完整藏文原文 · 德格版页 当前仅加载第 77 函德格 339b 版页；藏文 NFD、目录标记与异常页序保留在来源切片中，重复版页行以稳定序号区分。
མེད། །རྣལ་འབྱོར་འདི་ནི་འགྲུབ་འགྱུར་ན། །འཇིག་རྟེན་གསུམ་དུ་མི་ཟློགས་ཤིང་། །མི་སྣང་ཕུག་དང་གནས་མཁའ་རྒྱུ། །རྐང་མགྱོགས་དེ་བཞིན་བཅུད་ཀྱིས་ལེན། །སྒྲུབ་པ་པོ་ནི་འདོད་ཙམ་གྱིས། །རྟག་པར་རྒྱུན་དུ་བསྐྱེད་པར་འགྱུར། །གཟུགས་ནི་དུ་མ་བྱེད་པ་དང་། །ནམ་
D369.077.0339b01.01མཁའ་ལ་ནི་འགྲོ་བར་འགྱུར། །མཁའ་འགྲོ་རྣམས་ཀྱི་ཁྱད་པར་དུ། །དེས་གནོན་འགྲོ་བ་ཐམས་ཅད་ཀྱང་། །ལན་ཅིག་བལྟས་པའི་སྦྱོར་བ་ཡིས། །སྐད་ཅིག་གིས་ནི་སྦྱོར་ཉིད་སྐྱེད། །སྔགས་པས་དཀྱིལ་འཁོར་མ་མཐོང་བར། །གང་ཞིག་རྣལ་འབྱོར་པ་ཉིད་འདོད། །མཁའ་
D369.077.0339b02.01ལ་ཁུ་ཚུར་གྱིས་རྡེག་དང་། །སྨིག་རྒྱུའི་ཆུ་ནི་འཐུང་དང་མཚུངས། །རྣལ་འབྱོར་འདི་ནི་མཆོག་རབ་དང་། །སྦྱོར་བ་ཀུན་གྱི་དམ་པ་ཡིན། །གང་ཞིག་རྟག་ཏུ་འདོད་གྱུར་པ། །དེ་ནི་ལྷ་མི་ཟིལ་གནོན་འགྲོ། །དེ་ཉིད་བསྡུས་པར་གྱུར་པའམ། །གསང་བའམ་རྡོ་རྗེ་འཇིགས་བྱེད་ལས། །
D369.077.0339b03.01དཀྱིལ་འཁོར་རྣམས་ཀྱི་རྒྱལ་པོ་འདི། །མ་བྱུང་འབྱུང་བར་མི་འགྱུར་རོ། །བཤད་དང་མ་བཤད་གང་ཅིའང་རུང་། །དེ་ཀུན་དཔལ་ལྡན་ཁྲག་འཐུང་གནས། །མངོན་པར་བརྗོད་པའི་རྒྱུད་བླ་མའི་བླ་མ་ལས་དཀྱིལ་འཁོར་གྱི་ཆོ་གའི་ལེའུ་སྟེ་བཞི་བཅུ་རྩ་དགུ་པའོ།། །།དེ་ནས་
D369.077.0339b04.01གཞན་ཡང་བཤད་བྱ་བ། །སྦྱོར་བའི་མཚམས་དང་ཡང་དག་ལྡན། །ཆུ་མེད་པ་ནི་མཚམས་ཡིན་ཏེ། །གོས་པ་མེད་ཅིང་ཆགས་སྤངས་པ། །མཚམས་ནི་འབྱུང་པོ་ཐམས་ཅད་པ། །དེ་ནི་སེམས་ཅན་ཐམས་ཅད་དེ། །མཚམས་ནི་སྲིད་པ་དག་པ་སྟེ། །དབྱངས་སྐྱོང་ཧེ་རུ་ཀ་ཉིད་
D369.077.0339b05.01ཡིན། །རྣལ་འབྱོར་པ་ཡིས་བསྒོམ་ཞིང་བཟླ། །ཅིག་ཅར་འབྱུང་བར་སྣང་བ་སྟེ། །དུང་དང་ཀུན་དའི་མདོག་ཀྱང་འཛིན། །རྒྱན་རྣམས་ཐམས་ཅད་ཡོངས་སུ་རྫོགས། །མཚན་རྣམས་ཀུན་གྱིས་མཚན་པ་སྟེ། །ཞལ་གསུམ་པ་ལ་ཕྱག་དྲུག་པ། །སྤྱན་གསུམ་པ་ལ་ཐུགས་རྗེའི་ཉམས། །
D369.077.0339b06.01སྐྲ་གྲོལ་དཔྲལ་བར་ཐོད་པ་སྟེ། །སྤྱི་གཙུག་ཏུ་ནི་ཟླ་བའོ། །ཧེ་རུ་ཀ་དཔལ་ཡང་དག་ལྡན། །མཚམས་རྣམས་གྲུབ་པའི་མཆོག་དམ་པ། །ཐུན་བཞི་རུ་ནི་བྱ་བའོ། །དགའ་བ་བཞི་པོ་དགའ་བ་དང་། །ལྟེ་བའི་སྙིང་པད་ནུ་མའི་དབུས། །ལྕེ་ཡི་རྩ་དང་མགོ་སྟེང་དུ། །དགའ་བ་དང་ནི་
D369.077.0339b07.01