完整藏文原文 · 德格版页 当前仅加载第 77 函德格 307a 版页；藏文 NFD、目录标记与异常页序保留在来源切片中，重复版页行以稳定序号区分。
ཕཊ། ཨོྃ་ཊྃ་ཧཱུྃ་ཕཊ། ཨོྃ་ལྃ་ཧཱུྃ་ཕཊ། ཨོྃ་ཁྃ་ཧཱུྃ་ཕཊ། ཨོྃ་རཱུྃ་ཧཱུྃ་ཕཊ། ཨོྃ་ཀྃ་ཧཱུྃ་ཕཊ། ཨོྃ་ཨཱུྃ་ཧཱུྃ་ཕཊ། ཨོྃ་ཤྭྃ་ཧཱུྃ་ཕཊ། ཨོྃ་སུྃ་ཧཱུྃ་ཕཊ། ཨོྃ་ཡྃ་ཧཱུྃ་ཕཊ། ཨོྃ་ཡྃ་ཧཱུྃ་ཕཊ། ཨོྃ་ཡྃ་ཧཱུྃ་ཕཊ། ཨོྃ་ཡྃ་ཧཱུྃ་ཕཊ། འཁོར་ལ་སོགས་པ་ཐམས་ཅད་ཀུན། །བསྒོམ་
D369.077.0307a01.01ལ་གནས་ནས་བཟླས་པ་བྱ། །འཁོར་ལོས་སྒྱུར་དྲུག་ལྷན་ཅིག་ཏུ། །མཁའ་འགྲོ་མཁའ་འགྲོ་མ་བཟླས་བྱ། །དམ་ཚིག་ཆེན་པོའི་སྦྱོར་བ་ཡིས། །དམ་ཚིག་དམ་ཚིག་མཆོག་གྱུར་པ། །གཉིས་མེད་འཁྱུད་པའི་སྦྱོར་བ་ཡིས། །གསང་སྔགས་བཟླས་ན་དངོས་གྲུབ་འགྱུར། །ཟླ་
D369.077.0307a02.01དྲུང་ངེས་ཏེ་གཞན་མིན་པར། །འཁོར་ལོས་སྒྱུར་དྲུག་དངོས་གྲུབ་འཐོབ། །ཡང་ན་རྡོ་རྗེ་སེམས་དཔའ་དང་། །རྣམ་སྣང་རྡོ་རྗེ་ཉི་མ་དང་། །པདྨ་གར་དབང་རྒྱལ་བོ་དང་། །དབང་ཕྱུག་རྟ་མཆོག་ཧེ་རུ་ཀ། །གནས་སོགས་པ་ཡི་སྦྱོར་བ་ཡིས། །མཁས་པས་ངེས་པར་བསྒོམས་ནས་
D369.077.0307a03.01ནི། །རིམ་པར་སྦྱོར་བའི་རིམ་པ་དང་། །བརྒྱུད་པའི་གནས་ཀྱི་རིམ་དང་། །རྣལ་འབྱོར་མ་ཡི་བཀའ་དག་ནི། །བླ་མའི་བརྒྱུད་བས་འཐོབ་པར་འགྱུར། །གཞན་དུ་སྔགས་པ་འཁོར་བྱེད་ཅིང་། །བཀའ་ཡི་ནམ་ཡང་མཐོང་མ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་
D369.077.0307a04.01ལས་རིགས་དྲུག་གི་འཁོར་ལོས་སྒྱུར་བའི་བཀའི་ལེའུ་སྟེ་ཉི་ཤུ་རྩ་བཞི་པའོ།། །།དེ་ནས་གཞན་ཡང་བཤད་བྱ་བ། །རྣལ་འབྱོར་ལམ་ནི་རྙེད་དཀའ་བ། །རྣལ་འབྱོར་མ་ཡི་སྦྱོར་སྙིང་པོ། །གནས་ཀྱི་རྣལ་འབྱོར་རྗེས་མཐུན་པར། །ཡི་གེ་ལས་བྱུང་ཅིག་ཅར་ཚུལ། །ཅིག་ཅར་མཚན་མ་ཕྱག་མཚན་ཡིན། །
D369.077.0307a05.01ཅིག་ཅར་རྡོ་རྗེ་སེམས་དཔའ་སྟེ། །བདེ་བ་ཆེན་པོ་བླ་ན་མེད། །དེ་རུ་འཇུག་ཅིང་དེ་ཡི་ཚུལ། །ཅིག་ཅར་ཧེ་རུ་ཀ་དཔལ་མཆོག །སྟོན་ཀའི་ནམ་མཁའ་དྲི་མེད་ལྟར། །ཟར་མའི་མེ་ཏོག་དང་མཚུངས་པ། །ཕྱག་བརྒྱད་པ་ལ་ཞལ་བཞི་པ། །
D369.077.0307a06.01འཇིགས་ཤིང་རབ་ཏུ་འཇིགས་པར་མཛད། །གཡས་བརྐྱང་བ་ཡི་ཞབས་ཀྱིས་བཞུགས། །སྤྱན་གསུམ་རྣལ་འབྱོར་མ་ཡི་གཙོ། །ཞལ་གདོང་གཡོན་དཀར་གཡས་དམར་ཏེ། །སྟེང་གི་ཞལ་ནི་སེར་ལ་མཛེས། །དཔའ་བོ་ཐོད་པའི་ཕྲེང་བ་ཅན། །སངས་རྒྱས་ལྔ་ཡི་བྱིན་རླབས་ཅན། །
D369.077.0307a07.01