完整藏文原文 · 德格版页 当前仅加载第 77 函德格 256a 版页；藏文 NFD、目录标记与异常页序保留在来源切片中，重复版页行以稳定序号区分。
གཅེར་བུའམ་ཡང་ན་མི་གཅེར་བའམ། །སྐྲ་གྲོལ་ཐལ་བས་ཡན་ལག་བྱུགས། །འདི་ལྟར་ཇི་སྲིད་མ་ངལ་བར། །འཁོར་ལོ་དག་གི་བཟླས་པ་བྱ། །སྟོང་པའི་ཡེ་ཤེས་རྡོ་རྗེ་ནི། དད་པས་དྲན་ཞིང་མཉམ་པར་བཞག །ཨོྃ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། ཨོྃ་ཨ་ནི་
D369.077.0256a01.01མིཏྟ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅་ཧཾ། ཨོྃ་ཨ་པྲ་ཎི་ཧི་ཏ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ྅ཧཾ། སྨིག་རྒྱུ་ཙམ་གྱི་ཡེ་ཤེས་ནི། །སེམས་ཙམ་དུ་ནི་རྣམ་པར་བརྟག །འདི་ནི་མཁའ་དང་མཉམ་པ་ཡིན། །ཆོས་མེད་ཆོས་མིན་པ་ཡང་མེད། །ནམ་མཁའ་གོས་པ་མེད་པ་ལྟར། །དངོས་པོ་མེད་ཅིང་
D369.077.0256a02.01དམིགས་སུ་མེད། །གང་གི་སྙིང་གི་ཁ་སྦྱར་དབུས་གནས་གསལ། །ཕྲ་བར་ལྟ་བ་རང་བྱུང་མྱོང་བའི་སེམས་འཇུག་པ། །ཁམས་གསུམ་མ་ལུས་གཉིས་མེད་པར་ནི་ཉེར་འགྲོ་བ། །གསལ་བ་ཆོས་ཀྱི་དབྱིངས་མཆོག་དེ་ལ་བདག་ཕྱག་འཚལ། །དངོས་པོའི་གཡོ་བ་རྟ་ཀུན་ནང་དུ་
D369.077.0256a03.01ངེས་སྦྱོར་བའི། །ཡེ་ཤེས་རྒྱལ་བ་མ་ལུས་འདུས་པའི་སྣོད་གྱུར་པ། །ཁམས་གསུམ་མ་ལུས་གཉིས་མེད་པར་ནི་ཉེར་འགྲོ་བའི། །མཐོང་བ་མཁའ་དང་འདྲ་བར་དྲི་མེད་དཔལ་དུ་གྱུར། །སངས་རྒྱས་རྗེས་དྲན་རྣལ་འབྱོར་གྱིས། །ཆོས་ནི་རྗེས་སུ་དྲན་པ་བསྒོམ། །ཆོས་རྗེས་དྲན་
D369.077.0256a04.01པའི་རྣལ་འབྱོར་གྱིས། །ཆོས་ཀྱི་སྐུ་ནི་རང་འབྱུང་འགྱུར། །དབུས་ན་གསལ་བྱེད་རྣམ་པར་ཤེས། །ཡེ་ཤེས་མཆོག་ནི་ཤེས་རྣམས་ཀྱིས། །ཤིན་ཏུ་བསྒོམས་པའི་གོམས་པ་ལས། །འབར་བ་འདི་ནི་ཐེ་ཚོམ་མེད། །རྟག་ཏུ་སྙིང་ལ་གནས་པ་ཡི། །ཐིག་ལེ་གཅིག་པུ་ཡི་གེ་མེད། །
D369.077.0256a05.01སྐྱེས་བུས་དེ་ནི་བསྒོམས་གྱུར་ན། །ཡེ་ཤེས་སྐྱེ་བར་གྱུར་པ་མཆོག །སེམས་དཔའ་རྗེས་དྲན་རྣལ་འབྱོར་གྱིས། །སེམས་དཔའ་རྗེས་སུ་དྲན་པར་བསྒོམ། །སེམས་དཔའ་རྗེས་དྲན་ཆོས་ཀྱིས་ནི། །ཆོས་ཀྱི་སེམས་དཔའ་ཁྱད་པར་འབྱུང་། །བདག་ནི་སྙིང་རྗེས་ཕན་འདོགས་པ། །
D369.077.0256a06.01སྨོན་ལམ་དབང་གིས་མཐོང་བ་དང་། །མཐོང་ནས་ཇི་སྲིད་འོག་ཏུ་ནི། །ཟླ་བའི་དཀྱིལ་འཁོར་དབུས་སུ་ནི། །རྡོ་རྗེ་སེམས་དཔའ་ཀུན་མཁྱེན་དག །དཀར་དང་སེར་དང་དེ་བཞིན་དམར། །སྔོན་པོ་ཡི་ནི་ཞལ་དང་བཞི། །རླུང་གི་དཀྱིལ་འཁོར་རྣམ་པར་བསམ། །ཡི་གེ་ཡྃ་ལས་ཡང་
D369.077.0256a07.01