完整藏文原文 · 德格版页 当前仅加载第 7 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
མཛའ་བོ་དང་། ས་ལས་སྐྱེས་གཉིས་ངོར་འཕྱ་བའི་གྲངས་སུ་བཅུག་པ་དེའི་ཚེ་ན་དེ་གཉིས་ཚེ་དང་ལྡན་པ་ཉེ་དགའ་དང་ལྷན་ཅིག་གཏམ་ཟེར་ཞིང་འདུག་པ་ན། ཚེ་དང་ལྡན་པ་གྱད་བུ་ནོར་ཕྱོགས་དེར་འོངས་པ་དང་། དེ་གཉིས་ཀྱིས་ཉེ་དགའ་ལ་སྨྲས་པ། ཚེ་དང་ལྡན་པ་ཉེ་དགའ་གལ་ཏེ་ཁྱོད་ཀྱང་དགེ་
D3.007.0002b01.01འདུན་གྱིས་གནས་མལ་འབོག་པ་དང་། ཟས་ལ་སྐོ་བར་བསྐོས་པར་གྱུར་ན། ཁྱོད་ཀྱང་ཁོ་བོ་ཅག་ལ་འདི་ལྟ་སྟེ་དཔེར་ན་ཁ་ཅིག་བཞིན་དུ་མཐོ་འཚམ་པར་འགྱུར་རོ། །ཉེ་{དགའས་,དགས་}དེ་གཉིས་ལ་སྨྲས་པ། ཚེ་དང་ལྡན་པ་གཉིས་ཁྱེད་གཉིས་དགེ་འདུན་མཐུན་པས་དགེ་སློང་གང་གནས་མལ་འབོག་
D3.007.0002b02.01པ་དང་། ཟས་ལ་སྐོ་བར་བསྐོས་པར་ཤེས་བཞིན་དུ་དེ་ལ་གཞོགས་འཕྱས་བྱེད་དམ། དེ་གཉིས་ཀྱིས་སྨྲས་པ། ཅི་ཁོ་བོ་ཅག་གཉིས་ཀྱིས་འགའ་ཞིག་གི་མིང་ངམ་རུས་ནས་སྨོས་སམ། ཉེ་{དགའས་,དགས་}སྨྲས་པ། གལ་ཏེ་མིང་དང་རུས་མ་སྨོས་པར་གཞོགས་འཕྱས་བྱེད་དུ་
D3.007.0002b03.01གནང་ན། ཉེ་{དགའས་,དགས་}ཀྱང་འཇིག་རྟེན་ཐམས་ཅད་ལ་མིང་དང་རུས་མི་སྨོས་པར་གཞོགས་འཕྱས་བྱས་པར་འགྱུར་རོ། །དགེ་སློང་དོན་ཉུང་ངུ་དག་ཅིའི་ཕྱིར་དགེ་སློང་དག་དགེ་འདུན་མཐུན་པས། དགེ་སློང་གང་གནས་མལ་འབོག་པ་དང་། ཟས་ལ་སྐོ་བར་བསྐོས་པར་ཤེས་བཞིན་དུ་དེ་
D3.007.0002b04.01ལ་གཞོགས་འཕྱས་བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ཁྱེད་ཀྱིས་དགེ་སློང་མཛའ་བོ་དང་། ས་ལས་སྐྱེས་གཉིས་
D3.007.0002b05.01སམ། གཞན་ཡང་དེ་ལྟ་བུ་གང་ཡིན་པ་དེ་གཞོགས་འཕྱས་བྱེད་པའི་གྲངས་སུ་ཆུག་ཤིག་འདི་ལྟར་གྲངས་སུ་གཞུག་པར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ནས་དགེ་འདུན་ཐམས་ཅད་འདུག་ཅིང་མཐུན་
D3.007.0002b06.01པར་གྱུར་པ་ལ་དགེ་སློང་གཅིག་གིས་གསོལ་བར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ། དགེ་སློང་མཛའ་བོ་དང་། ས་ལས་སྐྱེས་འདི་གཉིས་འཚལ་བཞིན་དུ་དགེ་སློང་གང་དགེ་འདུན་མཐུན་པས་གནས་མལ་འབོག་པ་དང་། ཟས་ལ་སྐོ་བར་བསྐོས་པ་ཚེ་དང་ལྡན་པ་
D3.007.0002b07.01