完整藏文原文 · 德格版页 当前仅加载第 77 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
བར་བྱ། །ཡི་གེ་བརྒྱ་པས་ཐམས་ཅད་དུ། །གསང་སྔགས་བརྟན་པར་བསྒོམས་ནས་སུ། །རང་གི་མིང་དང་ལྡན་པར་ནི། །གཅིག་ཏུ་སྤེལ་ནས་བཟླས་པར་བྱ། །རྟག་ཏུ་ཕྲེང་བའི་སྔགས་ཀྱང་བཟླ། །དོན་རྣམས་ཐམས་ཅད་འགྲུབ་པར་འགྱུར། །བླ་མ་ལས་ཀྱང་བླ་མ་སྟེ། །
D369.077.0253a01.01མཁའ་འགྲོ་མ་ཡི་དྲ་བའི་སྡོམ། །གསང་སྔགས་བཏུས་པས་གོ་ཆ་དང་། །སྙིང་པོ་དང་ནི་ཉེ་སྙིང་དང་། །གསང་སྔགས་བཏུས་པ་རྗེས་སུ་བསྲུང་། །དཀྱིལ་འཁོར་ཤིན་ཏུ་མཛེས་པ་ལ། །ཡི་གེའི་དཀྱིལ་འཁོར་ལེགས་བཀོད་ནས། །དཔའ་བོ་རྣལ་འབྱོར་མ་རྣམས་བསྐྱེད། །
D369.077.0253a02.01འདི་ནི་གསང་སྔགས་ཐམས་ཅད་དོ། །མ་མོ་རྣམས་ཀྱི་དམ་པ་མཆོག །གསང་བ་དགའ་བ་སྦས་པ་སྟེ། །གསང་སྔགས་ཐམས་ཅད་བསྡུས་པ་ཡིན། །གསང་སྔགས་ཀུན་གྱི་གནས་ཡིན་ནོ། །འགྲོ་བ་འབྱུང་བའང་མ་མོས་ཁྱབ། །དེ་ཉིད་འདི་ནི་མི་བསྟན་ཏེ། །དངོས་གྲུབ་འཇོམས་
D369.077.0253a03.01པར་འགྱུར་བ་ཡིན། །སྒོམ་པ་འདི་ནི་མཆོག་ཡིན་ཏེ། །འདོད་པའི་དངོས་གྲུབ་བླ་ན་མེད། །སྐྱེ་འགྲོས་འདི་ནི་བསྒོམས་ཙམ་གྱིས། །རྡོ་རྗེ་སེམས་དཔའི་གོ་འཕང་རྙེད། །བྱམས་པའི་གོ་ཆ་བགོས་པ་སྟེ། །སྙིང་རྗེ་ཆོས་ཀྱི་གོ་ཆ་ཡིན། །ཤེས་རབ་མཚོན་ཆར་ལྡན་པ་ཡིན། །ཉོན་
D369.077.0253a04.01མོངས་བདུད་ནི་རྣམ་པར་སྤངས། །ཕྱིར་བཟློག་ཆེན་མོས་སྲུང་བ་དང་། །རྡོ་རྗེ་ཞལ་བཞིས་རྣམ་པར་མཚན། །སྐུ་གསུང་ཐུགས་ཀྱི་དབྱེ་བ་ཡིས། །ཁ་སྦྱར་གསུམ་གྱི་རྡོ་རྗེས་མཚན། །ཐམས་ཅད་མཆོག་གི་སྲུང་བ་ཆེ། །དངོས་གྲུབ་ཐམས་ཅད་རབ་ཏུ་སྩོལ། །བཀའ་ཡི་འཁོར་ལོ་
D369.077.0253a05.01སྲུང་བ་ཆེ། །ཕུར་བུས་བགེགས་མེད་དངོས་གྲུབ་འགྱུར། །སྲུང་བ་མཆོག་ནི་འདི་དག་གི། །སྒྲུབ་པ་པོ་ལ་བྱང་ཆུབ་སྩོལ། །རྡོ་རྗེ་ཕུར་བུས་ར་བ་དང་། །རྡོ་རྗེའི་ས་དང་དྲ་བ་དང་། །སྟེང་གི་གུར་དང་བླ་རེ་ཡིས། །གདུག་པའི་བདུད་ནི་བསྐྲད་བྱས་ནས། །མི་གསོད་གསོད་པ་མེད་པ་
D369.077.0253a06.01ཡིན། །གང་གིས་རང་སེམས་ཐུལ་བ་ཡིས། །བདག་གི་སེམས་ནི་བཅིངས་པ་ཡིན། །གང་ལ་གང་གིས་གསོད་པ་ཡོད། །མཉམ་པའི་སེམས་ནི་དྲི་ཡིན་ཏེ། །གྲུ་བཞི་པ་ནི་བྱུག་པ་ཡིན། །ཙནྡན་དཀར་པོ་ལུས་ཡིན་ཏེ། །མཉམ་པར་གནས་པ་ཉིད་ཡིན་ནོ། །མེ་ཏོག་བཟོད་པ་
D369.077.0253a07.01