完整藏文原文 · 德格版页 当前仅加载第 77 函德格 316a 版页；藏文 NFD、目录标记与异常页序保留在来源切片中，重复版页行以稳定序号区分。
ཡན་ལག་བཅུ་གཉིས་མཆོག་དམ་པ། །ས་ནི་བཅུ་གཉིས་དག་ཉིད་དེ། །རྡོ་རྗེ་ས་ནི་བཅུ་གསུམ་པ། །རབ་ཏུ་དགའ་དང་དྲི་མ་མེད། །འོད་བྱེད་པ་དང་འོད་འཕྲོ་བ། །སྦྱང་དཀའ་བ་དང་མངོན་དུ་གྱུར། །རིང་དུ་སོང་དང་མི་གཡོ་བ། །ལེགས་པའི་བློ་གྲོས་ཆོས་ཀྱི་སྤྲིན། །
D369.077.0316a01.01གཟུགས་མེད་པ་དང་ཡེ་ཤེས་ལྡན། །དེ་ལྟར་ས་ནི་བཅུ་གཉིས་པོ། །འཁོར་ལོའི་ལྷ་མོ་རྣམ་པར་དགོད། །དགྱེས་པ་ཆེན་པོ་བདེ་བའི་མཆོག་ཅེས་བྱ་བའི་རྡོ་རྗེ་སེམས་དཔའི་ས་དབུས་སུའོ། །འཁོར་ལ་སོགས་པ་ཀུན་གྱི་སྔགས། །མིང་དང་གསལ་བྱེད་ཧཱུྃ་བྱས་ཏེ། །དེ་དག་མཐར་
D369.077.0316a02.01ནི་ཕཊ་དང་སྦྱར། །སྔགས་ཀྱི་གཙོ་བོས་གསང་སྔགས་ནི། །རང་སྙིང་རང་གི་ས་བོན་དགོད། །སྐུ་གསུང་ཐུགས་དང་རྣམ་པར་སྦྱར། །ཡེ་ཤེས་འཁོར་ལོ་འདི་མཐོང་ནས། །གཅིག་ཏུ་བསྡུས་ཏེ་མཆོད་པར་བྱ། །བདག་གིས་ཕྱི་དང་ནང་དུ་ཡང་། །མཉམ་པར་བཞག་སྟེ་མི་སྨྲ་བཟླ། །
D369.077.0316a03.01རང་གི་འཐོར་འཐུང་བྱས་ནས་ནི། །བློ་ལྡན་སྲོག་རྩོལ་བཟླས་པ་བྱ། །ཨོཾ་ཤྲཱི་ཨཱ་ལི་ཌཱ་ཀ་ཨ་ཨ་ཨཾ་ཧཱུྃ་ཌཱ་ཀི་ནཱི་ཛཱ་ལ་སམྦར་ཧཱུྃ་ཕཊ་སྭཱ་ཧཱ། སྲིད་པ་མ་ལུས་ཐམས་ཅད་ཀུན། །དངོས་པོ་མེད་པའི་རང་བཞིན་ཏེ། །སྔགས་དང་དབྱིབས་དང་ཆོས་བདག་ཉིད། །སྦྱོར་བ་ཡི་ནི་བདག་ཉིད་རྣམས། །
D369.077.0316a04.01སེམས་ཅན་ཁམས་ནི་ཆ་གནས་པས། །རང་གི་ལྷ་ཡི་སྦྱོར་བ་ཡིས། །བདག་ཉིད་སྦྱོར་ཞིང་མཆོད་པར་བྱ། །མཉམ་པར་མ་བཞག་སེམས་ཀྱིས་ནི། །སྒོམ་ཞིང་རབ་ཏུ་བསྒོམས་བྱས་ཏེ། །སྔགས་དང་དབྱིབས་དང་ཆོས་ཉིད་དེ། །ཆོས་གཅིག་རོ་ནི་སྟོང་པ་ཡིན། །ཆོས་རྣམས་
D369.077.0316a05.01བདག་མེད་ཉིད་ཡིན་ཏེ། །རང་བཞིན་མེད་པའི་ཆོས་ལ་ནི། །རྗེས་སུ་བརྟག་པར་བྱ་བ་ཡིན། །མངོན་པར་བརྗོད་པའི་རྒྱུད་བླ་མའི་བླ་མ་ལས་གསང་བ་ཆེན་པོའི་གསང་བ་ཨཱ་ལིའི་མཁའ་འགྲོ་སྒྲུབ་པ་སྟེ་ལེའུ་སུམ་ཅུ་པའོ།། །།དེ་ནས་སྦྱོར་བ་བཤད་བྱ་བ། །སྣ་ཚོགས་གར་གྱི་
D369.077.0316a06.01དབང་ཕྱུག་མཆོག །ཐམས་ཅད་མཆོག་སྟེ་རྣལ་འབྱོར་ཆེ། །དངོས་གྲུབ་ཆེན་པོ་ལེགས་སྩོལ་ལ། །སྐྱེད་པའི་རིམ་པའི་སྦྱོར་བ་ཡིས། །སྒོམ་ཞིང་རབ་ཏུ་བསྒོམ་པར་བྱ། །ཉི་མའི་དཀྱིལ་འཁོར་དབུས་སུ་ནི། །སིཾ་ཨོྃ་དྭཾ་ལས་རྡོ་རྗེ་འབྱུང་། །དེ་ཉིད་ཡོངས་གྱུར་བདག་ཉིད་དེ། །གསལ་
D369.077.0316a07.01