完整藏文原文 · 德格版页 当前仅加载第 77 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
མོ་སྟེ་དུད་པའི་མདོག་ཅན་ནོ། །བདེན་བྲལ་དུ་སིནྡྷུ་ན་པདྨ་གར་གྱི་དབང་ཕྱུག་དང་སྟོབས་ཆེན་མ་སྟེ་ལྗང་གུའོ། །རླུང་གི་ཕྱོགས་སུ་མ་རུ་ཏ་ན་རྣམ་པར་སྣང་མཛད་དང་འཁོར་ལོས་སྒྱུར་མ་སྟེ་སྔོན་པོའོ། །དབང་ལྡན་དུ་ཀུ་ལུ་ཏཱ་ན་རྡོ་རྗེ་སེམས་དཔའ་དང་། བརྩོན་
D369.077.0284a01.01འགྲུས་ཆེན་མོ་སྟེ་དཀར་པོའོ། །འཁོར་ལོ་དང་དྲིལ་བུ་འཛིན་པས་འཁྱུད་པའོ། །གཞན་ཡང་ཐོད་པ་དང་ཁ་ཊྭཱཾ་ག་དང་ཅང་ཏེའུ་དང་གྲི་གུག་དང་མགོ་བོ་འཛིན་པ། ཕྱག་དྲུག་པ། ཞལ་གསུམ་པ་སྟེ། ཞལ་ནི་མན་ངག་གི་རྗེས་སུ་འབྲང་བས་བསྟན། སྤྱན་གསུམ་གཡས་
D369.077.0284a02.01བརྐྱང་བས་བཞུགས་པ། །ཕྱག་རྒྱ་ལྔ་ཡིས་རྣམ་པར་བརྒྱན། །སྟག་གི་པགས་པ་གོས་སུ་མནབས། །མགོ་བོའི་ཕྲེང་བས་བརྒྱན་པ་སྟེ། །ཐོད་པའི་ཕྲེང་བའི་ཅོད་པན་ཅན། །རྡོ་རྗེ་ཕྲེང་དང་པད་འཁོར་ལོ། །ཇི་ལྟའི་རིམ་པས་དཔྲལ་བར་བརྒྱན། །ལྷ་མོ་སྐྲ་གྲོལ་གཅེར་བུ་སྟེ། །བྱིན་
D369.077.0284a03.01པ་གཉིས་ཀྱིས་ལེགས་པར་འཁྲིལ། །ཇི་ལྟར་ཐབས་བཞིན་ཤེས་རབ་སྟེ། །མཚན་མའི་ཕྱག་རྒྱ་ལེགས་ཁྱབ་པ། །ཟུར་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །དྲ་བ་དྲ་ཕྱེད་ཀྱིས་བརྒྱན་པ། །དར་དང་ཕྲེང་བས་རྣམ་པར་བརྒྱན། །འཁོར་ལོའི་གཟུགས་ཅན་
D369.077.0284a04.01ལ་བཀོད་ནས། །ཅི་ལྟར་མཛེས་པར་རབ་ཏུ་བརྟག །འདི་ལྟར་ཕྱི་ཡི་འཁོར་ལོ་ཡི། །དེ་ལ་སྒོ་སྲུང་རྣམས་ཀྱང་དགོད། །མཚམས་དང་ཟུར་དུ་ལྷ་མོ་རྣམས། །མཁས་པས་བྲི་བར་བྱ་བ་སྟེ། །ཆོ་ག་དུ་མ་ཐོས་ནས་ནི། །འབད་པས་གཅིག་ཏུ་བསྡུས་པ་ཡིན། །ཤར་གྱི་སྒོར་ནི་ཁྭ་
D369.077.0284a05.01གདོང་མ། །ཞལ་གསུམ་པ་ལ་ཕྱག་དྲུག་པ། །གཡས་དང་གཡོན་གྱི་ཞལ་གདོང་ནི། །བྱ་རོག་ཆུ་སྐྱར་ཞལ་ཡིན་ཏེ། །མིའུ་ཐུང་ལ་མི་སྡུག་ཞལ། །བྱང་གི་སྒོར་ནི་འུག་གུ་དང་། །འུག་པ་བྱི་ལ་རྣམ་མཛེས་ཏེ། །གཡས་དང་གཡོན་གྱི་ཞལ་གདོང་གི། །ལྕེ་བསྐྱོད་འཇིགས་
D369.077.0284a06.01པའི་གཟུགས་ཅན་མ། །ནུབ་ཏུ་བྷ་བ་གི་ཞེས་པ། །ཁྱི་དང་སེང་གེའི་གདོང་པ་ཅན། །གཡོན་པ་དང་ནི་གཡས་པ་ཡི། །ལྕེ་བསྐྱོད་ཤིན་ཏུ་མཛེས་པའོ། །ལྷོ་ཕྱོགས་ས་འཛིན་ལྷ་མོ་ནི། །ཕག་གདོང་མ་ཧེའི་གཟུགས་ཅན་ཏེ། །གཡས་དང་གཡོན་གྱི་ཞལ་གདོང་ནི། །ཟབ་
D369.077.0284a07.01