完整藏文原文 · 德格版页 当前仅加载第 77 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
ཁཱ་ཧི་ཁཱ་ཧི། སརྦ་ཡཀྵ་རཱ་ཀྵ་ས་བྷཱ་ཏ་པྲེ་ཏ་པི་ཤཱ་ཙ། ཨུན་མཱ་ད་ཨ་པ་སྨཱ་ར་ཌཱ་ཀ་ཌཱ་ཀི་ནྱཱ་ད་ཡཿ ཨི་མཾ་བ་ལིཾ་གྲྀཧྞཾ་ཏུ། ས་མ་ཡ་རཀྵནྟུ་མ་མ་སརྦ་སིདྡྷིམྨེ་པྲ་ཡཙྪནྟུ་ཡ་ཐཻ་བཾ་ཡ་ཐེཥྚཾ། བྷུཉྫ་ཐ་པི་བ་ཐ། ཛི་གྷ་ཐ། མཱ་ཏི་ཀྲ་མ་ཐ། མ་མ་སརྦ་ཀཱ་ར་ཏ་ཡ་སང་སུ་ཁ་བི་ཤུདྡྷ་ཡེ་ས་ཧཱ་
D369.077.0272a01.01ཡི་ཀཾ་བྷ་བནྟུ་ཧུྃ་ཧཱུྃ་ཕཊ་ཕཊ་སྭཱ་ཧཱ། ཆོ་ག་འདི་ཡི་རིམ་པ་ཡིས། །ཐུན་མཚམས་བཞི་རུ་སྦྱིན་པར་བྱ། །གཅིག་པུ་བདེ་བར་གནས་ནས་སུ། །མ་ཧཱ་མཱཾ་ས་དོན་བྱ་བསྟན། །རྣལ་འབྱོར་མཉམ་པར་བཞག་ནས་ནི། །འདི་ལ་ཐམས་ཅད་བཟའ་བར་བྱ། །ངེས་པར་བརྗོད་པའི་རྒྱུད་བླ་མའི་
D369.077.0272a02.01བླ་མ་ལས་གཉིས་སུ་མེད་པའི་འཁོར་ལོའི་རིམ་པར་ཕྱེ་བ་བསྟན་པ་སྟེ་ལེའུ་དགུ་པའོ།། །།དེ་ནས་གཞན་ཡང་བཤད་བྱ་བ། །དག་པའི་གནས་ཀྱི་ཆོ་ག་སྟེ། །གསང་བའི་ཆོ་གའི་གསང་བ་ནི། །མཁའ་འགྲོ་མ་ཡི་སྙིང་པོ་མཆོག །གསང་སྔགས་ཀུན་གྱི་གནས་སྦྱོར་བ། །དངོས་
D369.077.0272a03.01གྲུབ་ཐམས་ཅད་སྩོལ་བ་ཡིན། །དེ་ནས་དེ་བཞིན་གཤེགས་པ་ཐམས་ཅད་ལ་དབང་ཕྱུག་ཆེན་པོའི་རྡོ་རྗེ་འཁོར་དང་། །མངག་གཞུག་དང་བཅས་པ་མཁའ་འགྲོ་ཆེན་པོ་དང་། མཁའ་འགྲོ་མའི་ཚོགས་རྣམས་དང་། གཞན་ཡང་བཅོམ་ལྡན་འདས་ཀུན་ཏུ་བཟང་པོ་ཆེན་པོ་རྡོ་རྗེ་འཛིན་པ་
D369.077.0272a04.01རྣམས་རང་གི་བདག་པོ་ལ་ཕྱག་བྱས་ཏེ་གསོལ་པ། ཨེ་མའོ་བདེ་བའི་སེམས་དཔའ་ཁྱོད། །ཨེ་མའོ་བདེ་བའི་གཙོ་བོ་ཡིས། །མཁའ་འགྲོ་མ་ཡི་གསང་བ་མཆོག །རང་གི་དཀྱིལ་འཁོར་བཤད་དུ་གསོལ། །སངས་རྒྱས་རྣལ་འབྱོར་རྣལ་འབྱོར་ཆེ། །རྡོ་རྗེ་རྣལ་འབྱོར་མཆོག་གྱུར་པ། །
D369.077.0272a05.01རང་གི་གསང་བའི་དཀྱིལ་འཁོར་གསུངས། །འཇིག་རྟེན་གསུམ་གྱི་བདེ་བ་འབྱུང་། །རྡོ་རྗེ་རིན་ཆེན་པདྨ་ཆེ། །སྣ་ཚོགས་སྦྱོར་དང་སྣ་ཚོགས་གར། །རང་གི་དཀྱིལ་འཁོར་དག་པ་གསུངས། །རྡོ་རྗེ་རྣམ་སྣང་ལས་འབྱུང་བ། །གཞལ་ཡས་ཟུར་བཞི་རབ་ཏུ་མཛེས། །སྒོ་བཞི་
D369.077.0272a06.01དང་ནི་ཡང་དག་ལྡན། །རྒྱན་རྣམས་ཐམས་ཅད་ཡོངས་སུ་རྫོགས། །དཀྱིལ་འཁོར་བདེ་བ་ལས་བྱུང་བ། །དེ་ཡི་དབུས་སུ་འཁོར་ལོ་གཉིས། །ཐུགས་དང་གསུང་གི་འཁོར་ལོ་མཆོག །རྩིབས་བརྒྱད་པ་ལ་སྔོ་དང་དམར། །རྡོ་རྗེ་པདྨས་རྣམ་པར་བསྐོར། །ཕྱི་རོལ་འཁོར་
D369.077.0272a07.01