完整藏文原文 · 德格版页 当前仅加载第 7 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
འདུན་སང་ཁྱིམ་གཞན་དུ་གདུགས་ཚོད་ལ་སྤྱན་དྲངས་ཏེ་ཚེ་དང་ལྡན་པ་ལམ་པ་གཅིག་པུ་མ་གཏོགས་སོ། །བཙུན་པ་ཀུན་དགའ་བོ་དེའི་དགེ་བའི་ཆོས་རྣམས་ཇི་ལྟར་འཕེལ་བར་གྱུར་ཅིག །དེ་ནས་འཚོ་བྱེད་གཞོན་ནུས་གསོས་ཀྱིས་དེ་ཉིད་ཀྱི་མཚན་མོ་བཅའ་བ་དང་བཟའ་བ་
D3.007.0081b01.01གཙང་ཞིང་བསོད་པ་སྟ་གོན་བྱས་ནས་ནང་པར་སྔར་ལངས་ཏེ་གདན་དག་བཤམས་ནས་ཆུ་ར་བཞག་སྟེ། བཅོམ་ལྡན་འདས་ལ་སྤྱན་འདྲེན་གྱིས་བཙུན་པ་གདུགས་ཚོད་གཡར་དགོངས་འཚལ་ན། བཅོམ་ལྡན་འདས་ཀྱིས་ད་དེའི་དུས་ལ་བབ་པར་དགོངས་སུ་གསོལ་ཞེས་སྤྱན་དྲངས་
D3.007.0081b02.01སོ། །དེ་ནས་བཅོམ་ལྡན་འདས་སྔ་དྲོ་ཤམ་ཐབས་གསོལ་ལྷུང་བཟེད་དང་ཆོས་གོས་བསྣམས་ཏེ་དགེ་སློང་གི་ཚོགས་ཀྱིས་ཡོངས་སུ་བསྐོར་ཅིང་དགེ་སློང་གི་དགེ་འདུན་གྱིས་མདུན་དུ་བདར་ནས་འཚོ་བྱེད་གཞོན་ནུས་གསོས་ཀྱི་བཀད་ས་ག་ལ་བ་དེར་གཤེགས་ཏེ་བྱོན་ནས་དགེ་སློང་གི་དགེ་
D3.007.0081b03.01འདུན་གྱི་གོང་དུ་གདན་བཤམས་པ་ཉིད་ལ་བཞུགས་སོ། །བཞུགས་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ལམ་པའི་བྱུག་རིས་ཞོག་ཤིག་འཚོ་བྱེད་གཞོན་ནུས་གསོས་ཀྱི་གསེར་གྱི་རིལ་བ་བྷྲྀང་ག་ར་ཐོགས་ཏེ་རྒན་པའི་མཐའ་
D3.007.0081b04.01ལོགས་སུ་བསྡད་པ་དང་བཅོམ་ལྡན་འདས་ཀྱིས་ཆབ་ཀྱི་རྒྱུན་མ་བཞེས་སོ། །འཚོ་བྱེད་གཞོན་ནུས་གསོས་ཀྱིས་གསོལ་བ། ཅིའི་སླད་དུ་བཅོམ་ལྡན་འདས་ཆབ་ཀྱི་རྒྱུན་བཞེས་པར་མི་མཛད། བཅོམ་ལྡན་འདས་ཀྱིས་བཀའ་སྩལ་པ། ད་དུང་དགེ་སློང་གི་དགེ་འདུན་མ་འཚོགས་
D3.007.0081b05.01སོ། །འཚོ་བྱེད་གཞོན་ནུས་གསོས་ཀྱིས་གསོལ་པ། བཅོམ་ལྡན་འདས་གང་མ་མཆིས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ལམ་པའོ། །འཚོ་བྱེད་གཞོན་ནུས་གསོས་ཀྱིས་གསོལ་པ། བཅོམ་ལྡན་འདས་དེ་བདག་གིས་གཡར་མ་དྲངས་སོ། །བཅོམ་ལྡན་
D3.007.0081b06.01འདས་ཀྱིས་བཀའ་སྩལ་པ། གལ་ཏེ་འཚོ་བྱེད་ཁྱོད་ཀྱིས་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་མ་དྲངས་སམ། བཅོམ་ལྡན་འདས་སྤྱན་དྲངས་སོ། །འོ་ན་ཅི་ལམ་པ་དགེ་འདུན་ལས་ཕྱི་རོལ་དུ་གྱུར་པ་ཡིན་ནམ། བཅོམ་ལྡན་འདས་མ་ལགས་སོ། །སོང་ལ་དེ་བོས་
D3.007.0081b07.01