完整藏文原文 · 德格版页 当前仅加载第 77 函德格 319b 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་སྟེ། །ཕྱི་རོལ་གནས་དང་ཉེ་བའི་གནས། །དུར་ཁྲོད་དང་ནི་ཉེ་དུར་ཁྲོད། །འདི་ལྟར་སྦྱོར་བས་རྣམ་དག་པར། །སྡོམ་པ་མཆོག་ནི་བསྒོམ་པར་བྱ། །དེ་ནི་ཐུགས་ཀྱི་ཡེ་ཤེས་ཏེ། །ཡེ་ཤེས་མཁའ་འགྲོ་མཁའ་འགྲོ་མའོ། །ཕུང་པོ་ཁམས་དང་སྐྱེ་མཆེད་ལ། །ཆོ་ག་
D369.077.0319b01.01གཉིས་པོ་སྦྱར་བར་བྱ། །ཡེ་ཤེས་མཆོག་གི་སྡོམ་པ་སྟེ། །གསང་བ་གསུམ་གྱི་འཁོར་ལོ་དགོད། །ཕྱེད་དང་ཕྱེད་དུ་རྣམ་པར་དགོད། །མཁའ་འགྲོ་གསུམ་ནི་འཁོར་ལོའི་དབུས། །དམ་ཚིག་རྣལ་འབྱོར་འབྱུང་བ་ཆེ། །ཡེ་ཤེས་འཁོར་ལོ་བཀུག་ནས་ནི། །ཞབས་བསིལ་བྱས་ནས་
D369.077.0319b02.01གཞུག་པར་བྱ། །ཡེ་ཤེས་ཆུ་ཡིས་དབང་བསྐུར་ནས། །གཙོ་བོ་དག་ནི་རྣམ་པར་བསྒོམ། །བདག་མེད་ཆོས་ཀྱི་རོ་ཀུན་གྱི། །དམ་ཚིག་མཆོག་ནི་དྲི་མ་མེད། །བ་སྤུ་ཁུང་བུ་ཐམས་ཅད་ལས། །དམ་ཚིག་གསང་བ་གསུམ་སྤྲོས་ནས། །སེམས་ཅན་མ་ལུས་དམ་ཚིག་གི། །མཁའ་
D369.077.0319b03.01འགྲོ་རུ་ནི་རབ་གནས་བྱ། །འབད་པ་ཡིས་ནི་བསྡུས་ནས་ཀྱང་། །གསང་བ་གསུམ་དུ་གཞུག་པར་བྱ། །སྔོན་གྲུབ་པ་ཡི་མཁའ་འགྲོ་ནི། །བྱིན་བརླབས་གནས་སུ་དགོད་པར་བྱ། །འདི་ནི་རྡོ་རྗེ་ཐེག་ཆེན་ཏེ། །མཁའ་འགྲོ་སྤྱོད་པའི་གནས་ལ་བཞུགས། །སྡོམ་པ་མཆོག་ནི་བཟླས་པ་
D369.077.0319b04.01ཡིས། །བླ་ན་མེད་པའི་གོ་འཕང་སྟེར། །དུས་བཞི་དག་ཏུ་ཅི་འདོད་པར། །སྐྱོ་བ་མེད་པར་རྟག་ཏུ་བསྒོམ། །ལུགས་སུ་འབྱུང་དང་བཟློག་པ་ཡིས། །འཁོར་ལོ་མཆོག་ནི་རྣམ་པར་སྤྲོ། །བ་སྤུའི་ཁུང་བུ་ལས་མདུན་དུ། །བདེ་མཆོག་སྤྲོས་ནས་མཆོད་པར་བྱ། །རྡོ་རྗེ་གསུམ་ནི་དབང་
D369.077.0319b05.01བསྐུར་ནས། །འགོག་པའི་ཁྲོ་བོ་རྣམ་པར་བསྒོམ། །ཡེ་ཤེས་ཁྲོ་བོ་ལྷན་ཅིག་ཏུ། །སྤྲིན་གྱི་འབྲུག་སྒྲ་ལྟ་བུར་བཟླ། །འགྲོ་ཞིང་འོང་བའི་སྦྱོར་བ་ཡིས། །མི་སྨྲ་རྡོ་རྗེ་བརྟུལ་ཞུགས་ཆེ། །ཞག་བདུན་གྱིས་ནི་ངེས་པར་ཡང་། །མཐུ་དང་སྟོབས་ནི་འགྲུབ་འགྱུར་ཏེ། །གཡོ་ཞིང་ལྡེག་པར་བྱེད་པ་
D369.077.0319b06.01དང་། །འཁྲུག་ཅིང་གཡེངས་དང་གཞུག་པ་དང་། །ནད་མེད་པ་ནི་ནད་ཡོད་བྱེད། །ནད་ཡོད་པ་ནི་ནད་མེད་བྱེད། །དེ་ལྟར་སྒོམ་པ་བྱས་ནས་ནི། །ལས་འདིར་ཐེ་ཚོམ་མེད་པ་ཡིན། །ནང་གི་བདག་ཉིད་སྦྱོར་ལྡན་པས། །བསྒོམ་དང་བཟླས་ལ་དགའ་བ་དང་། །དམ་ཚིག་ཟས་ལ་དགའ་བ་ནི། །
D369.077.0319b07.01