完整藏文原文 · 德格版页 当前仅加载第 7 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། གཞི་དགུ་
D3.007.0257b01.01ལས་ཏེ། རྩེ་བར་བྱའོ། །རྩེར་གཞུག་པར་བྱའོ། །རྩེད་མོ་བྱའོ། །རྩེད་མོ་བྱེད་དུ་གཞུག་གོ། །དགའ་བར་བྱའོ། །དགའ་བར་བྱེད་དུ་གཞུག་གོ། །རྒོད་བག་བྱའོ། །འཕྱར་གཡེང་བྱའོ། །ལུས་བསྒྱུར་བར་བྱའོ་སྙམ་པའི་བསམ་པས་སོ། །དེ་ལ་ཇི་ལྟར་རྩེ་བར་བྱའོ་
D3.007.0257b02.01སྙམ་པའི་བསམ་པས་ཤེ་ན། དགེ་སློང་གིས་ཆུ་ལ་རྩེ་བའི་བསམ་པས་ཁྲི་ལས་ལྡང་བར་བྱེད། ཤམ་ཐབས་གྱོན་པར་བྱེད། ཆོས་གོས་གྱོན་པར་བྱེད། འགྲོ་བར་བྱེད་ཅིང་ཆོས་གོས་དག་བཞག་ནས་ཁྲུས་རས་གྱོན་པར་བྱེད། ཆུར་འཇུག་པར་བྱེད་ཅིང་འོག་ཏུ་ནུབ་
D3.007.0257b03.01པར་བྱེད་པ་ན་ལྟུང་བྱེད་དུ་འགྱུར་རོ། །སྟེང་དུ་འབྱུང་བར་བྱེད་ན་ལྟུང་བྱེད་དུ་འགྱུར་རོ། །སིམ་པར་འདོད་པའི་བསམ་པས་ནི་ལྟུང་བ་མེད་དོ། །ཚུ་རོལ་གྱི་འགྲམ་ནས་ཕ་རོལ་གྱི་འགྲམ་དུ་འགྲོ་བར་བྱེད་ན་ལྟུང་བྱེད་དུ་འགྱུར་རོ། །ཕ་རོལ་གྱི་འགྲམ་ནས་ཚུ་རོལ་གྱི་
D3.007.0257b04.01འགྲམ་དུ་འོང་ན་ལྟུང་བྱེད་དུ་འགྱུར་རོ། །རྒལ་བའི་བསམ་པས་ནི་ལྟུང་བ་མེད་དོ། །རྒྱུན་ཕྱོགས་སུ་རྩོལ་ན་ལྟུང་བྱེད་དུ་འགྱུར་རོ། །རྒྱུན་ལས་ཟློག་ཕྱོགས་སུ་རྩོལ་ན་ལྟུང་བྱེད་དུ་འགྱུར་རོ། །སློབ་པའི་བསམ་པས་ནི་ལྟུང་བ་མེད་དོ། །ཆུ་ལ་རྔ་བོ་ཆེ་རྡུང་ངམ། ཆུ་ལ་རྫ་
D3.007.0257b05.01རྔ་ཁ་གཅིག་པ་རྡུང་ངམ། ཆུ་ལ་གསེག་མ་འཁྲབ་བམ། ཆུ་ལ་ཁོར་ཡུག་བྱེད་དམ། ཆུ་ལ་རྡོ་རྗེ་བྱེད་དམ། ཆུ་ལ་ཆུ་སྲུབས་འདྲེན་ན་ལྟུང་བྱེད་དུ་འགྱུར་རོ། །ཐ་ན་ཆུ་ལ་བེམ་ཏོལ་གྱིས་རྡེག་ན་ཉེས་བྱས་སུ་འགྱུར་རོ། །དགེ་སློང་གིས་བུམ་པ་དང་། ཕྲུ་བ་
D3.007.0257b06.01དང་། རིལ་བ་དང་། ཁམ་ཕོར་དུ་ཆུ་ལ་རྔ་བོ་ཆེ་རྡུང་བར་བྱེད་དམ། ཆུ་ལ་རྫ་རྔ་ཁ་གཅིག་པ་རྡུང་བར་བྱེད་དམ། ཐ་ན་བེམ་ཏོལ་གྱིས་རྡེག་ན་ཉེས་བྱས་སུ་འགྱུར་རོ། །དགེ་སློང་གིས་སྲན་ཚོད་དང་། འུ་ཤ་དང་། ཐང་ཚ་བར་ཆུ་ལ་རྔ་བོ་ཆེ་རྡུང་བར་བྱེད་དམ།
D3.007.0257b07.01