完整藏文原文 · 德格版页 当前仅加载第 77 函德格 286b 版页；藏文 NFD、目录标记与异常页序保留在来源切片中，重复版页行以稳定序号区分。
མཉམ་པར་འདྲེས་པ་བཅུད་དུ་འགྱུར། །གཉིས་མེད་བློས་ནི་མཉམ་བཞག་སྟེ། །འཁོར་ལོ་གསུམ་མདོག་ལྡན་པར་ནི། །དཀྱིལ་འཁོར་གྲུ་བཞིའི་དབུས་དག་ཏུ། །ཉི་ཤུ་རྩ་བཞིའི་འཁོར་ལོ་མཆོག །དེ་ཡི་དབུས་སུ་པདྨ་ཆེ། །སྣ་ཚོགས་པདྨ་ལེགས་པར་མཛེས། །འདབ་
D369.077.0286b01.01མ་བརྒྱད་པ་ལྟེ་བར་བཅས། །གེ་སར་དག་གིས་ཉེ་བར་མཛེས། །གྲུ་བཞི་པ་ལ་སྒོ་བཞི་པ། །རྟ་བབས་བཞིས་ནི་རྣམ་པར་བརྒྱན། །ཕྲེང་བ་དང་ནི་ཕྲེང་ཕྱེད་བརྒྱན། །མཚན་ཉིད་ཀུན་དང་ཡང་དག་ལྡན། །ཉི་མའི་དཀྱིལ་འཁོར་དབུས་སུ་ནི། །རྡོ་རྗེ་སེམས་དཔའ་བདེ་བ་ཆེ། །ཨཱ་
D369.077.0286b02.01ལི་ཀཱ་ལི་ཞུ་གྱུར་ལས། །ཡེ་ཤེས་ལྔ་ནི་རྣམ་པར་བསྒོམ། །དེ་ཡི་ཡོངས་སུ་འཕེལ་འགྱུར་བས། །རྡོ་རྗེ་ཧེ་རུ་ཀ་རྣམ་བསྒོམ། །དུས་མཐའི་མེ་ཆེན་འཆོལ་བ་ཡིས། །གདུལ་དཀའ་ཐམས་ཅད་རབ་ཏུ་གཤེག །འཇིགས་བྱེད་དང་ནི་དུས་མཚན་དག །ཞབས་ཀྱི་འོག་ཏུ་རྣམ་གནོན་
D369.077.0286b03.01ཅིང་། །ཞལ་གྱི་མཆེ་བ་རྣམ་པར་གཙིགས། །སྤྱན་གསུམ་འཇིགས་པ་རབ་ཏུ་འཇིགས། །སྐུ་ལུས་དག་ནི་སྔོན་པོ་ལས། །སྔོ་ཞིང་འབར་བའི་སྐུ་ཡང་སྤྲུལ། །ཐོད་པའི་ཕྲེང་བའི་དབུ་རྒྱན་ཅན། །སངས་རྒྱས་ལྔས་ནི་བྱིན་གྱིས་བརླབས། །སྣ་ཚོགས་རྡོ་རྗེའི་དབུ་རྒྱན་ཅན། །ཟླ་བ་
D369.077.0286b04.01ཕྱེད་པ་རྣམ་པར་མཛེས། །ཞལ་དྲུག་དཔའ་བོ་མི་སྡུག་པ། །སྒེག་པ་དང་ནི་བཞད་པ་དང་། །དྲག་ཤུལ་འཇིགས་པའི་སྐུ་ལུས་ཅན། །ཕྱག་རྒྱ་དྲུག་གིས་རྒྱས་བཏབ་ཅིང་། །སྐུ་ནི་སྣ་ཚོགས་རྒྱན་གྱིས་སྤུད། །ཕག་མོ་དང་ནི་ཡང་དག་ལྡན། །བྱིན་པ་དག་གིས་གཉིས་མེད་འཁྱུད། །
D369.077.0286b05.01གཡས་བརྐྱང་བ་ཡི་ཞབས་གནས་ཤིང་། །གཡོན་བརྐྱང་བ་ཡི་ཞབས་ཀྱིས་བཞུགས། །ཧ་ཧ་མཛད་ཅིང་ཧཱུྃ་ཧཱུྃ་མཛད། །ཧི་ཧི་མཛད་ཅིང་འཇིགས་པ་ཅན། །ཧཱུྃ་ཧཱུྃ་མཛད་ཅིང་ཕཊ་ཕཊ་ཅན། །ཨཊྚཱཊྚཱ་ཡི་སྒྲ་ཆེན་སྨྲ། །སྔོ་ཞིང་སེར་ལ་དེ་བཞིན་དམར། །ལྗང་གུ་དཀར་པོ་དེ་བཞིན་
D369.077.0286b06.01ཏེ། །སྟེང་གི་ཞལ་གདོང་གདུག་པ་ཆེ། །ཟས་སུ་གདུག་པ་ལོངས་སྤྱོད་ཅིང་། །རྡོ་རྗེ་དྲིལ་བུ་མཉམ་ལྡན་པས། །ལྷ་མོ་དག་གི་ནུ་མ་འཚིར། །དྲག་པོའི་པགས་པའི་གོས་མནབས་ཤིང་། །ཁྲག་རློན་འཛག་པ་རབ་གསོལ་ཏེ། །ཐོད་པ་དང་ནི་ཁ་ཊྭཱཾ་འཛིན། །མདུང་དང་གྲི་
D369.077.0286b07.01