完整藏文原文 · 德格版页 当前仅加载第 7 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
བཟོ་སྦྱངས་གཟུགས་ཅན་སྙིང་པོས་ལྷ་ཁང་གཉིས་རྩིག་ཏུ་བཙུག་སྟེ། གཅིག་ནི་རི་བོའི་ཕྱིར། ཅིག་ཤོས་ནི་ཡིད་འོང་གི་ཕྱིར་རྩིག་ཏུ་བཅུག་ནས་ཟླ་བ་དྲུག་དྲུག་ཅིང་དུས་སྟོན་བྱེད་དུ་བཅུག་གོ། །གང་གི་ཚེ་དེར་དུས་སྟོན་བྱུང་བ་དེའི་ཚེ་ན་གྲོང་ཁྱེར་ཆེན་པོ་དྲུག་པོ་དག་ནས་སྐྱེ་བོ་ཕལ་པོ་ཆེའི་ཚོགས་དག་ལྷགས་ཏེ་འདུག་ཅིང་
D3.007.0224b01.01མཐུན་པར་གྱུར་ཏོ། །དེ་ནས་དུས་གཞན་ཞིག་ན་རྒྱལ་པོའི་ཁབ་ན་ཀླུའི་རྒྱལ་པོ་རི་བོ་དང་། ཡིད་འོང་གཉིས་ཀྱི་དུས་སྟོན་ལ་བབ་པ་དང་། ལྷོ་ལམ་ནས་གར་མཁན་ཞིག་ཀྱང་རྒྱལ་པོའི་ཁབ་ཏུ་འོངས་ནས་དེས་བསམས་པ། གང་གི་སྐྱེ་བོ་ཕལ་པོ་ཆེའི་ཚོགས་ཀྱང་མངོན་པར་དགའ་བར་འགྱུར་ཞིང་རྙེད་པ་མང་པོ་
D3.007.0224b02.01ཡང་འགྲུབ་པར་འགྱུར་བའི་ཐབས་ཅི་ཡོད་སྙམ་ནས་དེས་ཡང་བསམས་པ། གལ་ཏེ་སྐྱེས་བུ་གཙོ་བོའི་བསྔགས་པ་བརྗོད་ན་དེ་ལྟ་ན་སྐྱེ་བོ་ཕལ་པོ་ཆེའི་ཚོགས་ཀྱང་མངོན་པར་དགའ་བར་འགྱུར་ཞིང་རྙེད་པ་མང་པོ་ཡང་འགྲུབ་པར་འགྱུར་རོ་སྙམ་མོ། །དེའི་ཚེ་ན་སྐྱེ་བོ་ཕལ་པོ་ཆེའི་ཚོགས་ཕལ་ཆེར་
D3.007.0224b03.01བཅོམ་ལྡན་འདས་ལ་མངོན་པར་དད་པར་གྱུར་ནས་གར་མཁན་དེས་བསམས་པ། རེ་ཞིག་ལྷ་དང་བཅས་པའི་འཇིག་རྟེན་འདི་ནི་བཅོམ་ལྡན་འདས་ལ་མངོན་པར་དད་པ་ཡིན་པས་སངས་རྒྱས་བཅོམ་ལྡན་འདས་ཀྱི་བསྔགས་པ་བརྗོད་ན་སྐྱེ་བོ་ཕལ་པོ་ཆེའི་ཚོགས་ཀྱང་མངོན་པར་དགའ་བར་འགྱུར་
D3.007.0224b04.01ཞིང་རྙེད་པ་མང་པོ་ཡང་འགྲུབ་པར་འགྱུར་བས་བདག་གིས་སངས་རྒྱས་བཅོམ་ལྡན་འདས་ཀྱི་བསྔགས་པ་བརྗོད་པར་བྱའོ་སྙམ་ནས་དེ་དགའ་བོའི་གན་དུ་སོང་སྟེ་སྨྲས་པ། འཕགས་པ་གང་གི་ཚེ་བཅོམ་ལྡན་འདས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པས་གཟིགས་པ་ལྔ་པོ་
D3.007.0224b05.01རིགས་དང་། རུས་དང་། ཡུལ་དང་། དུས་དང་། བུད་མེད་ལ་གཟིགས་པ་དག་གིས་འཇིག་རྟེན་ལ་གཟིགས་ནས་འདོད་པ་ན་སྤྱོད་པའི་ལྷ་དྲུག་པོ་དག་ལན་གསུམ་ཡོངས་སུ་སྦྱང་བ་བགྱིད་དུ་སྩལ་ཏེ། གླང་པོ་ཆེར་སྣང་བ་བསྒྱུར་ནས་ཤེས་བཞིན་དུ་ཡུམ་གྱི་ལྷུམས་སུ་ཞུགས་པ་དེའི་ཚེ་
D3.007.0224b06.01ན་ས་ཆེན་པོ་འདི་ཤིན་ཏུ་གཡོས་པར་གྱུར་ཅིང་འཇིག་རྟེན་གྱི་འཇིག་རྟེན་གྱི་བར་གང་ན་ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ་འདི་གཉིས་ཀྱི་འོད་དག་ཉམས་སུ་མི་མྱོང་བའི་མུན་པ་མུན་ནག་མུན་པར་བྱེད་པས་གནག་པར་གྱུར་པ་གང་དག་ལགས་པ་དེ་དག་ཀྱང་དེའི་ཚེ་ན་སྣང་བ་རྒྱ་
D3.007.0224b07.01