完整藏文原文 · 德格版页 当前仅加载第 7 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཟོད་པ་གསོལ་ཅིག །བཙུན་པ་ཅི་ལགས། བདག་གིས་དེ་གཉིས་ཀྱི་རྐང་པ་གཉིས་ལ་གཏུགས་པར་བགྱིའམ། རྒྱལ་པོ་ཆེན་པོ་རྐང་པ་གཉིས་ལ་གཏུགས་པར་མི་བྱ་སྟེ། འདི་ལྟར་མི་མ་རབས་དག་གི་རྐང་པ་ལ་ཕྱག་འཚལ་བ་གང་ཡིན་པ་དེ་ནི་མི་གཙོ་བོ་དག་
D3.007.0224a01.01གི་ལག་པ་ནས་བཟུང་བ་ཡིན་གྱིས་ཁྱོད་ཀྱི་ལག་པ་གཡས་པ་རྐྱོང་ལ་ཀླུའི་དབང་པོ་གཉིས་བཟོད་པ་མཛོད་ཅིག་ཅེས་བཟོད་པ་གསོལ་ཅིག །དེ་ནས་དུས་གཞན་ཞིག་ན་ཀླུའི་རྒྱལ་པོ་རི་བོ་དང་། ཡིད་འོང་གཉིས་བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་
D3.007.0224a02.01གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །དེའི་ཚེ་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོ་ཡང་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་པ་དང་།
D3.007.0224a03.01བཅོམ་ལྡན་འདས་ཀྱིས་བརྡ་མཛད་དོ། །དེ་ནས་མ་ག་དྷཱར་བྱུང་བའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་ལག་པ་གཡས་པ་བརྐྱང་སྟེ་སྨྲས་པ། ཀླུའི་དབང་པོ་གཉིས་བཟོད་པ་མཛོད་ཅིག །དེ་གཉིས་ཀྱིས་སྨྲས་པ། རྒྱལ་པོ་ཆེན་པོ་བཟོད་པར་བགྱིའོ། །ཀླུའི་དབང་པོ་གཉིས་གལ་ཏེ་བཟོད་
D3.007.0224a04.01ན་བདག་གི་ཡུལ་དུ་ཚུར་སྤྱོན་ཅིག །དེ་གཉིས་ཀྱིས་སྨྲས་པ། རྒྱལ་པོ་ཆེན་པོ་གང་གི་ཚེ་བདག་ཅག་གཉིས་རྒྱ་མཚོ་ཆེན་པོར་ཞུགས་པ་དེའི་ཚེ་ན་ལུས་དང་ལོངས་སྤྱོད་དག་གིས་ཆེས་ཤིན་ཏུ་མངོན་པར་མཐོ་བར་གྱུར་པས་ད་གལ་ཏེ་བདག་ཅག་གཉིས་འདིར་མཆི་བར་གྱུར་ན་འདིར་བདག་ཅག་གཉིས་ཀྱི་
D3.007.0224a05.01གོ་སྐབས་ཉིད་ཀྱང་མ་མཆིས་པར་འགྱུར་རོ། །རྒྱལ་པོས་སྨྲས་པ། ཀླུའི་དབང་པོ་གཉིས་དེ་ལྟ་ན་བདག་གི་ཡུལ་མ་རུང་དུ་བས་སོ། །དེ་གཉིས་ཀྱིས་སྨྲས་པ། རྒྱལ་པོ་ཆེན་པོ་ཁྱོད་ཀྱི་ཡུལ་མ་རུང་བར་མི་འགྱུར་ཏེ། འདི་ལྟར་ཁྱོད་ཀྱིས་ལྷ་ཁང་གཉིས་རྩིག་ཏུ་སྩོལ་ལ་གཅིག་ནི་རི་བོའི་སླད་
D3.007.0224a06.01དུ། ཅིག་ཤོས་ནི་ཡིད་འོང་གི་སླད་དུ་རྩིག་ཏུ་སྩོལ་ཅིག་དང་དེར་བདག་ཅག་གཉིས་ཀྱི་ཞོ་ཤས་འཚོ་བ་དག་གཞག་པར་བགྱིའོ། །ཟླ་བ་དྲུག་དྲུག་ཅིང་དུས་སྟོན་བགྱིད་དུ་སྩོལ་ཅིག་དང་དེར་བདག་ཅག་གཉིས་ཀྱང་རང་ཉིད་མཆིས་ནས་གཡར་སྔར་བྲིམ་པར་བགྱིའོ། །དེ་ནས་མ་ག་དྷཱར་བྱུང་བའི་རྒྱལ་པོ་
D3.007.0224a07.01