完整藏文原文 · 德格版页 当前仅加载第 77 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིད་འོང་བ། །ཉི་མའི་དཀྱིལ་འཁོར་དབུས་སུ་ནི། །པདྨའི་རྒྱལ་པོ་རྣམ་པར་བསམ། །ལྟེ་བར་སྣ་ཚོགས་རྡོ་རྗེ་སྟེ། །རྡོ་རྗེ་རྩེ་མོ་ལྔ་པའོ། །དེ་ལ་ལྟེ་བའི་དབུས་སུ་ནི། །ཉི་མའི་དཀྱིལ་འཁོར་གྱིས་མཚན་པ། །དེ་སྟེང་ཨཱ་ལི་ཀཱ་ལི་སྟེ། །དབུས་སུ་རེག་བྱ་སྟོང་པ་ཡིན། །རྡོ་
D369.077.0266a01.01རྗེ་སེམས་དཔའ་མཆོག་གི་ཁྱབ། །བདག་ཉིད་ཧེ་རུ་ཀ་དཔལ་ཉིད། །ཞལ་གདོང་ལྔ་ལ་ཕྱག་བཅུ་གཉིས། །སྤྱན་གསུམ་རྣམ་པར་འགྱུར་བ་སྟེ། །གཡས་བརྐྱང་བ་ཡི་གནས་པས་བཞུགས། །གཡོན་བརྐྱང་བ་ཡང་དེ་བཞིན་བཞུགས། །འཇིགས་བྱེད་དང་ནི་དུས་མཚན་ཉིད། །ཞབས་
D369.077.0266a02.01ཀྱི་འོག་ཏུ་མནན་པར་བྲི། །སྟག་གི་པགས་པ་གོས་སུ་མནབས། །ཐུགས་རྗེ་ཁྲོ་བོས་རྣམ་པར་རོལ། །ཐོད་པའི་ཕྲེང་བའི་དབུ་རྒྱན་ཅན། །རལ་པའི་ཅོད་པན་རྒྱན་དུ་ཐོགས། །ཟླ་བ་ཕྱེད་པའི་སྤྱི་གཙུག་ལ། །སྣ་ཚོགས་རྡོ་རྗེས་དབུ་ལ་མནན། །སྒེག་པ་ལ་སོགས་ཉམས་དང་ལྡན། །མི་
D369.077.0266a03.01མགོའི་ཕྲེང་བ་འཛིན་པ་སྟེ། །ཐོད་རློན་ཕྲེང་བས་རྣམ་པར་བརྒྱན། །མགུལ་རྒྱན་གདུ་བུ་རྣ་ཆ་དང་། །ཐོད་པའི་ཕྲེང་བས་དབུ་ལ་བརྒྱན། །ཚངས་པའི་སྐུད་པ་ཐལ་བ་སྟེ། །ཕྱག་རྒྱ་དྲུག་པོ་རྣམ་པར་བསྒོམ། །ཕྱག་གཉིས་ཐོད་པ་དྲིལ་བུ་ཡིས། །ཕག་མོ་ལ་ནི་རྣམ་པར་འཁྱུད། །
D369.077.0266a04.01ཕྱག་གཞན་གཉིས་པོ་དག་གིས་ནི། །འཇིགས་བྱེད་ཆེན་པོའི་པགས་རློན་མནབས། །གཡས་པའི་ཕྱག་གསུམ་པ་ལ་རྡོ་རྗེ་གསོར་ཞིང་བ་དན་གསུམ་པ་འཛིན་པ། བཞི་པ་ལ་མདུང་རྩེ་ལྔ་པ། ལྔ་པ་ལ་དགྲ་སྟ། དྲུག་པ་ལ་རྡོ་རྗེ་ཅང་ཏེའུ་རྣམས་སོ། །གཡོན་པའི་ཕྱག་གསུམ་པ་
D369.077.0266a05.01རྡོ་རྗེ་ཁ་ཊྭཱཾ་ག །བཞི་པ་ལ་རྡོ་རྗེ་ཞགས་པ། ལྔ་པ་ལ་གྲི་གུག །དྲུག་པ་ལ་དྲག་པོའི་མགོ་བོ། པང་ན་གནས་པའི་ཕག་མོ་ནི་བཅོམ་ལྡན་འདས་ཀྱི་མདོག་ཅན་ཕྱག་གཉིས་པ། ཞལ་གཅིག་པ། སྤྱན་གསུམ་པ། སྐྲ་གྲོལ་བ། གཅེར་བུ་དུམ་བུས་བརྒྱན་པའི་སྐ་རགས་ཅན།
D369.077.0266a06.01ཕྱག་གཡོན་པ་ལ་བྱང་ཆུབ་ཀྱི་སེམས་ཀྱིས་གང་བའི་ཐོད་པ་བསྣམས་པས་འཁྱུད་པ། ཕྱག་གཡས་པའི་སྡིགས་མཛུབ་ཀྱིས་གདུག་པ་ཀུན་ལ་ཕྱོགས་སུ་སྡིགས་མཛུབ་བྱེད་ཅིང་གྲི་གུག་འཛིན་པ། བསྐལ་པའི་མེ་ཡི་གཟི་བརྗིད་ཅན། །ཁྲག་ལ་དགྱེས་ཤིང་ཁྲག་འཛག་པ། །བྱིན་པ་
D369.077.0266a07.01