德格《甘珠尔》D369

དེ་དག་ཀྱང་རང་གི་རིགས་དང་། ཐོད་པའི་ཕྲེང་བ་ཅན་སྤྱན་གསུམ་པ། རང་གི་ཤེས་རབ་དང་འཁྱུད་པ། རྡོ་རྗེ་སྐྱིལ་མོ་ཀྲུང་གིས་{ཡི་དགས་,ཡི་དྭགས་}ཀྱི་གདན་ལ་བཞུགས་པའོ། །མཆེ་བ་རྣམ་པར་གཙིགས་ཤིང་རྣམ་པར་འགྱུར་བ། སྟག་གི་

པགས་པ་གོས་སུ་མནབས་པ། ཞལ་གཅིག་པ། ཕྱག་བཞི་པ། ཐོད་པ་དང་ཁ་ཊྭཱྃ་ག་འཛིན་པ། ཅང་ཏེའུའི་སྒྲ་ཧཱུྃ་དང་བཅས་པ། མགོ་བོའི་ཕྲེང་བའི་དོ་ཤལ་གྱིས་བརྒྱན་པ། ཕྱག་རྒྱ་ལྔ་འཆང་བ། རང་གི་རིགས་ཀྱི་དབུ་རྒྱན་ཅན། རལ་པ་དང་ཟླ་བ་འཛིན་

པའོ། །རྡོ་རྗེ་མཁའ་འགྲོའི་ཤར་དཀར་པོ། བྱང་ལྗང་གུ། ནུབ་དམར་པོ། ལྷོ་སེར་པོ། ལས་ཀྱི་མཁའ་འགྲོའི་ཤར་སེར་པོ། བྱང་སྔོན་པོ། ནུབ་དཀར་པོ། ལྷོ་དམར་པོ། པདྨའི་མཁའ་འགྲོའི་ཤར་དཀར་པོ། བྱང་ལྗང་ཁུ། ནུབ་སྔོན་པོ། ལྷོ་

སེར་པོ། རིན་ཆེན་མཁའ་འགྲོའི་ཤར་ལྗང་གུ། བྱང་སེར་པོ། ནུབ་དཀར་པོ། ལྷོ་སྔོན་པོ། སངས་རྒྱས་མཁའ་འགྲོའི་ཤར་སྔོན་པོ། བྱང་ལྗང་གུ། ནུབ་དམར་པོ། ལྷོ་སེར་པོ། འདི་དག་ཇི་ལྟའི་རིམ་པ་ཡིས། །རྡོ་རྗེ་འཁོར་ལོ་རལ་གྲི་དང་། །པདྨ་

རིན་ཆེན་ཕྲེང་བ་ཡི། །ཆས་ནི་ཡོངས་སུ་བསྐོར་བར་བྱ། །གྲྭ་བཞིར་མ་མོ་བཞི་བསྒོམ་སྟེ། །མ་མོ་རྨོངས་བྱེད་མ་དང་ནི། །མ་མོ་ཞེ་སྡང་ཉིད་ཡིན་ཏེ། །ཆགས་པ་ཡི་ནི་མ་མོ་དང་། །ཕྲག་དོག་མ་མོ་དེ་བཞིན་ཏེ། །མེ་ཡི་ཕྱོགས་ལ་སོགས་པར་དགོད། །དཀར་

དང་སྔོ་དང་དམར་དང་ལྗང་། །སྐྲ་གྲོལ་མ་ལ་བཞིན་རྣམ་སྒྱུར། །སྤྱན་གསུམ་པ་ལ་གཅེར་བུ་སྟེ། །ཕྱག་རྒྱ་ལྔ་ནི་འཛིན་པ་ཡིན། །ཕྱག་བཞི་པ་ལ་ཞལ་གཅིག་པ། །{ཡི་དགས་,ཡི་དྭགས་}གདན་ལ་རྣམ་པར་བཞུགས། །དབང་ཆེན་མེ་དང་ཆུ་དང་ནི། །རླུང་གི་དཀྱིལ་འཁོར་

དག་ཏུ་གནས། །རིགས་ཀྱི་གདན་ལ་བཞུགས་པ་ཡིན། །འཁོར་ལོ་རྡོ་རྗེ་པདྨ་དང་། །རལ་གྲི་ཐོད་པ་ཁ་ཊྭཱྃ་ག །གྲི་གུག་ཡང་ནི་ཕྱག་ན་འཆང་། །མ་ནིང་ལས་བྱུང་ལྷ་མོ་བསྒོམ། །ཐོད་པ་ཡི་ནི་ཕྲེང་བ་ཅན། །སྐྱིལ་མོ་ཀྲུང་ནི་ཕྱེད་པའོ། །རྡོ་རྗེ་གནོད་