完整藏文原文 · 德格版页 当前仅加载第 7 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
དག་གིས་བུད་མེད་རྒན་མོ་དེ་ལ་དྲིས་པ། མུ་ཏིག་གི་ཆུན་པོ་འདི་སུས་སྨྱུག་མ་ལ་བཏགས་ཏེ་བཞག །རྒན་མོས་སྨྲས་པ། ཁོ་མོས་སོ། །དེ་དག་གིས་མུ་ཏིག་གི་ཆུན་པོ་དེ་རྒྱལ་པོ་ལ་ཕུལ་བ་དང་། རྒྱལ་པོས་ཞོ་ཤས་འཚོ་བ་དག་ལ་སྨྲས་པ། ཁྱོད་ཅག་
D3.007.0242a01.01གིས་དེ་ག་ལས་རྙེད། དེ་དག་གིས་སྨྲས་པ། བུད་མེད་རྒན་མོ་ཞིག་གིས་སྨྱུག་མ་ལ་བཏགས་ཏེ་བཞག་པ་དེ་ནས་བདག་གིས་རྙེད་དོ། །རྒྱལ་པོས་སྨྲས་པ། བུད་མེད་རྒན་མོ་དེ་བོས་ཤིག །དེ་དག་གིས་དེ་བོས་ཏེ་སྨྲས་པ། ལྷ་བུད་མེད་རྒན་མོ་དེ་འདི་ལགས་སོ། །
D3.007.0242a02.01རྒྱལ་པོས་སྨྲས་པ། ཁྱོད་ཀྱིས་མུ་ཏིག་གི་ཆུན་པོ་འདི་སྨྱུག་མ་ལ་བཏགས་ཏེ་བཞག་པ་བདེན་ནམ། རྒན་མོས་སྨྲས་པ། ལྷ་མད་དོ། །རྒྱལ་པོས་སྨྲས་པ། ཁྱོད་དེ་ལ་འདོད་པ་མ་སྐྱེས་སམ། རྒན་མོས་སྨྲས་པ། ལྷ་བདག་གིས་བཅོམ་ལྡན་འདས་ཡང་དག་པར་
D3.007.0242a03.01རྫོགས་པའི་སངས་རྒྱས་འོད་སྲུང་གི་སྤྱན་སྔ་ནས་སྐྱབས་སུ་མཆི་བ་དང་། བསླབ་པའི་གཞི་དག་བླངས་པས་བདག་གཞན་གྱི་རྫས་ལ་འདོད་པའི་ཆོས་སྐྱེད་པར་ག་ལ་འགྱུར། རྒྱལ་པོ་དགའ་ནས་དེས་དེ་ལ་མུ་ཏིག་གི་ཆུན་པོ་དེ་ཉིད་བྱ་དགར་བྱིན་ཏེ། ཁྱོད་ཀྱིར་གྱུར་གྱི་སོང་ཤིག་
D3.007.0242a04.01ཅེས་སྨྲས་སོ། །རྒན་མོ་དེས་མུ་ཏིག་གི་ཆུན་པོ་དེ་ཁྱེར་ཏེ་བཙོངས་ནས། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གི་མཆོད་རྟེན་ལ་མཆོད་པ་དང་། བསྙེན་བཀུར་བྱས་ཏེ་ཞབས་གཉིས་ལ་གཏུགས་ནས་སྨོན་ལམ་འདི་སྐད་ཅེས། བདག་དགེ་
D3.007.0242a05.01བའི་རྩ་བ་འདིས་ནོར་ཆུད་མི་ཟ་བར་གྱུར་ཅིག་ཅེས་བཏབ་བོ། །དགེ་སློང་དག་དེའི་ཚེ་དེའི་དུས་ན་བུད་མེད་རྒན་མོ་གང་ཡིན་པ་དེ་ནི་{རི་དགས་,རི་དྭགས་}འཛིན་གྱི་མ་ས་ག་འདི་ཉིད་ཡིན་ཏེ། འདིས་དེའི་ཚེ་སྨོན་ལམ་དེ་ལྟར་བཏབ་པའི་ལས་དེའི་རྣམ་པར་སྨིན་པས་ནོར་ཆུད་མི་ཟ་བར་གྱུར་ཏོ། །
D3.007.0242a06.01དགེ་སློང་དག་དེ་ལྟར་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་གནག་པ་ཡིན། ལས་གཅིག་ཏུ་དཀར་བ་རྣམས་ཀྱི་རྣམ་པར་སྨིན་པ་ཡང་གཅིག་ཏུ་དཀར་བ་ཡིན། ལས་འདྲེན་མ་རྣམས་ཀྱི་རྣམ་པར་སྨིན་པ་ཡང་འདྲེན་མ་ཡིན་ནོ། །དགེ་སློང་
D3.007.0242a07.01