完整藏文原文 · 德格版页 当前仅加载第 7 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
མཁན་པོ་དང་། བླ་མ་དང་། བླ་མ་ལྟ་བུ་མཐོང་ན་ཡང་ལྡང་བར་བགྱིད་པ་དེ་དག་བདག་ཅག་གིས་སྤངས་སོ་ཞེས་འཚལ་བར་མི་བགྱིད་པས་དེ་དག་རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར་ཏེ། བཙུན་པ་གང་གིས་ད་ལྟར་དགེ་སློང་
D3.007.0142a01.01དག་རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར་པའི་རྒྱུ་ནི་དེ་ལགས། རྐྱེན་ནི་དེ་ལགས་སོ། །ཀུན་དགའ་བོ་དེ་ལྟ་བས་ན་མ་སྤངས་པས་ཇི་ཙམ་གྱིས་ཆོག་པ་བཟའ་བར་བྱ་ཞིང་། ཟས་བརྩམས་པས་སློབ་དཔོན་དང་། མཁན་པོ་དང་། བླ་མ་དང་། བླ་མ་
D3.007.0142a02.01ལྟ་བུ་མཐོང་ན་ལྡང་བར་མི་བྱའོ། །བཅོམ་ལྡན་འདས་ཀྱིས་མ་སྤངས་པས་ཇི་ཙམ་གྱིས་ཆོག་པ་བཟའ་བར་བྱ་ཞིང་། ཟས་བརྩམས་པས་སློབ་དཔོན་དང་། མཁན་པོ་དང་། བླ་མ་དང་། བླ་མ་ལྟ་བུ་མཐོང་ན་ལྡང་བར་མི་བྱའོ་ཞེས་བཀའ་སྩལ་ནས་དེ་དག་ཆུ་བཞིན་དུ་སྤངས་པས་ལོ་མ་དང་། སྲན་
D3.007.0142a03.01ཚོད་དང་། ལྡམ་ལྡུམ་དང་། སྐམ་ཚོད་ཀྱིས་ཀྱང་སྤོང་བར་བྱེད་ཅིང་། དེ་དག་བདག་ཅག་གིས་སྤངས་སོ་ཞེས་ཟ་བར་མི་བྱེད་པས་དེ་དག་རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་
D3.007.0142a04.01རྨེད་པར་མཛད་པས། སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ངས་མ་སྤངས་པས་ཇི་ཙམ་གྱིས་ཆོག་པ་བཟའ་བར་བྱ་ཞིང་། ཟས་བརྩམས་པས་སློབ་དཔོན་དང་། མཁན་པོ་དང་། བླ་མ་དང་། བླ་མ་ལྟ་བུ་མཐོང་ན་ལྡང་བར་མི་བྱའོ་ཞེས་
D3.007.0142a05.01བྱས་ན་གང་གིས་ད་ལྟར་དགེ་སློང་དག་རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར་པའི་རྒྱུ་ནི་གང་ཡིན། རྐྱེན་ནི་གང་ཡིན། བཙུན་པ་བཅོམ་ལྡན་འདས་ཀྱིས་མ་སྤངས་པས་ཇི་ཙམ་གྱིས་ཆོག་པ་བཟའ་བར་བྱ་ཞིང་། ཟས་བརྩམས་པས་སློབ་དཔོན་
D3.007.0142a06.01དང་། མཁན་པོ་དང་། བླ་མ་དང་། བླ་མ་ལྟ་བུ་མཐོང་ན་ལྡང་བར་མི་བྱའོ་ཞེས་བཀའ་སྩལ་ནས། དེ་དག་ཆབ་བཞིན་དུ་སྤངས་པས་ལོ་མ་དང་། སྲན་ཚོད་དང་། ལྡམ་ལྡུམ་དང་། སྐམ་ཚོད་ཀྱིས་ཀྱང་སྤོང་བར་བགྱིད་ཅིང་དེ་དག་བདག་ཅག་གིས་སྤངས་སོ་ཞེས་འཚལ་བར་མི་བགྱིད་
D3.007.0142a07.01