完整藏文原文 · 德格版页 当前仅加载第 77 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ་དམར་བ་དང་སྔོ་བ་དང་ལྗང་གུའོ། །ལྷོ་རུ་ཨར་བུ་ད་ན་མཆེ་བ་རྣམ་པར་གཙིགས་པ་དང་། སྣ་ཆེན་མ་སྟེ་ལྗང་གུ་དང་སེར་བ་དང་དམར་བའོ། །མེའི་ཕྱོགས་ལ་གོ་དཱ་བ་རིར་ལྷ་དགྲ་དང་། དཔའ་བོའི་བློ་གྲོས་མ་སྟེ་དམར་བ་དང་སེར་བ་དང་ལྗང་གུའོ། །བདེན་བྲལ་དུ་རཱ་མེ་
D369.077.0274a01.01ཤྭ་ར་ན་འོད་དཔག་མེད་དང་། མིའུ་ཐུང་མ་སྟེ། དཀར་བ་དང་སེར་བ་དང་ལྗང་གུའོ། །རླུང་གི་ཕྱོགས་སུ་དེ་ཝི་ཀོ་ཊ་ན་རྡོ་རྗེའི་འོད་དང་། ལང་ཀའི་དབང་ཕྱུག་མ་སྟེ། ནམ་མཁའི་མདོག་དང་སེར་བ་དང་ལྗང་གུའོ། །དབང་ལྡན་དུ་མཱ་ལ་པ་ན་རྡོ་རྗེ་ལུས་དང་ཤིང་གྲིབ་མ་སྟེ། ལྗང་གུ་དང་སེར་
D369.077.0274a02.01བ་དང་སྔོ་བའོ། །ཐུགས་ཀྱི་འཁོར་ལོ་སྟེ། ཐོད་པའི་དུམ་བུ་ལ་སོགས་པའི་དཔའ་བོ་ནི་རབ་གཏུམ་མ་ལ་སོགས་པ་རྡོ་རྗེ་དང་དྲིལ་བུ་འཛིན་པས་འཁྱུད་པའོ། །གཉིས་པ་གསུང་གི་འཁོར་ལོར་ཡང་། ཤར་ཕྱོགས་ཀྱི་རྩིབས་སུ་ཀཱ་མ་རཱུ་པ་ན་མྱུ་གུ་ཅན་དང་། ས་སྲུང་མ་སྟེ། དཀར་བ་
D369.077.0274a03.01དང་སྔོ་བ་དང་ལྗང་གུའོ། །བྱང་ཕྱོགས་སུ་ཨོ་ཏྲེ་ན་རྡོ་རྗེ་རལ་པ་ཅན་དང་། འཇིགས་བྱེད་ཆེན་མོ་སྟེ། ལྗང་གུ་དང་སེར་བ་དང་སྔོ་བའོ། །ནུབ་ཏུ་ཏྲི་ཤ་ཀུ་ནེ་ན་དཔའ་བོ་ཆེན་པོ་དང་། རླུང་གི་ཤུགས་ཅན་མ་སྟེ། སྔོ་བ་དང་སེར་བ་དང་ལྗང་གུའོ། །ལྷོ་རུ་ཀོ་ས་ལ་ན་རྡོ་རྗེ་ཧཱུྃ་མཛད་དང་།
D369.077.0274a04.01ཆང་འཐུང་མ་སྟེ། དམར་བ་དང་སེར་བ་དང་ལྗང་གུའོ། །མེའི་ཕྱོགས་སུ་ཀ་ལིང་གར་རབ་བཟང་དང་། སྔོ་བསངས་མ་སྟེ། ལྗང་གུ་དང་སེར་བ་དང་དམར་བའོ། །བདེན་བྲལ་དུ་ལྃ་བ་ཀ་ན་རྡོ་རྗེའི་འོད་དང་། རབ་{བཟངས་,བཟང་}མ་སྟེ། སེར་བ་དང་སྔོ་བ་དང་ལྗང་གུའོ། །རླུང་གི་
D369.077.0274a05.01ཕྱོགས་སུ་ཀཱཾཙི་ན་འཇིགས་བྱེད་ཆེན་པོ་དང་། རྟ་རྣ་མ་སྟེ་དུད་པའི་མདོག་དང་སེར་བ་དང་སྔོ་བའོ། །དབང་ལྡན་གྱི་ཕྱོགས་སུ་ཧི་མ་ལ་ཡ་ན་མིག་མི་བཟང་དང་། །བྱ་གདོང་མ་སྟེ། གནམ་གྱི་མདོག་དང་སེར་བ་དང་ལྗང་གུའོ། །གསུང་གི་འཁོར་ལོ་སྟེ་མྱུ་གུ་ཅན་ལ་སོགས་པ་དང་།
D369.077.0274a06.01ས་སྲུང་མ་ལ་སོགས་པ་ནི་པདྨ་དང་། པདྨའི་དྲིལ་བུ་འཛིན་པས་འཁྱུད་པ། དེ་ལྟར་མཁའ་ལ་སྤྱོད་པ་དང་། ས་ལ་སྤྱོད་པའི་འཁོར་ལོ་གཉིས་པོ་ཡིན་ནོ། །གསུམ་པའི་སྐུ་རྡོ་རྗེ་འབྱུང་བ་ནི་ཟུར་བཞི་པ་ལ་སྒོ་བཞི་པ་སྟེ་ཤར་ཕྱོགས་ཀྱི་སྒོར་པྲེ་ཏ་པུ་རི་ན་སྟོབས་པོ་ཆེ་དང་། འཁོར་ལོའི་ཤུགས་
D369.077.0274a07.01