完整藏文原文 · 德格版页 当前仅加载第 77 函德格 357b 版页；藏文 NFD、目录标记与异常页序保留在来源切片中，重复版页行以稳定序号区分。
ཡ་གྲིཧྞཱ་པ་ཡ་ཧུྃ་ཧཱུྃ་ཕཊ། ཨོྃ་ཨཱ་ན་ཡ་ཧོ་བྷ་ག་བཱཾ་བཛྲ་ཧུྃ་ཧཱུྃ་ཕཊ། །དཔའ་བོ་རྣལ་འབྱོར་མ་མཐོང་ནས། །ཐམས་ཅད་བསྐྱེད་པར་རྣམ་པར་བསྒོམ། །དཀྱིལ་འཁོར་ཆེན་པོར་སྦྱོར་བ་སྟེ། །ཁ་སྦྱར་ལྔ་ཡི་ངོ་བོ་ཉིད། །རྣལ་འབྱོར་པ་ཡི་དཀྱིལ་འཁོར་ཡིན། །སྙིང་པོ་མཆོག་
D369.077.0357b01.01གི་སྒོམ་པ་ཡིན། །དེ་བཞིན་ཁྱི་དང་ཕག་གི་ཤ། །ཟངས་ཀྱི་གཙུག་པུད་ཅན་དེ་བཞིན། །མངོན་སྤྱོད་ཀྱི་ནི་བྱ་བ་ལ། །བཟའ་དང་སྦྱིན་སྲེག་གཏོར་མ་བྱ། །མ་ལུས་ལུས་པ་མེད་འགྲུབ་ཅིང་། །རྒྱལ་སྲིད་ཐམས་ཅད་རབ་འགྲུབ་འགྱུར། །དུང་དང་ཉ་ཕྱིས་མུ་ཏིག་སྟེ། །
D369.077.0357b02.01གསུམ་ཆར་རྒྱུ་ལས་བྱུང་ཡིན་ན། །ཆོས་ཀྱི་ཡེ་ཤེས་ལུས་ཅན་གྱི། །ཐོད་པ་ལ་ནི་སུ་ཞིག་སྨོད། །དཔའ་བོ་ཐོད་པའི་ཕྲེང་བ་འཆང་། །ཟླ་བ་ཕྱེད་པས་རྒྱན་དུ་བྱས། །དཔའ་བོའི་དཔའ་དབང་ཡིན་པར་བཤད། །ཁྲག་འཐུང་རྡོ་རྗེ་ཅན་རྣམ་པ། །མངོན་པར་བརྗོད་པའི་
D369.077.0357b03.01རྒྱུད་བླ་མའི་བླ་མ་ལས་སྲུང་བ་ཞལ་བཞི་པར་བྱིན་གྱིས་བརླབས་པ་ཁྲོ་བོ་བཞིའི་དཀྱིལ་འཁོར་རྡོ་རྒྱུས་ཀྱིས་བྲིས་པ་རྡོ་རྗེ་ཧཱུྃ་མཛད་སྐྱེད་པའི་ལེའུ་སྟེ་དྲུག་ཅུ་པའོ།། །།དེ་ནས་གཞན་ཡང་བཤད་བྱ་བ། །སྡེ་ཚན་བརྒྱད་ནི་རྣམ་སྒོམ་པ། །མཁའ་དབྱིངས་པདྨའི་དབུས་གནས་
D369.077.0357b04.01པར། །ཁྲག་འཐུང་རྡོ་རྗེ་རྣམ་པར་བསྒོམ། །ཞལ་ལྔ་པ་ལ་ཕྱག་བཅུ་པ། །སྤྱན་གསུམ་ཤིན་ཏུ་དམར་བ་སྟེ། །གཡས་བརྐྱང་པ་ཡི་ཞབས་ཀྱིས་བཞུགས། །ཞལ་རྣམ་སྒྱུར་ཞིང་འཇིགས་པ་སྟེ། །མཆེ་བ་རྣམ་པར་གཙིགས་པའི་ཞལ། །ཐོད་པའི་ཕྲེང་བས་རྣམ་པར་བརྒྱན། །
D369.077.0357b05.01དྲག་པོ་ཟླ་བ་ཕྱེད་པ་འཛིན། །སྣ་ཚོགས་རྡོ་རྗེས་དབུ་ལ་མནན། །རལ་པའི་ཅོད་པན་འཆིང་བ་སྟེ། །ཕྱག་རྒྱ་དྲུག་གི་མཚན་གྱིས་བརྒྱན། །སྟག་གི་པགས་པ་གོས་སུ་མནབས། །རིག་པ་གཉིས་མེད་བདེ་བའི་ཉམས། །སྐུ་ལ་ཐོད་རློན་དོ་ཤལ་ཅན། །ཐུགས་རྗེའི་ཉམས་ཀྱིས་
D369.077.0357b06.01ཁྱབ་པར་མྱོས། །དཀར་དང་སྔོ་དང་སྤྲིན་གྱི་གཟུགས། །སྐུ་ནི་སྒེག་ཅིང་ལྡེམ་བག་ཅན། །གཡས་དང་གཡོན་གྱི་ཞལ་དག་ནི། །སེར་དང་དམར་དང་ལྗང་བ་དང་། །དུད་པ་ཡི་ནི་མདོག་ཅན་ནོ། །རྡོ་རྗེ་དྲིལ་བུས་མཉམ་ལྡན་པས། །རང་གི་རིག་དང་ཡང་དག་འཁྲིལ། །
D369.077.0357b07.01