完整藏文原文 · 德格版页 当前仅加载第 77 函德格 365a 版页；藏文 NFD、目录标记与异常页序保留在来源切片中，重复版页行以稳定序号区分。
སྨན་ངེས་པར་བྱས་ནས་ནི། །གྲིབ་མ་ཡང་ནི་མཐོང་མི་འགྱུར། །རྣལ་འབྱོར་ཞག་གིས་བསྐུས་ན་ནི། །མཚན་མོའང་ཉིན་པར་ལྟ་བུར་འགྱུར། །རྣལ་འབྱོར་རྐང་དག་ཟོས་ནས་ནི། །ཚིམ་པར་འགྱུར་གྱི་གཞན་དུ་མིན། །ཇི་སྲིད་གནས་པར་མི་བཀྲེས་ཤིང་། །
D369.077.0365a01.01ཡིད་གཞུངས་དྲན་པ་འཕེལ་བར་འགྱུར། །རྣལ་འབྱོར་སྔོན་གྱི་སྐྱེ་བ་དྲན། །རྡོ་རྗེ་སེམས་དཔར་འགྱུར་བ་ཡིན། །རྒྱུ་མ་ཕྱེ་མར་བྱས་ནས་སུ། །མཁས་པས་གྲིབ་མ་ལ་ཡང་བསྐམ། །གང་གིས་མགོ་ལ་གཞག་པ་ན། །དེ་མ་ཐག་ཏུ་དབང་དུ་འགུགས། །སྔགས་པས་གློ་བ་ཟོས་
D369.077.0365a02.01ན་ནི། །དེ་མ་ཐག་ཏུ་ནད་མེད་འགྱུར། །རྐང་པ་བླངས་ནས་སར་བསྣུན་ན། །ཆར་གྱི་རྒྱུན་ནི་འབེབས་པར་བྱེད། །བློ་ལྡན་གསང་བ་བླངས་ནས་བསྐམ། །ཙནྡན་དམར་པོ་དང་བསྲེས་ནས། །དེ་ནི་ཕྱེ་མར་བྱས་ནས་སུ། །བུད་མེད་གང་ལ་བྱིན་ན་ནི། །འདོད་པས་
D369.077.0365a03.01གདུངས་པའི་བུད་མེད་གང་། །དབང་དུ་གྱུར་ཏེ་མངག་གཞུག་བྱེད། །པུས་མོའི་རུས་པ་ཀཱི་ལ་ཡ། །སོར་ནི་བཅུ་གཉིས་ཚད་ཙམ་ཞིག །གང་གི་མིང་བཅས་སྦས་པ་ཡིས། །དེ་ཡི་རིགས་བརྒྱུད་མེད་པར་འགྱུར། །རྣལ་འབྱོར་ཛི་ཧྭ་ཟོས་ན་ནི། །ངག་གི་དངོས་གྲུབ་དག་ཏུ་འགྱུར། །
D369.077.0365a04.01རྣལ་འབྱོར་ཧྲྀ་ད་ཟོས་ན་ནི། །སེམས་ནི་ཐུབ་པ་ཉིད་དུ་འགྱུར། །སོ་ཡི་རྒྱལ་པོ་བཞི་པོ་དག །སྟེང་འོག་དག་ནི་བླངས་ནས་ཀྱང་། །བུང་བ་ཡི་ནི་གཤོག་པ་དང་། །ཚུབ་མའི་འདབ་མ་རྡུལ་དང་ནི། །རྡུལ་འདིས་བསྒྲུབ་པ་བྱས་ན་ནི། །རྒྱུ་བ་དང་ནི་མི་རྒྱུ་རྨོངས། །རྩ་རྣམས་ཕྱེ་མར་བྱས་པ་
D369.077.0365a05.01ཡི། །བུད་མེད་ཐམས་ཅད་སྐམས་པར་འགྱུར། །རང་བྱུང་མེ་ཏོག་རོ་ཙ་ན། །ཨ་ལག་ཏ་དང་གུར་གུམ་གྱིས། །ཐིག་ལེ་སྔགས་པས་སྦྱར་ན་ནི། །འཁོར་ལོས་སྒྱུར་བའང་དབང་དུ་འགྱུར། །རྣལ་འབྱོར་མིག་འབྲས་ཕྱེ་མ་ཡིས། །ཕ་རོལ་སྡེ་ནི་འབྱེད་པར་
D369.077.0365a06.01འགྱུར། །ནུ་མ་ཟོས་པ་ཙམ་གྱིས་ནི། །དེ་མ་ཐག་ཏུ་འོ་མ་འགུགས། །རྣལ་འབྱོར་མཚན་ནི་ཟོས་ཙམ་གྱིས། །བུད་མེད་ས་བོན་མོད་ལ་འགུགས། །རྣལ་འབྱོར་སོ་དང་སེན་མོ་ཕྱེས། །གང་དང་གང་གིས་མགོ་ལ་གཏོར། །གྲུབ་པ་བརྒྱད་པོ་འགྲུབ་པ་ཡིན། །
D369.077.0365a07.01