完整藏文原文 · 德格版页 当前仅加载第 77 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
གསུང་གི་འཁོར་ལོ་བསྐྱོད་པའི་ཞལ། །སྐུ་ཡི་འཁོར་ལོ་ཞི་བ་སྟེ། །མཁའ་འགྲོ་མ་ནི་བཞིན་རྣམ་བསྒྱུར། །ཇི་ལྟར་འདོད་བཞིན་བསྒོམས་ནས་ནི། །དབུས་ཀྱི་གཙོ་བོར་རྣམ་པར་བརྟག །སངས་རྒྱས་བྱང་ཆུབ་སེམས་དཔའ་འམ། །ཁྲོ་བོ་སྣ་ཚོགས་དུ་མའམ། །ཁ་
D369.077.0304b01.01ཅིག་དེ་བཞིན་གཤེགས་པའམ། །མ་མོ་རིགས་ཀྱི་ཁྱད་པར་དང་། །འོད་ཟེར་ཅན་ནམ་སྐུལ་བྱེད་མ། །ཤེས་རབ་ཕ་རོལ་ཕྱིན་དེ་བཞིན། །གང་དང་གང་དག་སྒོམ་པ་ཡི། །ཡིད་ཀྱི་དབང་པོ་སྦྱོར་བ་དག །དེ་ཡིས་དྲེགས་པར་བྱས་པ་ནི། །སྣ་ཚོགས་གཟུགས་
D369.077.0304b02.01ཅན་རིན་ཆེན་བཞིན། །ཡང་ན་རྡོ་རྗེ་སེམས་དཔའ་ནི། །སྣ་ཚོགས་གཟུགས་ཀྱིས་འགྲོ་བར་གནས། །ཐམས་ཅད་མཁྱེན་ཅིང་ཐམས་ཅད་མཛད། །བདེ་བ་ཆེན་པོས་ཀུན་ཁྱབ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་རྣལ་འབྱོར་མའི་གསང་བའི་དམ་ཚིག་
D369.077.0304b03.01གི་དེ་ཁོ་ན་ཉིད་ཀྱི་སྒོམ་པ་བསྟན་པ་སྟེ་ལེའུ་ཉི་ཤུ་རྩ་གསུམ་པའོ།། །།དེ་ནས་གཞན་ཡང་བཤད་བྱ་བ། །མཁའ་འགྲོའི་རིགས་ཀྱི་ཆོ་གའི་རིམ། །སྣ་ཚོགས་དུ་མའི་རིགས་སུ་བཤད། །མདོར་བསྡུས་ན་ནི་གསུམ་དང་ལྔ། །དྲུག་ཏུ་ཡང་ནི་རབ་ཏུ་གྲགས། །
D369.077.0304b04.01རྣལ་འབྱོར་སྦྱོར་བའི་བླ་མ་སྟེ། །མཁའ་འགྲོ་མ་འཁོར་ལ་སོགས་ཀུན། །ཁམས་གསུམ་དག་ནི་མ་ལུས་པ། །རིགས་ལས་ཡང་དག་འབྱུང་བ་ཡིན། །སྐུ་ཀུན་སོ་སོར་འབྱུང་བ་སྟེ། །གཞན་དུ་ཐམས་ཅད་མ་མོའི་རིགས། །དགའ་ཞིང་དགྱེས་ལ་ཡིད་འོང་བ། །ཡིད་ལས་
D369.077.0304b05.01སྐྱེ་ཞིང་འབྱུང་བ་ཡིན། །བཅོམ་ལྡན་འདས་དགྱེས་པ་ཆེན་པོ་བདེ་བའི་རིགས་ཀྱི་བདག་པོས་དེ་ཁོ་ན་ཉིད་ཀྱི་གསང་བའི་སྙིང་པོའི་ས་བོན་འདི་བཤད་ཅིང་བསྟན་པ། ཧཱུྃ་བྲུྃ་ཨཱྃ་ཧྲཱིཾ་ཁཱྃ་བཱྃ། དེ་ནས་སྔགས་ཆེན་བཤད་པ་ཡིས། །སངས་རྒྱས་ཀུན་གྱི་སྲས་པོ་རྣམས། །རབ་ཏུ་གཡོ་ཞིང་བརྒྱལ་ནས་
D369.077.0304b06.01ཀྱང་། །རྡོ་རྗེའི་ཡེ་ཤེས་རྗེས་སུ་དྲན། །མི་འཁྲུགས་པ་དང་རྟག་པའི་རིགས། །རྡོ་རྗེ་ཉི་མ་དེ་བཞིན་ཏེ། །འོད་དཔག་མེད་དང་དོན་ཡོད་གྲུབ། །རྡོ་རྗེ་སེམས་དཔའ་བདེ་བ་ཆེ། །འདི་ལྟར་སངས་རྒྱས་སྐུ་ལུས་ཀྱང་། །རྡོ་རྗེ་མཁའ་འགྲོ་རབ་ཏུ་གྲགས། །ཐོག་མར་རྡོ་རྗེ་མཁའ་འགྲོ་
D369.077.0304b07.01