完整藏文原文 · 德格版页 当前仅加载第 77 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་ཁཾ་ཨ་ཨཱ་རོ་ལི་ཀ་ཨ་མ་ཧཱ་སུ་ཁ་གྲྀ་ཧྫྱ་ཧོ། གླུ་འདི་དག་ནི་བླངས་ཙམ་གྱིས། །དགའ་ཞིང་བདེ་བ་ཡང་དག་འདུས། །བདེ་བ་ཆེན་པོ་ཡིད་འདོད་པ། །དངོས་གྲུབ་ཀྱང་ནི་འཐོབ་པར་འགྱུར། །འཁོར་ཚོགས་ཆེན་པོ་བྱིན་བརླབས་ནས། །དཀྱིལ་འཁོར་ཆེན་པོ་དགྱེས་པ་ཆེ། །
D369.077.0261b01.01པདྨ་དྲ་བའི་སྡོམ་པ་ཡིན། །མངོན་པར་བརྗོད་པའི་རྒྱུད་བླ་མ་ལས་གསུང་གི་སྡོམ་པའི་ལེའུ་སྟེ་ལྔ་པའོ།། །།དེ་ནས་གཞན་ཡང་བཤད་བྱ་བ། །ཐུགས་ཀྱི་དཀྱིལ་འཁོར་དམ་པ་སྟེ། །གཞལ་ཡས་རྩེག་མའི་དབུས་དག་ཏུ། །འཁོར་ལོ་མཆོག་ནི་དགོད་པར་བྱ། །སྔོན་པོའི་
D369.077.0261b02.01མདོག་ཅན་གཟི་བརྗིད་ཆེ། །གསང་བ་ལས་བྱུང་རྩིབས་བརྒྱད་པ། །དེ་ཡི་དབུས་སུ་པདྨ་ནི། །སྣ་ཚོགས་པདྨ་གེ་སར་ཅན། །འདབ་མ་བརྒྱད་དུ་བཤད་པ་སྟེ། །རྣམ་དག་གདན་དུ་བྱས་པ་ཡིན། །དེ་ཡི་དབུས་སུ་ཟླ་བ་བསྒོམ། །དེར་ནི་ཟླ་བ་ཁྱབ་པར་ནི། །རྡོ་རྗེ་སེམས་དཔའ་
D369.077.0261b03.01བདེ་བ་ཆེ། །ལྷ་མཆོག་གྲོལ་ཞིང་བཞེངས་པར་གྱུར། ཨོྃ་ཧཱུྃ་ཨ་མ་ཧཱ་སུ་ཁ་ཨ་ལ་ལ་ཧོ། མ་ཧཱ་སུ་ར་ཏ་སྟྭཾ། སུ་ར་ཏ་སུ་ཁ་བི་ཡོ་ག་སུར་ཏཾ་ཨུད་ཏ་མ་བོ་དྷི་སུ་ཁཾ། སུ་ཁ་མ་ནུ་སིང་དྷ་ཧོ། སུ་ར་ཏ་བ་ཡ་སཽ་ཁྱ་མ་ཡ་ཨོྃ་ཨཱཿཧཱུྃ་ཧོ། བྷ་ག་བཱཾ་མ་ཧཱ་སུ་ཁཾ་ཨུད་ཏ་ར་ཨུད་ཏར། སརྦ་ཨུད་ཏ་མ་
D369.077.0261b04.01སཽ་ཁྱམ་ཡ་ཧཱུྃ། ཨ་ལ་ལ་ཧོ། མ་ཧཱ་སུ་ཁ་སྟྭཾ། པར་མ་སུ་ཁཱ་མ་ལཻ་དུ་བི་བི་ཨུད་ཏ་མ་ཛཱ་ལ་སུ་ཁཾ་ཨ་ལ་ལ་ཧོ། སུ་ར་ཏོ་སཽ་ཁྱ་མ་ཡ། བཅོམ་ལྡན་བདེ་བ་ཆེན་པོ་ནི། །འཁོར་དང་བཅས་པ་མཉམ་པར་བཞེངས། །ཐུགས་ཀྱི་འཁོར་ལོ་ཞལ་བཞི་པ། །ཕྱག་བཅུ་གཉིས་པ་གཡས་བརྐྱང་
D369.077.0261b05.01གཡོན་བསྐུམ་པའི་ཞབས་ཀྱིས་བཞུགས་པ། སྤྱན་གསུམ་པ། མཆེ་བ་རྣམ་པར་གཙིགས་པ། སྔོ་བ་དང་། དཀར་བ་དང་། སེར་བ་དང་། དམར་བའི་ཞལ། རྡོ་རྗེ་དང་དྲིལ་བུས་འཁྱུད་པ། ཁྱབ་འཇུག་གི་མགོ་བོ་ཕྱག་ན་བསྣམས་པ། ཁྱབ་འཇུག་གི་པགས་པ་རློན་པ་བརྐྱང་ནས་ཕྱག་
D369.077.0261b06.01གཞན་གཉིས་ན་བསྣམས་པའོ། །ལྷག་མ་སྐུའི་མཁའ་འགྲོ་དང་མཚུངས་སོ། །ཐོད་པའི་ཕྲེང་བ་ཅན། མགོའི་ཕྲེང་བ་འཆང་བ། མགོའི་ཕྲེང་བས་སྐུ་རགས་བཅིངས་པ། རྡོ་རྗེ་སེམས་དཔའི་དབུ་རྒྱན་ཅན། །ཟླ་བ་ཕྱེད་པའི་རྒྱན་ཡང་འཆང་། །སྣ་ཚོགས་རྡོ་རྗེ་ཅོད་པན་གནོན། །
D369.077.0261b07.01