完整藏文原文 · 德格版页 当前仅加载第 77 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
དག་འབྱུང་། །སྔོ་བའི་མདོག་ཅན་གཞུ་ལྟ་བུའོ། །རྒྱལ་མཚན་གྱིས་ནི་མཚན་པར་བསྒོམ། །དུད་པའི་ཕྲེང་བ་ཁྱབ་པར་དམིགས། །དེ་ཡི་སྟེང་དུ་ཡི་གེ་རྃ། །མེ་ཡི་དཀྱིལ་འཁོར་མཆོག་དམ་པ། །གྲུ་གསུམ་པ་ལ་དམར་བའི་མདོག །འབར་བའི་ཕྲེང་བ་འབར་བས་ཁྱབ། །ཉི་མ་
D369.077.0256b01.01བྱེ་བ་འོད་མཐའ་ཡས། །རྡོ་རྗེས་མཚན་པ་བསྒོམ་པར་བྱ། །དེ་ཡི་སྟེང་དུ་ཆུ་ཉིད་དེ། །ཡི་གེ་བྃ་མཆོག་ལས་བྱུང་བ། །དུ་ཤ་ར་ཡི་མདོག་འདྲ་བ། །ཟླུམ་ལ་འོད་ཟེར་ཕྲེང་བ་ཅན། །དེ་ཡི་སྟེང་དུ་ས་དཀྱིལ་འཁོར། །ལྃ་ལས་བྱུང་བ་སེར་པོ་སྟེ། །ཟུར་བཞི་པ་ལ་རྡོ་རྗེས་མཚན། །འོད་
D369.077.0256b02.01ཟེར་སེར་པོ་ཁྱབ་པར་འཁྲིགས། །རྣལ་འབྱོར་དེ་སྟེང་བསྒོམ་པ་ནི། །རི་རབ་ལྷུན་པོ་མཆོག་གྱུར་པ། །ཟུར་བཞི་པ་ལ་རིན་ཆེན་བཞི། །རྩེ་མོ་བརྒྱད་ཀྱིས་རྣམ་པར་མཛེས། །ཡི་གེ་སུྃ་ལས་ལེགས་པར་བྱུང་། །འོད་ཟེར་གཟི་བརྗིད་མཆོག་དམ་པའོ། །དེ་ཡི་སྟེང་དུ་བསམ་པ་ནི། །
D369.077.0256b03.01བྲུྃ་ནི་དཀར་པོ་ལས་བྱུང་བ། །དེ་སྟེང་འཁོར་ལོར་བཅས་པ་དག །ཁང་པ་བརྩེགས་པ་རྣམ་པར་བསམ། །ཟུར་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །དྲ་བ་དྲ་ཕྱེད་ཀྱིས་མཛེས་ཤིང་། །བ་དན་ཕྲེང་བས་རྣམ་པར་བརྒྱན། །ཟུར་གྱི་ཆ་ནི་ཐམས་ཅད་དང་། །སྒོ་དང་
D369.077.0256b04.01སྒོ་ཁྱུད་མཚམས་རྣམས་སུ། །རྡོ་རྗེ་རིན་ཆེན་གྱིས་བརྒྱན་ཅིང་། །ཕྱི་ཡི་དཀྱིལ་འཁོར་ཐིག་གདབ་བོ། །དེ་ཡི་ནང་དུ་འཁོར་ལོ་ནི། །བརྒྱད་པོ་དཀར་པོའི་མདོག་ཅན་ལ། །དེ་ཡི་དབུས་སུ་པདྨ་ཆེ། །སྣ་ཚོགས་འདབ་མ་བརྒྱད་པ་ལ། །ལྟེ་བ་གེ་སར་གྱིས་ཁྱབ་པ། །ཟླ་བའི་དཀྱིལ་འཁོར་
D369.077.0256b05.01དབུས་སུ་ནི། །རྡོ་རྗེ་སེམས་དཔའ་རིག་མར་བཅས། །དཀར་པོ་སེར་པོ་དེ་བཞིན་ཏེ། །དམར་དང་ལྗང་ཁུ་ཞལ་བཞི་པ། །ཞི་ཞིང་རྒོད་དང་ཁྲོ་བ་དང་། །རྣམ་པར་འགྱུར་བ་ཤིན་ཏུ་འཇིགས། །རྡོ་རྗེ་དྲིལ་བུས་མཉམ་པར་ལྡན། །མདུང་དང་དགྲ་སྟ་ཅང་ཏེའུ་དང་། །གྲི་གུག་ཐོད་པ་ཁ་ཊྭཱྃ་
D369.077.0256b06.01ག །ཚངས་པའི་པགས་པ་གོས་སུ་མནབས། །ཞགས་པ་ཚངས་པའི་མགོ་བོ་དག །ཕྱག་ནི་བཅུ་གཉིས་དེ་བཞིན་ཏེ། །སེམས་དཔའི་སྐྱིལ་མོ་ཀྲུང་དུ་བཞུགས། །དབུ་རྒྱན་ཐོད་པའི་ཅོད་པན་ཅན། །རྒྱན་རྣམས་ཐམས་ཅད་ཡོངས་སུ་རྫོགས། །དཔེ་བྱད་མཚན་དང་ཡང་དག་ལྡན། །
D369.077.0256b07.01