完整藏文原文 · 德格版页 当前仅加载第 77 函德格 292a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་སུ་བསྟན། །ཤྲཱི་ནི་གཉིས་མེད་ཡེ་ཤེས་ཏེ། །ཧེ་ནི་རྒྱུ་ཚོགས་རྣམ་པར་སྤངས། །རུ་ནི་བཀོད་པ་དང་བྲལ་བ། །ཀ་ནི་གང་ནའང་མི་གནས་པའོ། །རྣལ་འབྱོར་སེམས་ནི་ངལ་བསོས་ལ། །མྱ་ངན་འདས་ཞེས་བསྟན་པ་ཡིན། །རྣལ་འབྱོར་འཕོ་བའི་དུས་ཀྱི་
D369.077.0292a01.01ཚེ། །ཧེ་རུ་ཀ་སོགས་དཔལ་རྣལ་འབྱོར། །ལག་ན་མེ་ཏོག་སྣ་ཚོགས་བསྣམས། །སྣ་ཚོགས་རྒྱལ་མཚན་བ་དན་ཅན། །སྣ་ཚོགས་རོལ་མོ་སྒྲ་སྒྲོགས་ཤིང་། །སྣ་ཚོགས་གླུ་ཡིས་མཆོད་པར་བྱེད། །འཆི་བ་ཞེས་བྱའི་རྣམ་རྟོག་འདི། །མཁའ་ལ་སྤྱོད་པའི་གནས་སུ་འཁྱེར། །མངོན་
D369.077.0292a02.01པར་བརྗོད་པའི་རྒྱུད་བླ་མའི་བླ་མ་ལས་གཉིས་སུ་མེད་པར་སྦྱོར་བའི་གནས་ཀྱི་ལེའུ་སྟེ་བཅུ་བཞི་པའོ།། །།དེ་ནས་གཞན་ཡང་བཤད་བྱ་བ། །མ་མོའི་བསྒོམ་པར་དབྱེ་བར་བྱ། །གསང་སྔགས་ཀུན་གྱི་གནས་སྦྱོར་བ། །དེ་བཞིན་གཤེགས་པ་ཀུན་གྱི་གནས། །ཐམས་ཅད་
D369.077.0292a03.01མཁྱེན་ཅིང་ཐམས་ཅད་མཛད། །བདེ་བ་ཆེན་པོས་ཀུན་ལ་ཁྱབ། །མགོན་པོ་སངས་རྒྱས་ཀུན་བདག་སྟེ། །སེམས་ཅན་ཀུན་གྱི་སྙིང་ལ་གནས། །ཨྃ་ཨཱྃ། ཨིཾ་ཨཱིཾ། ཨུྃ་ཨཱུྃ། ཨེྃ་ཨཻྃ། ཨོྃ་ཨཽཾ། ཨྃ་ཨཱཿཧཱུྃ། འདི་ནི་བཅོམ་ལྡན་དེ་ཉིད་ཀྱི། །ཧེ་རུ་ཀ་ནི་དབང་ཕྱུག་མཆོག །མཁའ་ལ་དྲི་
D369.077.0292a04.01མེད་ཟླ་བ་ཡི། །ལྟེ་བའི་དབུས་སུ་བསྒོམ་པར་བྱ། །རྀྃ་རཱྀྃ། ལྀྃ་ལཱྀྃ། མཁའ་འགྲོ་མ་ནི་པད་འདབ་བཞུགས། །ཀྃ་ཁྃ་གྃ་གྷྃ་ངྃ་། ཙྃ་ཚྃ་ཛྃ་ཛྷྃ་ཉྃ། ཊྃ་ཋྃ་ཌྃ་ཌྷྃ་ཎྃ། ཏྃ་ཐྃ་དྃ་དྷྃ་ནྃ། པྃ་ཕྃ་བྃ་བྷྃ་མྃ། དེ་ཡི་ཐོད་པའི་དུམ་སོགས་དང་། །གཏུམ་མིག་མ་ལ་སོགས་ཀུན་གྱིས། །སྐུ་གསུང་ཐུགས་ཀྱི་འཁོར་ལོ་སྟེ། །
D369.077.0292a05.01དངོས་གྲུབ་ཐམས་ཅད་རབ་ཏུ་སྩོལ། །ཡྃ་རྃ་ལྃ་ཝྃ། ཤྃ་ཥྃ་སྃ་ཧྃ། དེ་ཡི་ཁྭ་གདོང་ལ་སོགས་དང་། །གཤིན་རྗེ་སྲེག་སོགས་ཀུན་གྱིའོ། །ཡི་གེ་ཀྵཿཡི་བདག་ཉིད་ནི། །བདེ་བ་ཆེན་པོའི་ཤུ་ཀྲའི་གཟུགས། །ཐམས་ཅད་མཁྱེན་ཅིང་ཐམས་ཅད་གཟིགས། །སངས་རྒྱས་ཀུན་གྱི་གནས་
D369.077.0292a06.01ཡིན་ཞིང་། །ཀུན་ལ་ཁྱབ་ཅིང་རྟག་ཏུ་སྟོང་། །བརྗོད་དུ་མེད་ཅིང་ཕྲ་བའི་དབུས། །འདི་ནི་ཆད་མེད་རྟག་པའི་ཐུགས། །རང་གི་གཟུགས་ནི་མཁའ་ལྟ་བུ། །འདི་ནི་བདག་ཉིད་བཅིངས་པ་སྟེ། །འདི་ནི་དགྲོལ་ལ་མཁས་པ་ཡིན། །འདི་ནི་ལྟེ་བའི་དབུས་བཞུགས་ཤིང་། །ཤུ་ཀྲའི་གཟུགས་
D369.077.0292a07.01