完整藏文原文 · 德格版页 当前仅加载第 77 函德格 356b 版页；藏文 NFD、目录标记与异常页序保留在来源切片中，重复版页行以稳定序号区分。
བླང་། །རེའུ་མིག་ལས་ནི་བཅུ་དགུ་པ། །རེའུ་མིག་ཉི་ཤུ་གསུམ་པ་ལ། །གཉིས་པ་དག་ནི་ཡང་དག་ལྡན། །སྟེང་དུ་ཐིག་ལེས་བརྒྱན་པར་བྱ། །དེ་ནས་ཆུ་ཡི་ས་བོན་གཟུང་། །བརྒྱད་པ་ཡང་ནི་དེ་བཞིན་ཏེ། །མེ་ཡི་བུ་ཡིས་ཁྱད་པར་དབྱེ། །ཡི་གེ་ཧཱུྃ་ཕཊ་མཐའ་རུ་སྦྱར། །
D369.077.0356b01.01འདི་ནི་ཁམས་གསུམ་རྒྱལ་ཞེས་བྱ། །སྔགས་ཚིག་བཞི་ཡིས་རྣམ་བརྒྱན་པའོ། །ཨོྃ་ནི་སྐུ་ལ་གསལ་བྱེད་ཡིན། །ཧཱུྃ་དང་ཕཊ་ནི་མཐའ་རུ་སྦྱར། །རིག་རྒྱལ་འཁོར་ལོ་སྒྱུར་བའི་སྔགས། །འདི་ནི་མ་བྱུང་འབྱུང་མི་འགྱུར། །དེ་ཉིད་བསྡུས་དང་དཔལ་མཆོག་དང་། །བདེ་
D369.077.0356b02.01མཆོག་རྡོ་རྗེ་འཇིགས་བྱེད་དུ། །ཁྲོ་བོ་བཞི་དང་ཡང་དག་ལྡན། །སྐུ་བརྒྱད་དང་ནི་བཅས་པ་རུ། །དཀྱིལ་འཁོར་བསྲུང་བའི་དོན་དུ་ནི། །གདུག་པ་ཀུན་ལ་ཁྱད་པར་དུ། །འདི་ནི་རྙེད་པ་ཙམ་གྱིས་ཀྱང་། །བརྟག་མི་དགོས་པར་འཆི་བར་འགྱུར། །ཤ་ཆེན་དག་གིས་
D369.077.0356b03.01ཐམས་ཅད་ཀུན། །རྡོ་རྗེ་ཡང་ནི་མེད་པར་བཤད། །རྣལ་འབྱོར་ཐུན་མོང་བརྗོད་པ་ནི། །དངོས་གྲུབ་ཀུན་གྱི་འབྲས་བསྐྱེད་པའོ། །ཨོྃ་སུམྦྷ་ནི་སུམྦྷ་ཧུྃ་ཧཱུྃ་ཕཊ། ཨོྃ་གྲིཧྞ་གྲིཧྞ་ཧུྃ་ཧཱུྃ་ཕཊ། ཨོྃ་གྲིཧྞཱ་པ་ཡ་གྲིཧྞཱ་པ་ཡ་ཧུྃ་ཧཱུྃ་ཕཊ། ཨོྃ་ཨཱ་ན་ཡ་ཧོ་བྷ་ག་བཱཾ་བཛྲ་ཧུྃ་ཧཱུྃ་ཕཊ། འདི་ནི་
D369.077.0356b04.01གདུག་པ་ཐམས་ཅད་དུ། །འཇིགས་བྱེད་མི་བཟད་པར་བཤད་དོ། །ནམ་མཁའི་ཁམས་ཀྱི་ས་ཡི་མཆོག །པདྨའི་ལྟེ་བའི་དབུས་སུ་ནི། །རྡོ་རྗེ་ཧཱུྃ་མཛད་རྣམ་པར་བསྒོམ། །གདུག་པ་ཐམས་ཅད་ངེས་པར་གནོན། །ཕྱག་ནི་བཅུ་དྲུག་ཡང་དག་ལྡན། །ཞལ་བརྒྱད་པ་ལ་
D369.077.0356b05.01བཞིན་རྣམ་སྒྱུར། །ཞལ་གྱི་མཆེ་བ་རྣམ་པར་གཙིགས། །ཐོད་པའི་ཕྲེང་བས་རྣམ་པར་བརྒྱན། །སངས་རྒྱས་ལྔ་ཡི་ཅོད་པན་ཅན། །ཐམས་ཅད་ཀུན་གྱིས་རྣམ་པར་སྤུད། །རྡོ་རྗེས་མཚན་པའི་ཕྱག་རྒྱ་དྲུག །སྐུ་ལུས་དྲག་པོ་ཐུགས་རྗེའི་ཉམས། །གཡས་བརྐྱང་པ་ཡི་
D369.077.0356b06.01གནས་པ་ཡིས། །དབང་ལྡན་གྱི་ནི་ཐོད་པ་གནོན། །ཨུ་མཱ་མཆོག་གི་ཀུ་ཙ་གནོན། །ཁྲོས་པའི་སྤྱན་གྱིས་རྣམ་པར་གཟིགས། །སྐུ་ལ་མགོ་ཡི་དོ་ཤལ་ཅན། །མགོ་བོའི་ཕྲེང་བ་དབུ་ལ་བཅིངས། །རྡོ་རྗེ་དྲིལ་བུའི་ཕྱག་རྒྱ་ཅན། །འཇིག་རྟེན་གསུམ་རྒྱལ་དེ་བཞིན་ཏེ། །
D369.077.0356b07.01