完整藏文原文 · 德格版页 当前仅加载第 77 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
མཁའ་འགྲོ་མ་ཡི་སྡོམ་པ་མཆོག །ཅིག་ཅར་འཇུག་པ་མཐོང་ནས་སུ། །རྡོ་རྗེ་སེམས་དཔའ་བསྒོམས་ནས་སྤྲོ། །ཨཱ་ལི་ཀཱ་ལི་ལས་བྱུང་བ། །ཧེ་རུ་ཀར་ནི་བདག་ཉིད་བྱས། །སེར་དང་སྔོ་དང་ལྗང་གུ་སྟེ། །སྟེང་ནི་དཀར་པོ་ཞི་བའོ། །དབུ་རྒྱན་ཐོད་པའི་ཅོད་པན་ཅན། །
D369.077.0297b01.01སྤྱན་གསུམ་ཐུགས་རྗེ་དྲག་པོ་སྟེ། །ཕག་མོ་ཡིས་ནི་རྣམ་པར་བརྒྱན། །འཇིགས་བྱེད་དང་ནི་དུས་མཚན་གྱི། །མགོ་ལ་གཡས་བརྐྱང་གནས་པས་བཞུགས། །དྲག་པོ་གདུལ་དཀའ་གདུལ་མཛད་ཅིང་། །བགེགས་རྣམས་ཐམས་ཅད་འདུལ་བར་མཛད། །ཟླ་བ་ཕྱེད་དང་
D369.077.0297b02.01རལ་པ་འཆང་། །སྣ་ཚོགས་རྡོ་རྗེ་རྣམ་པར་གནོན། །སྐུ་ལ་ཕྱག་རྒྱ་དྲུག་གིས་མཚན། །ཕྱག་རྒྱ་སྡོམ་པ་མཆོག་ཡིན་ཏེ། །སྟག་གི་པགས་པ་གོས་སུ་མནབས། །མགོ་བོའི་ཕྲེང་བས་རྣམ་པར་བརྒྱན། །རྡོ་རྗེ་ཕག་མོ་དམར་མོ་སྟེ། །གཅེར་བུ་སྐྲ་ནི་གྲོལ་བ་ཡིན། །དེ་ཡི་
D369.077.0297b03.01སྐུ་དང་ཞལ་དང་མཚན། །བྱིན་པ་གཉིས་ཀྱིས་ལེགས་པར་འཁྲིལ། །ཐོད་པའི་ཕྲེང་བའི་དབུ་རྒྱན་ཅན། །མཆུ་དང་མཆུ་ནི་པི་དི་དམ། །གཡེར་ཁ་ཡི་ནི་སྐུ་རགས་ཅན། །རིགས་ཀྱི་དགའ་བས་རྣམ་པར་མྱོས། །རྡོ་རྗེ་དྲིལ་བུ་མཉམ་ལྡན་པས། །ཕག་མོ་ཡི་ནི་ཀུ་ཙ་འཛིན། །
D369.077.0297b04.01ཐོད་པ་དང་ནི་ཁ་ཊྭཱཾ་འཛིན། །ཞགས་པ་ལྕགས་ཀྱུ་མཆོག་ཀྱང་འཛིན། །ཚངས་པའི་པགས་པ་བརྐྱང་ནས་ནི། །མགོ་བོའི་སྟེང་དུ་ཕྱག་གིས་འཛིན། །ཅང་ཏེའུའི་སྒྲ་ནི་སྙན་པ་དག །ཆོས་ཀྱི་སྒྲས་ནི་རབ་ཏུ་འགེངས། །གཡོན་དང་གཡས་ཀྱི་ཐད་དུ་ནི། །མཁའ་འགྲོ་བཞི་
D369.077.0297b05.01པོ་རྣམ་པར་བསྒོམ། །གཡས་ཕྱོགས་མཁའ་འགྲོ་མ་ལཱ་མ། །བྱང་དུ་དུམ་སྐྱེས་གཟུགས་ཅན་མ། །སྔོ་དང་ངུར་སྨྲིག་དཀར་ལ་སེར། །སྤྱན་གསུམ་རྣམ་བསྒྱུར་དྲག་པོ་དང་། །དཀར་སྔོན་ལྗང་དམར་ངུར་སྨྲིག་སྟེ། །དེ་ནི་རབ་ཏུ་ཆེར་འབར་བའོ། །གཡས་པའི་ཕྱོགས་སུ་
D369.077.0297b06.01བསྒོམས་ནས་ནི། །དངོས་གྲུབ་ཐམས་ཅད་རབ་ཏུ་སྩོལ། །གཡོན་ཕྱོགས་དམར་དང་སྔོ་དང་ལྗང་། །དཀར་པོ་སྟེང་གི་ཞལ་དེ་བཞིན། །ལྗང་དང་དམར་པོ་སེར་པོ་སྟེ། །སྟེང་གི་སྔོན་པོ་བདེ་བའང་དེ། །གཡས་བརྐྱང་བ་ཡི་ཞབས་ཀྱིས་བཞུགས། །ཕྱོགས་ཀྱི་གོས་མཆོག་
D369.077.0297b07.01