完整藏文原文 · 德格版页 当前仅加载第 77 函德格 347a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་བརྗོད་པའི་རྒྱུད་བླ་མའི་བླ་མ་ལས་གསང་བ་སྦྱོར་བའི་སྒོམ་པའི་ལེའུ་སྟེ་ལྔ་བཅུ་རྩ་ལྔ་པའོ།། །།དེ་ནས་གཞན་ཡང་བཤད་བྱ་བ། །གསང་བའི་ཡེ་ཤེས་མཆོག་གྱུར་པ། །རིགས་ལྔ་གསང་སྔགས་རྒྱ་ཆེ་བའི། །སྒོམ་པ་བདག་གིས་བཤད་པ་
D369.077.0347a01.01ཡིན། །ལོག་པའི་ཤེས་པའི་ཤེས་པ་ཅན། །གང་ལའང་ཁྱོད་ཀྱིས་བཤད་མི་བྱ། །བླ་མའི་རིམ་ལས་ཇི་ལྟར་བསྟན། །གང་གིས་མྱུར་དུ་ཤེས་འགྱུར་བ། །སྐྱེ་བ་བྱེ་བ་སྟོང་ཕྲག་ཏུ། །སྒྱུ་འཕྲུལ་ཡེ་ཤེས་ཀྱིས་བསྐུལ་ཞིང་། །དད་པ་ཡང་དག་བསྐྱེད་པ་དང་། །རྣལ་འབྱོར་སྤྱོད་ཚུལ་གནས་
D369.077.0347a02.01པ་ཡིན། །ལྐུགས་ཤིང་གླེན་ལ་སྡིག་ངན་ཅན། །བྱིས་པའི་ཤེས་པའི་ཤེས་པ་ཅན། །སེམས་ཅན་ཡོངས་སུ་མ་སྨིན་དང་། །ཕྱི་རོལ་བསྟན་བཅོས་ཀྱིས་འཆལ་པ། །དེ་དག་ཀུན་གྱིས་མི་ཤེས་ཏེ། །མི་ཤེས་མུན་པས་ཁེབས་པ་དང་། །ཁེངས་པ་ལ་ནི་རྟག་པར་དགའ། །ང་རྒྱལ་ལ་
D369.077.0347a03.01སོགས་གདུག་སེམས་ཅན། །དེ་ཀུན་གྱིས་ཀྱང་སངས་རྒྱས་ཀྱི། །སྤྱོད་ཡུལ་གསང་བ་མི་ཤེས་སོ། །ཧེ་རུ་ཀ་དཔལ་ཡང་དག་འཇུག །སློབ་དཔོན་བདག་ཉིད་ཆེན་པོ་ཡིས། །མྱུར་དུ་དངོས་གྲུབ་སྐྱེད་བྱེད་དེ། །འཕྲལ་དུ་ཡིད་ཆེས་བྱེད་པ་ཡིན། །སྣ་ཚོགས་སྡོམ་པ་ཤེས་པ་ཡིས། །
D369.077.0347a04.01ཆོ་གའི་བྱ་བ་བསྟན་པར་བྱ། །སྲིད་པ་གསུམ་པོ་མ་ལུས་ནི། །དེ་ནི་ཀུན་མཁྱེན་བསྟན་པ་ཤེས། །མཐོང་བ་དང་ནི་རེག་པ་དང་། །ཐོས་པ་དང་ནི་དྲན་པ་ཡིས། །སྡིག་པ་ཀུན་ལས་གྲོལ་འགྱུར་བ། །དེ་ལྟར་དེ་ནི་ཐེ་ཚོམ་མེད། །ལྷ་རྣམས་བཟློག་སྟེ་བཀོད་པ་དང་། །སྔགས་ཀྱི་དབྱེ་བ་
D369.077.0347a05.01བཟློག་པ་དང་། །དཀྱིལ་འཁོར་ཀུན་ཡང་བཟློག་པ་དང་། །སོ་སོ་བསྒོམ་པའང་མི་བྱ་སྟེ། །བཟློག་པའི་ཡི་གེ་བཏུས་ནས་ནི། །སྒོམ་པ་གསང་བ་བཟློག་པ་དེ། །སྙིང་པོ་ཐམས་ཅད་སྒྲུབ་པ་ཡིན། །རྟོག་པ་ཐམས་ཅད་བསྡུས་པ་དང་། །རྒྱུད་རྣམས་ཀུན་གྱི་སྤྱི་ཡི་ནི། །སེམས་ནི་ཡོངས་
D369.077.0347a06.01སུ་སྨིན་པ་དག །འདིར་ནི་སྦྱོར་སོགས་སྔགས་རྣམས་ཀྱི། །དམ་ཚིག་དེ་ལྟར་བསྟན་པ་ཡིན། །བདེ་གཤེགས་དབུགས་འབྱིན་གསུངས་པ་ཡིན། །དག་པའི་ལུས་ནི་སྐྱོན་མེད་པ། །བསོད་ནམས་ཆུང་བའི་སྔགས་པས་ཀྱང་། །ང་དགའ་བས་ནི་རྙེད་པར་འགྱུར། །དེ་ན་སྲུང་མེད་
D369.077.0347a07.01