'dul ba rnam par 'byed pa/
当前为德格木刻版 44a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 44a
- 可引用原文
- 7 行
- 全文规模
- 全经 15555 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 5 函第 7 函 · 德格 44a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ཅག་ལ་ཁྱེད་ཅག་རེ་ཞིག་གཞན་གྱིས་བྱེད་དུ་བཅུག་པའི་གཙུག་ལག་ཁང་དག་ན་གནས་ཤིང་ཁྱེད་ཅག་གིས་རྡོ་ཡང་སྒྲེང་བར་མི་ནུས་ལ་འོན་ཀྱང་འཕྱ་བར་བྱེད་དོ་ཞེས་ཧ་ཅང་ཟིལ་གྱིས་མནན་གྱིས་ཚུར་ཤེག་བདག་ཅག་གིས་སྔོན་ལྷུང་བཟེད་ནག་པོ་ཅན་གང་གིས་ཀྱང་བྱེད་དུ་མ་བཅུག་པའི་གཙུག་ལག་ཁང་ཅི་འདྲ་བའི་གཙུག་ལག་ཁང་བྱེད་དུ་གཞུག་གོ། །གལ་ཏེ་བདག་ཅག་ཐམས་ཅད་ལག་གི་བླ་ལ་བརྩོན་པར་གྱུར་ན་ལྷུང་བཟེད་ནག་པོ་ཅན་དག་རྟག་པ་ཁོ་ནར་བདག་ཅག་ལ་སྐབས་ཚོལ་བས་དེ་དག་གིས་དྲུག་སྡེ་དག་ཐམས་ཅད་ལག་གི་བླ་ལ་ཞུགས་སོ་
ཞེས་སྐབས་རྙེད་པར་འགྱུར་ལ། བདག་ཅག་གི་སློང་མོའི་ཁྱིམ་གང་དག་ཡིན་པ་དེ་དག་ཏུ་ཡང་བྲེལ་བ་དག་གི་སྐྱོན་བརྗོད་ནས་རྗེས་སུ་འཇུག་པར་བྱེད་པར་འགྱུར་གྱི་བདག་ཅག་གིས་བདག་ཅག་གི་ནང་ན་མཁས་པ། སྤྱོད་པ་གསལ་བ། ཁབ་གཞུག་པར་གཏུན་བུ་འཇུད་ནུས་པ་གང་ཡིན་པ་དེའི་གན་དུ་བདག་ཅག་དོང་ལ་སྤྲོ་བ་བསྐྱེད་པར་བྱ་གོར་མ་ཆག་ན། དེའི་ཕྱིར་བདག་ཅག་གི་ནང་ན་མཁས་པ། སྤྱོད་པ་གསལ་བ། ཁབ་གཞུག་པར་གཏུན་བུ་འཇུད་པར་ནུས་པ་གང་ཡིན་པ། བདག་ཅག་གི་ནང་ན་ཚེ་དང་ལྡན་པ་འདུན་པ་མཁས་པ། སྤྱོད་པ་གསལ་བ། ཁབ་གཞུག་པར་
གཏུན་བུ་འཇུད་ནུས་པ་ཡིན་གྱིས་བདག་ཅག་དེའི་གན་དུ་དོང་ལ་སྤྲོ་བ་བསྐྱེད་པར་བྱའོ། །ཞེས་དེ་དག་འདུན་པའི་གན་དུ་དོང་སྟེ་སྨྲས་པ། ཚེ་དང་ལྡན་པ་འདུན་པ་ལྷུང་བཟེད་ནག་པོ་ཅན་འདི་དག་གིས་བདག་ཅག་ལ་རེ་ཞིག་གཞན་གྱིས་བྱེད་དུ་བཅུག་པའི་གཙུག་ལག་ཁང་དག་ན་གནས་ཤིང་ཁྱེད་ཅག་གིས་རྡོ་ཡང་སྒྲེང་བར་མི་ནུས་ལ་འོན་ཀྱང་འཕྱ་བར་བྱེད་དོ། །ཞེས་ཧ་ཅང་ཟིལ་གྱིས་མནན་ནས་ཁོ་བོ་ཅག་འདི་སྙམ་དུ་སེམས་ཏེ། ལྷུང་བཟེད་ནག་པོ་ཅན་འདི་དག་གིས་བདག་ཅག་ལ་ཁྱེད་ཅག་རེ་ཞིག་གཞན་གྱིས་བྱེད་དུ་བཅུག་པའི་གཙུག་ལག་ཁང་དག་ན་གནས་ཤིང་ཁྱེད་ཅག་གིས་རྡོ་ཡང་སྒྲེང་
བར་མི་ནུས་ལ་འོན་ཀྱང་འཕྱ་བར་བྱེད་དོ་ཞེས་ཧ་ཅང་ཟིལ་གྱིས་མནན་གྱིས་ཚུར་ཤེག་བདག་ཅག་གིས་སྔོན་ལྷུང་བཟེད་ནག་པོ་ཅན་གང་དག་གིས་ཀྱང་བྱེད་དུ་མ་བཅུག་པའི་གཙུག་ལག་ཁང་ཅི་འདྲ་བ་དེ་འདྲ་བའི་གཙུག་ལག་ཁང་བྱེད་དུ་གཞུག་གོ། །གལ་ཏེ་བདག་ཅག་ཐམས་ཅད་ལག་གི་བླ་ལ་བརྩོན་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D3
- 德格版页
- 44a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0003 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。