完整藏文原文 · 德格版页 当前仅加载第 77 函德格 324a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྒྱུད་བླ་མའི་བླ་མ་ལས་སྣ་ཚོགས་སྒྲུབ་པའི་ལེའུ་སྟེ་སུམ་ཅུ་རྩ་ལྔ་པའོ།། །།དེ་ནས་གཞན་ཡང་བཤད་བྱ་བ། །ཕག་མོའི་མཆོག་ནི་བསྒྲུབ་པ་སྟེ། །སྐྱེད་པའི་རིམ་པའི་སྦྱོར་བ་ཡིས། །བདག་ཉིད་སྒོམ་ཞིང་རྣམ་པར་བསྒོམ། །སྐུ་ནི་ཉི་མ་བཅུ་གཉིས་
D369.077.0324a01.01གཟི། །སྐུ་ལུས་སིན་དུར་འདྲ་མི་གཡོ། །མེ་ཏོག་བནྡུ་ཀ་ལྟ་བུ། །ཞལ་གསུམ་པ་ལ་ཕྱག་དྲུག་པ། །རྒྱན་རྣམས་ཐམས་ཅད་ཡོངས་སུ་རྫོགས། །སེམས་དཔའི་སྐྱིལ་མོ་ཀྲུང་གིས་བཞུགས། །ཐོད་པའི་ཕྲེང་བའི་དབུ་རྒྱན་ཅན། །རྡོ་རྗེ་དྲིལ་བུ་མཉམ་པར་ལྡན། །དབུ་སྐྲ་
D369.077.0324a02.01མཛེས་པས་འཁྲིལ་བ་སྟེ། །ཐབས་ཀྱི་ཞལ་མཆུ་རྣམ་འཚིར་ཞིང་། །མདའ་དང་གཞུ་ནི་འཛིན་པ་སྟེ། །རྣ་བའི་མཐར་ཐུག་འགེངས་པར་བྱེད། །ཐོད་པ་དང་ནི་ཁ་ཊྭཱཾ་འཛིན། །ལྕགས་ཀྱུ་མཆོག་གིས་འགུགས་པ་སྟེ། །པདྨ་དམར་པོའི་དབུས་བཞུགས་ཤིང་། །འདོད་པ་ཐམས་
D369.077.0324a03.01ཅད་རབ་ཏུ་སྩོལ། །ཡང་ན་ཕྱག་ནི་བཅུ་གཉིས་པ། །ཞལ་དྲུག་ལྷ་མོའི་སྐུ་ལུས་འབྱུང་། །སྟེང་གི་ཞལ་ནི་ཕག་རྒོད་གདོང་། །དྲག་པོ་གཟི་བརྗིད་འཇིགས་པའི་གཟི། །ཤར་གྱི་འདབ་ལ་རྡོ་རྗེ་གསང་བའི་མཆོག །གཡོན་པའི་ཕྱོགས་སུ་རྡོ་རྗེ་དམ་ཚིག་མཆོག །ནུབ་ཀྱི་ཕྱོགས་
D369.077.0324a04.01སུ་རྡོ་རྗེ་གཟི་བརྗིད་མཆོག །ལྷོ་ཡི་ཕྱོགས་སུ་རྡོ་རྗེ་རིན་ཆེན་མཆོག །མེ་ཡི་ཕྱོགས་སུ་རྡོ་རྗེ་ཡེ་ཤེས་མཆོག །བདེན་བྲལ་ཕྱོགས་སུ་རྡོ་རྗེ་རིག་མཆོག་མ། །རླུང་གི་ཕྱོགས་སུ་རྡོ་རྗེ་གྲུབ་མཆོག་མ། །དབང་ལྡན་ཕྱོགས་སུ་རྡོ་རྗེ་ཐལ་མཆོག་མ། །སྒོ་ལ་རྡོ་རྗེ་འབར་མཆོག་མ། །རྡོ་རྗེ་གཟི་
D369.077.0324a05.01བརྗིད་མཆོག་མ་སྟེ། །རྡོ་རྗེ་ཁྲོ་བོ་མཆོག་མ་དང་། །རྡོ་རྗེ་མཆེ་བ་མཆོག་མའོ། །ལྷ་མོ་དེ་དག་ཐམས་ཅད་ཀྱང་། །དམར་བའི་མདོག་ཅན་ཞལ་གསུམ་པ། །ཕྱག་དྲུག་པ་ལ་སྤྱན་གསུམ་པ། །སེམས་དཔའི་སྐྱིལ་མོ་ཀྲུང་དུ་བཞུགས། །དབུ་སྐྲ་དག་ནི་གྲོལ་བ་སྟེ། །ཐམས་ཅད་
D369.077.0324a06.01རྒྱན་གྱིས་རྣམ་བརྒྱན་ཅིང་། །རྡོ་རྗེ་དྲིལ་བུ་མཉམ་ལྡན་པས། །རང་གི་ལུས་ཀྱི་ཐབས་ལ་འཁྲིལ། །ཞགས་པ་དང་ནི་ལྕགས་ཀྱུ་དང་། །ཐོད་པ་དང་ནི་ཁ་ཊྭཱཾ་འཛིན། །གྲྭ་བཞི་དག་ཏུ་མདའ་གཞུ་དག །ཡོངས་སུ་འགེངས་པ་གནས་པར་གཞག །སྒོ་རུ་གཡས་བརྐྱང་ཞབས་ཀྱིས་
D369.077.0324a07.01