完整藏文原文 · 德格版页 当前仅加载第 7 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
དང་མཆི་མའི་རྒྱ་མཚོ་ནི་བསྐམས། རུས་པའི་རི་དག་ལས་ནི་བསྒྲལ། ངན་སོང་གི་སྒོ་དག་ནི་བཀུམ། མཐོ་རིས་དང་། ཐར་པའི་སྒོ་དག་ནི་ཕྱེ། སེམས་ཅན་དམྱལ་བ་དང་། དུད་འགྲོ་དང་། {ཡི་དགས་,ཡི་དྭགས་}ནས་ནི་རྐང་པ་ཕྱུང་། ལྷ་དང་། མི་རྣམས་ཀྱི་ནང་དུ་ནི་བཞག །འཁོར་
D3.007.0260b01.01བ་ནི་མཐར་བགྱིས། ཐོག་མ་མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། བཙུན་པ་མ་འགགས་པ་བདག་ནི་མངོན་པར་ཞུགས་པ་ལགས་སོ། །བཙུན་པ་
D3.007.0260b02.01མ་འགགས་པ་བདག་ནི་མངོན་པར་ཞུགས་པ་ལགས་ཏེ། བཙུན་པ་མ་འགགས་པ་བདག་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆིས། བདག་དགེ་བསྙེན་མར་གཟུང་དུ་གསོལ། དེང་སླན་ཅད་ཇི་སྲིད་འཚོའི་བར་དུ་གློ་བ་ཐག་པ་
D3.007.0260b03.01ནས་སྐྱབས་སུ་མཆིའོ། །བཙུན་པ་མ་འགགས་པ་དེའི་སླད་དུ་སང་འདི་ཉིད་དུ་གདུགས་ཚོད་གསོལ་བར་ཅི་གནང་། སྲིང་མོ་དམ་ཚིག་གིས་བཟའ་བར་བྱ་སྟེ། གལ་ཏེ་སྒོ་བཅད་དེ་སྦྱིན་པར་བྱེད་ན་བཟའོ། །དེས་སྨྲས་པ། ཆབ་སྒོ་བཀུམ་སྟེ་གསོལ་ལོ། །དེས་དེ་ཉིད་ཀྱི་
D3.007.0260b04.01མཚན་མོ་ཁ་ཟས་སྟ་གོན་བྱས་ནས་ནང་པར་སྔར་ལངས་ཏེ་སྟན་བཤམས་ནས་སྒོ་བཅད་དེ་གདུགས་ཚོད་ལ་བབ་པ་དང་། ཚེ་དང་ལྡན་པ་མ་འགགས་པ་བདེ་བར་འདུག་པར་རིག་ནས་བཅའ་བ་དང་བཟའ་བ་གཙང་ཞིང་བསོད་པས་རང་གི་ལག་ནས་ཚིམ་པར་བྱེད། སྟོབས་པར་
D3.007.0260b05.01བྱེད་དོ། །རྣམ་གྲངས་དུ་མར་བཅའ་བ་དང་བཟའ་བ་གཙང་ཞིང་བསོད་པས་རང་གི་ལག་ནས་བསྟབས་ཤིང་ཚིམ་པར་བྱས་ནས། ཚེ་དང་ལྡན་པ་མ་འགགས་པ་ཟན་ཟོས་ཤིང་ལག་པ་བསྙལ་ལྷུང་བཟེད་བཞག་པར་རིག་ནས་སྟན་ཆེས་དམའ་བ་ཞིག་བླངས་ཏེ་ཚེ་དང་ལྡན་པ་
D3.007.0260b06.01མ་འགགས་པའི་མདུན་དུ་ཆོས་མཉན་པའི་ཕྱིར་འདུག་གོ། །དེའི་ཚེ་ན་དེའི་མིང་པོ་གཉིས་མི་ཞིག་དང་ལྷན་ཅིག་ཐབ་མོ་བྱུང་བ་ན་མི་དེ་ན་རེ་ཁྱེད་གཉིས་ཀྱིས་སྨྲའམ། ཁྱེད་གཉིས་ཀྱི་སྲིང་མོ་ཡ་མཚན་ཅན་སྣ་ཚོགས་དང་ལྡན་པའི་མཆོད་སྦྱིན་བྱེད་པས་ཤཱཀྱའི་བུའི་དགེ་སྦྱོང་ཡང་མ་
D3.007.0260b07.01