完整藏文原文 · 德格版页 当前仅加载第 77 函德格 323b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་ཕྲག་བརྒྱར་འགྲོ་ཞིང་སླར་ལྡོག་གོ །ཕྱག་རྒྱ་དྲུག་ལ་ཡོངས་སུ་བཟླས་ན་ཕ་རོལ་གྱི་མདུན་དུ་མི་སྣང་བར་འགྱུར་རོ། །ས་སྟེང་དུ་ནི་ཀུན་སྤྱོད་ཅིང་། །ཅི་བདེ་བར་ནི་གནས་པར་འགྱུར། །མངོན་པར་བརྗོད་པའི་རྒྱུད་བླ་མའི་བླ་མ་ལས་ཆར་དབབ་པའི་ཆོ་གའི་ལེའུ་སྟེ་སུམ་ཅུ་རྩ་བཞི་པའོ།། །།
D369.077.0323b01.01དེ་ནས་གཞན་ཡང་བཤད་བྱ་བ། །གསང་བ་མཆོག་ནི་མདོར་བསྡུས་ནས། །སྐད་ཅིག་གིས་ནི་བདག་སྒོམ་པ། །ཧེ་རུ་ཀ་དཔལ་གཟུགས་སུ་བྱ། །སྔོ་ཞིང་དྲག་པོ་རྣམ་སྒྱུར་བ། །དྲག་པོ་སྤྱན་གསུམ་ཞལ་དྲུག་མཆོག །ཟླ་བ་ཕྱེད་པ་རལ་པ་འཛིན། །སྣ་ཚོགས་རྡོ་རྗེ་དབུ་མཆོག་ལ། །
D369.077.0323b02.01ཐོད་པའི་ཕྲེང་བའི་དབུ་རྒྱན་ཅན། །རྡོ་རྗེ་ཕྲེང་བས་རྣམ་པར་བརྒྱན། །སྐུ་ལ་མགོ་བོའི་དོ་ཤལ་ཅན། །ཕྱག་རྒྱ་དྲུག་གིས་རྣམ་པར་བརྒྱན། །སྟག་གི་པགས་པ་གོས་སུ་མནབས། །ཕག་མོ་ཡིས་ནི་སྐུ་ལ་བརྒྱན། །ཞབས་གཅིག་པ་ནི་བཞེངས་པ་སྟེ། །གཡས་པ་སེར་ལ་དུད་པའི་
D369.077.0323b03.01མདོག །གཡོན་པ་དམར་ལ་ལྗང་གུའོ། །སྟེང་གི་ཞལ་ནི་རྟ་གདོང་སྟེ། །དཀར་ཞིང་སྤྲིན་མདོག་དྲག་ཅིང་འཇིགས། །རྡོ་རྗེ་དྲིལ་བུ་མཉམ་པར་ལྡན། །ལྷ་མོ་མཆུ་ནི་འཚིར་བ་སྟེ། །རྒྱལ་བའི་པགས་པ་གོས་སུ་མནབས། །མཁའ་འགྲོ་མ་ཡི་རིགས་འཛིན་ཅིང་། །ཐོད་པ་དང་ནི་
D369.077.0323b04.01ཁ་ཊྭཱཾ་འཛིན། །རྡོ་རྗེ་མཚན་གྱིས་བརྒྱན་པ་སྟེ། །ཞགས་པ་ལྕགས་ཀྱུ་ཕྱག་ན་བསྣམས། །ཅང་ཏེའུ་དང་ནི་མགོ་བོ་འཛིན། །གྲི་གུག་ཞགས་པ་དེ་བཞིན་ཏེ། །ཕྱག་ནི་བཅུ་གཉིས་དག་ཏུ་བཤད། །དཀྱིལ་འཁོར་དག་ནི་ཐམས་ཅད་ཀྱང་། །ཞབས་གཅིག་ཏུ་ནི་རྣམ་པར་བསྒོམ། །
D369.077.0323b05.01གླང་པོའི་གདོང་དང་བྱེའུའི་གདོང་། །སེང་གེའི་གདོང་ཡང་དེ་བཞིན་ཏེ། །དང་པོ་ཁྱི་ཡི་གདོང་ཡིན་ཏེ། །གཉིས་པ་འུག་པའི་གདོང་ཡང་ཡིན། །གསུམ་པ་ཕག་གི་གདོང་ཡིན་ཏེ། །བཞི་པ་ཁྭ་ཡི་གདོང་ཅན་ནོ། །གནས་ཀྱི་དབྱིབས་ཀྱི་ཆོས་བདག་ཉིད། །སྣ་ཚོགས་གཟུགས་ནི་
D369.077.0323b06.01ཆེན་པོ་འཛིན། །མཐའ་ཡས་རྣམ་རྒྱལ་གྲགས་པ་སྟེ། །ཐམས་ཅད་མཁྱེན་ཅིང་ཐམས་ཅད་པ། །ཇི་ལྟར་འདོད་པའི་སྐུ་ལུས་འཆང་། །དེ་བཞིན་སྒོམ་ཞིང་རྣམ་བསྒོམ་སྟེ། །སྣ་ཚོགས་གཟུགས་ཅན་རིན་ཆེན་བཞིན། །བདག་ཉིད་ཆེན་པོ་རྣམ་པར་རོལ། །མངོན་པར་བརྗོད་
D369.077.0323b07.01