完整藏文原文 · 德格版页 当前仅加载第 77 函德格 307b 版页；藏文 NFD、目录标记与异常页序保留在来源切片中，重复版页行以稳定序号区分。
སྟག་གི་པགས་པ་གོས་སུ་མནབས། །མགོ་བོའི་ཕྲེང་བས་རྣམ་པར་བརྒྱན། །འཇིགས་བྱེད་དང་ནི་དུས་མཚན་དག །ཞབས་ཀྱིས་པདྨར་གནོན་པར་བཞུགས། །རྡོ་རྗེ་དྲིལ་བུ་མཉམ་པས་འཁྱུད། །ཕག་མོ་ཡི་ནི་བྱིན་པས་འཁྲིལ། །གཉིས་མེད་སྦྱོར་བ་མཉམ་ལྡན་པས། །
D369.077.0307b01.01དབུ་སྐྲ་གྲོལ་བ་ཕྱོགས་གོས་ཅན། །སྐུ་མདོག་མཉམ་ཞིང་མཚུངས་པར་ལྡན། །དུམ་བུའི་རྒྱན་གྱི་སྐ་རགས་ཅན། །དེ་ཡི་ཞལ་དང་ཕྱག་མཚན་ཅན། །རྣལ་འབྱོར་དངོས་གྲུབ་རབ་ཏུ་སྩོལ། །ཐོད་པ་དང་ནི་ཁ་ཊྭཱཾ་འཛིན། །རྒྱལ་བའི་པགས་པ་སྟེང་དུ་སྟེ། །ཐོ་བ་མདུང་སྟེ་གཞན་
D369.077.0307b02.01དུ་ནི། །ཚངས་པའི་མགོ་བོས་བརྒྱན་པ་ལ། །ཟླ་བ་ཕྱེད་པ་ཞི་བ་འཛིན། །སྣ་ཚོགས་རྡོ་རྗེས་དབུ་ལ་བརྒྱན། །ཕྱག་རྒྱ་དྲུག་གིས་སྐུ་ལ་བརྒྱན། །རྡོ་རྗེ་མཚན་མ་དག་གིས་བརྒྱན། །རྡོ་རྗེ་ཕྲེང་བའི་དབུ་རྒྱན་ཅན། །འོག་པག་དག་གིས་སྐུ་རགས་བྱས། །དཔུང་རྒྱན་རྡོ་རྗེས་
D369.077.0307b03.01མཚན་པ་སྟེ། །སྔགས་པའི་གཙོ་བོས་གསང་སྔགས་ནི། །འདི་ལྟར་ཆོ་གའི་སྙིང་པོ་ཤེས། །ཕག་མོ་བདེ་བར་གནས་པ་ནི། །རྒྱལ་བའི་པགས་པ་རྣམ་པར་སྤངས། །ཕག་མོ་རྒྱལ་བའི་མཚན་སོགས་ལས། །ཅང་ཏེའུ་གྲི་གུག་རྣམས་ཀྱིས་བརྒྱན། །བཅོམ་ལྡན་འདས་ནི་
D369.077.0307b04.01ལྟེ་བའི་དབུས། །པདྨ་འདབ་བརྒྱད་ཡིད་འོང་བ། །སྣ་ཚོགས་པདྨ་མདོག་མཛེས་ལ། །ཐམས་ཅད་རྣམ་དག་མཆོག་དམ་པ། །ཤར་གྱི་འདབ་སོགས་ཕྱོགས་ཆ་ལ། །མཁའ་འགྲོ་མ་སོགས་བཞི་པོ་དགོད། །ཤར་དུ་མཁའ་འགྲོ་མ་དགོད་ཅིང་། །བྱང་དུ་ལཱ་མ་དེ་བཞིན་ཏེ། །
D369.077.0307b05.01ནུབ་ཏུ་དུམ་སྐྱེས་མ་ཡིན་ནོ། །ལྷོ་རུ་གཟུགས་ཅན་མ་ཡིན་ཏེ། །སྔོ་དང་སེར་དང་དེ་བཞིན་དམར། །ལྗང་གུ་དག་ནི་བཞི་པའོ། །ཞལ་བཞི་པ་ལ་ཕྱག་བརྒྱད་པ། །སྤྱན་གསུམ་དྲག་པོ་གཟི་བརྗིད་ཅན། །སྐྱིལ་མོ་ཀྲུང་ནི་ཕྱེད་པར་བཞུགས། །སྐྲ་གྲོལ་བ་ནི་ཡིད་འོང་བ། །
D369.077.0307b06.01ཕྱོགས་ཀྱི་གོས་ཅན་མགོ་ཡི་ཕྲེང་། །ཕྱག་རྒྱ་ལྔ་ཡིས་རྣམ་པར་བརྒྱན། །ཐོད་པ་ཁ་ཊྭཱཾ་ག་འཛིན་ཅིང་། །དྲིལ་བུ་ཅང་ཏེའུ་གྲི་གུག་དང་། །དེ་བཞིན་གཞུ་དང་མདའ་འཛིན་ཅིང་། །རྡོ་རྗེ་མདུང་མཆོག་ཕྱག་ན་འཛིན། །སྙེམས་པའི་ཕྱག་གིས་གར་མཛད་ཅིང་། །ཐུགས་རྗེ་ཆགས་
D369.077.0307b07.01