་སྙམ་ནས་དེས་མགུལ་བསལ་བའི་སྒྲ་ཕྱུང་བ་དང་། ཚེ་དང་ལྡན་པ་འོད་སྲུང་ཆེན་པོ་དབྱིག་གི་གདངས་དང་ལྡན་པ་ཡིན་པས་དེའི་
D3.007.0106b03.01སྒྲས་ཁྱིམ་ཐམས་ཅད་གང་བར་གྱུར་ཏོ། །སྦོམ་དགའ་མོས་དེའི་སྒྲ་ཐོས་ནས་སྨྲས་པ་ཀླུའི་མིང་ཅན་འདི་ཉིད་ན་བཞུགས་སོ། །ཁྱིམ་བདག་དེས་ཐོས་ནས་སྨྲས་པ་ད་གཟོད་ཁོ་ན་དེ་ནི་གཞན་མུ་སྟེགས་ཅན་ལས་རབ་ཏུ་བྱུང་བ་བུལ་བ་མཆོག་ཏུ་བུལ་བ། ཆུང་བ་མཆོག་ཏུ་ཆུང་བ་
D3.007.0106b04.01ཡིན་ལ་ཞེས་ཟེར་ཞིང་། ད་ནི་ཀླུའི་མིང་ཅན་ཞེས་ཟེར་རོ་ཞེས་དེ་གཤེ་ཞིང་བར་གྱི་གཞི་ནས་འབབ་པར་བརྩམས་པ་དང་། སྦོམ་དགའ་མོས་དེ་འབབ་པའི་སྒྲ་ཐྲིག་ཐྲིག་ཟེར་བ་ཐོས་ནས་དེས་བསམས་པ། ཁྱིམ་བདག་འདི་ཤུགས་འདི་ལྟ་བུས་འབབ་པ་ལས་ན་བདག་ལ་གནོད་པ་
D3.007.0106b05.01བྱེད་པར་འགྱུར་གོར་མ་ཆག་སྙམ་ནས། དེས་ཤི་ང་དཔུང་ཆད་བརྫེས་ཏེ་འབྲོས་པར་བརྩམས་པ་དང་། ཁྱིམ་བདག་དེས་སྨྲས་པ། དགེ་སྦྱོང་མ་མགོ་རེག་མོ་མ་འབྲོས་པར་སྡོད་ཅིག་ཅི་འབྲོས། ཁྱོད་ཀྱིས་ཁོ་བོའི་ཁྱིམ་དུ་འཇུག་པར་མི་བྱའོ། །སྦོམ་དགའ་མོས་སྨྲས་པ། ཁྱོད་
D3.007.0106b06.01ཀྱི་ཁྱིམ་རྟུག་ཁུང་དང་བཙོན་རར་གྱུར་ཅིག །ཁྱོད་ཀྱི་ཁྱིམ་དུ་གདོལ་པ་དག་འཇུག་པར་གྱུར་ཅིག །ཁོ་མོ་ཅག་གིས་རྒྱལ་པོ་ལས་བཙུན་མོའི་འཁོར་གྱིས་ཡོངས་སུ་སྤང་བ་ཐོབ་པས། ཁོ་མོ་ལ་ཇི་ཙམ་དུ་རེག་པར་བྱེད་པ་དེ་ཙམ་དུ་ཁོ་མོས་ཁྱོད་ཀྱི་ལག་པ་གཉིས་མཁྲིག་
D3.007.0106b07.01