完整藏文原文 · 德格版页 当前仅加载第 7 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་བསམས་པ། བཙུན་པ་ཉེ་དགའ་ཡུན་རིང་དུ་ཐོགས་པར་འགྱུར་རོ། །སྙམ་ནས། དེས་ཁང་ཐོག་ཏུ་དེའི་མལ་བཤམས་ནས་རྐང་པའི་ཆུ་དང་། རྐང་པ་བསྐུ་བ་མཐའ་གཅིག་ཏུ་བཞག་སྟེ། གཙུག་ལག་ཁང་གི་ཕྱི་རོལ་དུ་རྐང་པ་གཉིས་བཀྲུས་ནས་
D3.007.0041a01.01འོག་ཁང་དུ་མལ་བཤམས་པར་ཞུགས་ཏེ་ཉལ་ལོ། །ཚེ་དང་ལྡན་པ་ཉེ་དགའ་ཡང་ཇི་སྲིད་དུ་དེའི་འདུ་འཛིའི་གཏམ་གྱི་ཟླ་ཡོད་པ་དེ་སྲིད་དུ་འདུག་འདུག་ནས་གང་གི་ཚེ་དེའི་འདུ་འཛིའི་གཏམ་གྱི་ཟླ་མེད་པ་དེའི་ཚེ་ན་མིག་ལམ་ཆད་པའི་དུས་ཀྱི་ཚེ་གཙུག་ལག་ཁང་དུ་འོངས་ཏེ། བསོད་སྙོམས་
D3.007.0041a02.01པ་བསོད་སྙོམས་པ་ཞེས་བོད་པར་བརྩམས་པ་དང་། དགེ་སློང་རྣམས་ཀྱིས་དེ་ལ་སྨྲས་པ། ཚེ་དང་ལྡན་པ་ཉེ་དགའ་འདམ་བུ་ཐིབས་པོའི་གསེབ་ཏུ་ཞུགས་པ་བཞིན་དུ་ཅི་འབོད། ཉེ་{དགའས་,དགས་}སྨྲས་པ། འདི་ན་ཁོ་བོའི་གྲོགས་པོ་བསོད་སྙོམས་པ་ཞིག་འདུག་ན། དེ་ན་བར་མ་གྱུར་
D3.007.0041a03.01ཏམ། བསོད་སྙོམས་པས་དེ་ཐོས་ནས་སྨྲས་པ། བཙུན་པ་ཉེ་དགའ་མ་འབོད་ཅིག །ཁོ་བོས་ཁྱེད་ཀྱི་མལ་ཁང་ཐོག་ཏུ་བཤམས་ཏེ་རྐང་པའི་ཆུ་དང་། རྐང་པ་བསྐུ་བ་ཡང་མཐའ་གཅིག་ཏུ་བཞག་གིས་དེར་སོང་ལ་ཉོལ་ཅིག །ཉེ་{དགའས་,དགས་}སྨྲས་པ། བསོད་སྙོམས་པ་འཐམ་པ་
D3.007.0041a04.01ཆུང་ཞིག་ཡོད་ཀྱིས་ཇེ་སྒོ་ཕྱེ་ཤིག །བཙུན་པ་ཉེ་དགའ་ཁོ་བོ་ཆད་ཀྱིས་སང་འཐམ་མོ། །བསོད་སྙོམས་པ་ཁོ་བོ་ཁྱོད་དང་ཇི་སྲིད་མཚན་ཐོག་ཐག་ཟད་པར་འགྱུར་བ་དེ་སྲིད་དུ་འཐམ་པར་བྱའོ། །བཙུན་པ་ཉེ་དགའ་ཁོ་བོ་ཆད་ཀྱིས་ཁྱོད་ལ་སྒོ་མི་དབྱེའོ། །ཉེ་དགའ་ཁང་ཐོག་ཏུ་འཛེགས་ནས་རྐང་པ་
D3.007.0041a05.01གཉིས་བཀྲུས་ཏེ་གནས་ཁང་དུ་ཞུགས་ནས་བསོད་སྙོམས་པ་ཞེས་བོས་པ་དང་། བསོད་སྙོམས་པས་བཙུན་པ་ཉེ་དགའ་ཅི་ཟེར་ཞེས་བྱས་སོ། །ཉེ་དགའ་སྒྲ་ལ་མཁས་པས་དེས་བསོད་སྙོམས་པའི་དཔྲལ་བའི་ཐད་ཀར་ཁྲི་རྐང་གཏད་དེ་ཅི་ནས་ཀྱང་ཁྲི་རྐང་གིས་ཁང་ཐོག་བརྟོལ་ནས་བསོད་སྙོམས་པ་དེའི་
D3.007.0041a06.01དཔྲལ་བར་འབབ་པར་འགྱུར་བ་དེ་ལྟར་ཤུགས་དྲག་པོས་མནན་པ་དང་། དེས་བསོད་སྙོམས་པ་དེའི་དཔྲལ་བར་ཕོག་སྟེ་དཔྲལ་བ་ཞོམ་མོ། །བསོད་སྙོམས་པས་སྨྲས་པ། བཙུན་པ་ཉེ་དགའ་ཁོ་བོ་གནང་ངོ་། །ཁོ་བོ་གནང་ངོ་། །ཀྭའེ་བསོད་སྙོམས་པ་ཅི་ཟེར། བསོད་སྙོམས་པས་
D3.007.0041a07.01